Fréttabréf Öryrkjabandalags Íslands - 01.09.2000, Blaðsíða 31

Frá Félagi heyrnarlausra
Hingað barst á vordögum árs-
skýrsla þess ágæta Félags
heyrnarlausra þar sem margt
markvert kemur fram. Hér verður á
stóru stiklað en drepið rétt á nokkur
einkar athyglisverð atriði. I skýrslu
formanns félagsins, Berglindar Stef-
ánsdóttur minnir hún á tvo stóra sigra
fyrir heymarlausa á árinu, úrskurð
Hæstaréttar um skyldu RUV til tákn-
málstúlkunar á framboðsræðum
stjórnmálaflokka fyrir alþingis-
kosningarnar síðustu og ákvæði í
nýrri aðalnámsskrá gmnnskóla sem
tryggja heyrnarlausum kennslu í
móðurmáli sínu, táknmálinu. Hún
bendir hins vegar á það að í aðal-
námsskrá leikskóla er hvergi minnst
á táknmál.
Berglind segir árið 1999 hafa verið
hálfgert “tækniár” fyrir heyrnarlausa
og nefnir textasímaforritið “Skjáma”
og dreifingu 110 tölva meðal heyrn-
arlausra sem textasíma. Berglind
segir mikilvægt á komandi árum að
huga að félagslegri stöðu heyrnar-
lausra og geðheilsu þeirra. í al-
mennri skýrslu um starfsemina eru
m.a. nefndir fræðslufundir og nám-
skeið. Minnt er á góðan og vel-
heppnaðan Dag heyrnarlausra og
vikið að tvöföldun á fjölda gesta á
heimasíðu félagsins sem væri fagn-
aðarefni. Hjálparsending góð fór til
Tanzaníu eftir beiðni félagsins þar,
fylltur gámur með fötum og skóm og
sendur. Svavar Gestsson var með
virktum kvaddur af félaginu er hann
hélt til Kanada fyrir ómetanleg störf
Formaðurinn í fínu formi.
og stuðning við málefni heyrnar-
lausra.
Baráttumál heyrnarlausra eru svo
rakin og þar til viðbótar tveim
áðurnefndum sigrum í mikilvægum
málum nefnd heimsókn Johans
Wesemann hingað til lands, sagt er
nánar frá Skjáma, sagt frá baráttu
vegna synjunar Heyrnar- og tal-
meinastöðvar á tölvu fyrir textasíma
handa heyrnarlausum og lausn þess
máls síðar. Minnt er sérstaklega á
baráttuna fyrir viðurkenningu á ís-
lenska táknmálinu sem móðurmáli
heyrnarlausra. Fyrir liggur samþykkt
menntamálanefndar Alþingis svo-
hljóðandi:
“Alþingi ályktar að menntamála-
ráðherra verði falið að láta gera at-
hugun á réttarstöðu heyrnarlausra hér
á landi í samanburði við réttarstöðu
heyrnarlausra í nágrannalöndunum
með það að markmiði að tryggja sem
best stöðu íslenska táknmálsins.”
En síðan ekki söguna meir.
Greinilega er vel að verki staðið
hvað varðar erlend samskipti og þátt-
töku í ráðum og ráðstefnum. M.a.
sóttur aðalfundur Alheimssamtaka
heyrnarlausra í Brisbane í Astralíu,
sem og heimsþing samtakanna í
framhaldi þar af en hvoru tveggja
einkar árangursríkt.
Sagt er frá útgáfu bæklingsins: Um
heyrnarlausar ijölskyldur svo og
fréttabréfs heyrnarlausra: Döff
blaðsins.
Ágætar skýrslur og gagnorðar eru
svo um hina ýmsu þætti starfsins.
Formaður félagsins er eins og áður
segir Berglind Stefánsdóttir, fram-
kvæmdastjóri Hafdís Gísladóttir, en
auk hennar eru 3 starfsmenn á skrif-
stofu.
Raunar vekur athygli að í fimm
manna aðalstjórn og tveggja vara-
manna í stjórn eru 7 konur en enginn
karl.
Alls góðs er félaginu óskað með
allt sitt væna starf og sitt kræfa
kvennaveldi.
Á vordögum 2000.
H.S.
Hlerað í hornum
Ur ræðu: Eg var þama alveg einn, al-
einn með hundinn minn og naut nátt-
úrunnar. Þá sagði konan mín upp úr
eins manns hljóði. Krakkar, nú er
pabbi ykkar að yrkja.
Tilvonandi verðbréfasalar voru með
læriföður sínum í heimsókn í fýrir-
tæki ýmis í kaupstað úti á landi og
átti að kenna þeim að meta virði
fyrirtækjanna. M.a. fóru þeir í neta-
gerð og þar voru þeim sýnd net af
ýmsum stærðum og gerðum hvað
möskva varðaði. Allt í einu spyr einn
neminn: “Hvernig vita fiskarnir í
hvaða net þeir eiga að synda?”
Sveitaprestur einn fyrr á öldinni þótti
afar utan við sig. Sem dæmi um
þetta var sagt að hann hefði hitt son
gamallar konu í sveitinni, en gömlu
konuna hafði klerkur jarðsungið fyrir
tveim vikum og nú heilsar hann syn-
inum og segir: “Komdu ævinlega
blessaður og hvernig líður henni
mömmu þinni núna?”
Frá lýsingu á handboltaleik: “Nú er
að hefjast leikur FH og Hauka og
Hafnfirðingar byrja með boltann.”
Úr Læknablaðinu hlerað: Sjúklingur
hafði gengið til háls- nef- og eyrna-
læknis í mörg ár til að losna við
hringjandi hávaða í eyrunum. Dag
nokkurn kom hann til læknisins og
sagði: “Ég hef góðar og slæmar frétt-
ir að færa þér.” “Góðu fréttirnar
fyrst”, sagði læknirinn. “Ég heyri
hringingarnar ekki lengur.” “En stór-
kostlegt”, sagði læknirinn. En slæmu
fréttirnar? “Nú heyrist mér alltaf
vera á tali.”
María gamla sagði að það færi alltaf
í taugarnar á sér þegar vinkonurnar
væru að tala um að hún væri í
krumpuðum sokkum. “Ég sem aldrei
geng í sokkum”.
FRÉTTABRÉF ÖRYRKJABANDALAGSINS
31