Ljósmæðrablaðið - des. 2020, Blaðsíða 5
5
sókn Jóhönnu Ólafsdóttur. Niðurstöðurnar sýna að
ljósmæðurnar upplifðu sig einar í áfallinu, formlegan
stuðning vantaði og að það að yfirgefa starfið hafi
haft gríðarleg áhrif á líf og líðan. Til fyrirbyggingar
og úrvinnslu þyrfti að skapa styðjandi og hvetjandi
vinnuumhverfi hjá ljósmæðrum. Í annarri ritrýndri
grein sem byggir á meistararannsókn Guðlaugar
Erlu Vilhjálmsdóttur er fjallað um hversu hversu já-
kvæð útkoma ljósmæðrastýrðra eininga innan og
utan sjúkrahúsa er fyrir konur og börn þeirra, sem
ætti að upplýsa konur um þegar kemur að vali á
fæðingarstað. Í fræðslugrein er fjallað um andlega
líðan tvíburamæðra og mikilvægi stuðnings ljós-
mæðra. Hér er byggt á lokaverkefni Klöru Jennýjar
Arnbjörnsdóttur í ljósmóðurfræði frá því á þessu ári.
Á árinu kom út ljóðabókin Hetjusögur, eft-
ir Kristínu Svövu Tómasdóttur sem hún byggir á
bókaflokknum Íslenskar ljósmæður I-III frá árunum
1962-1964. Í Hetjusögum birtast frásagnir af starfi
ljósmæðra í ljóðaformi. Í viðtali við Kristínu spyr Rut
Guðmundsdóttir ljósmóðir um tilurð þessa ljóða og
hvort það sé mikilvægt að segja þessar kvennasögur
í dag. Svar hennar er að svo sé, því að „fortíðin er
alltaf hluti af samfélaginu þó að við þurfum alls ekki
að lifa í henni“.
Svo skemmtilega vill til að í blaðinu er æviþáttur
Salbjargar ljósmóður sem starfaði á Snæfjalla- og
Langadalsströnd um miðja síðustu öld, skráður af
syni hennar og sonarsyni, núlifandi afkomendum,
sem er lýsandi fyrir sameiginlega þræði hetjusagn-
anna í ljóðum Kristínar Svövu.
Ljósmæður sinna fjölbreyttum hópi kvenna og
fjölskyldum þeirra. Í þessu blaði er fjallað um þjón-
ustu sem er í boði á Íslandi fyrir „okkar viðkvæmustu
konur“ þær sem sækja um alþjóðlega vernd hér á
landi. Þar gefa okkur upplýsingar Magdalena Kjart-
ansdóttir deildarstjóri hjá Velferðarsviði Reykjavíkur-
borgar og ljósmæðurnar Anna Guðný Hallgríms-
dóttir og Steinunn H. Blöndal.
Konur eru oft þakklátar og hafa myndað gefandi
samband við ljósmæður sínar. Það sýnir góð gjöf
sem færð var ljósmæðrum á Landspítala í vor, eftir
harða kjarabaráttu sem var ofarlega á baugi í fjöl-
miðlum. Guðlaug Erla Vilhjálmsdóttir segir okkur frá
og sýnir okkur í kassann utan um gjöfina. Hugleiðing
ljósmóður er fastur hluti í hverju Ljósmæðrablaði
og er að þessu sinni í góðum höndum Elínborgar
Vilhelmínu Jónsdóttur, hennar Elvíar okkar sem við
starfslok fer yfir þær gríðarlegu breytingar sem hún
hefur upplifað á starfsævinni. Hún er ein af hetjun-
um sem hefur „siglt í faglegum ólgusjó og stigið
ölduna“.
BRJÓSTAGJÖF
Í NÚINU
MINDFUL BREASTFEEDING
Norræna Brjóstagjafaráðstefnan
verður haldin í níunda sinn
á Hilton Nordica í Reykjavík
23. og 24. september 2021
M
yn
d
: B
ir
na
B
ry
nd
ís
Þ
or
ke
ls
d
ót
ti
r
nordicbf2021.com