Íþróttablaðið - 01.04.1994, Blaðsíða 3

Ritstióraspjal I
Það er ekki öfundsvert að vera afreksmaður í íþróttum á íslandi.
Flestir, sem komast í þennan útvalda hóp, hljóta reyndar viðurkenn-
ingar, fá klapp á bakið, verða þekkt andlit og fá gullpeninga hengda
um hálsinn sem í mörgum tilfellum verða nokkurs konar hengingar-
ólar þegar fram í sækir. Það er þrengt svo að afreksmönnum á
íslandi að fáist ekki úrbætur í málefnum sem að þeim lúta munum
við tæplega eignast íþróttamenn sem komast á verðlaunapall á
næstu áratugum. Vissulega eigum við frábæra íþróttamenn sem
hafa verið í hópi tíu bestu íþróttamanna heims í sinni íþróttagrein.
Nægir þar að nefna Bjarna Friðriksson júdókappa, spjótkastarana
Einar Vilhjálmsson og Sigurð Einarsson, Véstein Hafsteinsson
kringlukastara og nokkra fleiri að ógleymdu handknattleikslandsl-
iðinu. En allir þessir íþróttamenn hafa sýnt fádæma eljusemi og
fórnfýsi til þess að skara fram úr án þess að njóta þess stuðnings sem
tíðkast hjá öllum siðmenntuðum þjóðum heims.
Þekktur frjálsíþróttaþjálfari hafði orð á því um daginn að hefðu
spjótkastararnir Einar og Sigurður fengið sama stuðning og kollegar
þeirra á Norðurlöndum síðastliðinn áratug hefðu þeir haldið titlin-
um „besta spjótkastarapar heims" síðastliðin fimm áren það hlotn-
aðist þeim árið 1989. Með nauðsynlegum fjárhagsstuðningi síðast-
liðin ár hefði, að minnsta kosti annar þeirra ef ekki báðir, án efa náð
að komast á verðlaunapall á Ólympíuleikum eða heimsmeistara-
móti.
ÍÞRÓTTABLAÐIÐ ræðir lítillega við fimm þekkta íþróttamenn sem
eru í fremstu röð á íslandi og forvitnast um það hversu mikill
fjárhagsstuðningur þurfi að koma til til þess að viðkomandi íþrótta-
maður nái að æfa við bestu hugsanlegar aðstæður og fá alla þá
aðhlynningu sem þarf til þess að skila honum á toppnum. Viðurs-
taðan kemur í raun ekki á óvart því afreksmenn þurfa um 4,5 millj-
ónir króna á ári til þess að eiga möguleika á verðlaunasæti á
stórmóti í framtíðinni. Sumum finnst þetta líklega há upphæð en er
ekki kominn tími til að við hættum að gera endalausar kröfur til
íþróttafólks okkar og styrkjum það frekar á myndarlegan hátt?
Ríkisstjórn íslands finnst málið sig engu varða þótt stjórnmálamenn
séu fljótir að lyfta glasi og hampa okkar fólki þegar það stígur á land
í Leifsstöð eftir árangursríka keppnisferð. Verða ekki gerðar úrbætur
í þessum efnum á næstunni má reikna með að sífellt færri íþrótta-
menn hafi þrek og fórnfýsi til þess að reyna að standa í fremstu
íþróttamönnum heims á næstunni.

Þorgrímur Hafsteinn Viðar
Þráinsson ritstjóri auglýsingastjóri
Ritstjóri og
ábyrgðarmaður:
Þorgrímur Þráinsson
Beinn sími ritstjóra: 678938
Ljósmyndarar: Gunnar
Gunnarsson, Hreinn
Hreinsson og Kristján
Einarsson
Skrifstofa ritstjórnar:
Bíldshöfða 18. Sími 685380
Aðalritstjóri:
Steinar J. Lúðvíksson
Framkvæmdastjóri:
Halldóra Viktorsdóttir
Stjórnarformaður:
Magnús Hreggviðsson
Áskriftargjald kr. 1.347,00
(4.-6.tbl) Kr.1.212,00 ef
greitt er með greiðslukorti.
Hvert eintak í áskrift
kr. 449,00 en 404,00 ef
greitt er með greiðslukorti.
Hvert eintak í lausasölu
kr. 539,00
Áskriftarsími: 812300
Útgefandi: Fróði hf.
Skrifstofa og afgreiðsla:
Ármúla 18, sími 812300
Öll réttindi áskilin varðandi
efni og myndir.
G. Ben. prentstofa hf.
3