Ljósmæðrablaðið - des. 2020, Síða 7

7
skemmtileg verkefni sem forréttindi hafa verið
að fá að taka þátt í en að sjálfsögðu hefur stjórn
félagsins og fleira gott fólk komið að þessum ver-
kefnum. Svo má ekki gleyma daglegum störfum
innan félagsins, aðstoð við félagsmenn, kjaramál,
samningagerð og margt fleira. Þær ljósmæður
sem eru því að hugsa um að bjóða sig fram til
formanns félagsins eiga skemmtileg og fjölbreytt
ár í vændum nái þær kjöri. Ég tel að það sé það
eftirsóknarvert að starfa í þágu ljósmæðra og
vona að það verði fleiri en ein ljósmóðir sem hef-
ur áhuga á starfinu og bjóði sig fram.
Það eru mörg verkefni sem bíða nýs formanns
og ljósmæðra. Eitt af því sem hefur verið ýtt úr
vör en ekki lokið er útvíkkun á starfssviði ljós-
mæðra og betri nýting menntunar þeirra. Ljós-
mæður geta leikið lykilhlutverk í forvörnum og
kvenheilsu. Það má hugsa sér að gera þjónustu
þeirra aðgengilega um allt land með símtölum,
myndsímtölum og annarri tækni sem nútíminn
býr yfir. Einnig geta þær stutt við bakið á og verið
ráðgefandi fyrir aðrar stéttir þar sem engin ljós-
móðir er við störf. Til þess að ýmsar breytingar
og útvíkkun á starfi ljósmæðra geti orðið að sjálf-
sögðum hlut og veruleika þarf líklega að sigra
feðraveldið þó að komið sé árið 2020. Stétt sem
telur einungis 284 kjarafélaga sem allar eru konur
er í hættu á að rödd hennar heyrist ekki og hún
nái ekki breytingum fram og því vantar sárlega
ljósmæður í valdastöður í „kerfinu“.
Þjálfa þarf leiðtogahæfni innan stéttarinnar
og hefur undanfarið verið vakning í þá átt. Bæði
var unnið með það í Twinning verkefni sem nú
er nýlokið og einnig verður horft til þess í nýju
námi ljósmæðra. Ljósmæður þurfa að styrkja hvor
aðra og hampa þeim sem eru að gera góða hluti
hverju sinni. Að lyfta undir kollegana þegar þarf
er mikilvægt. Að tala sem ein rödd út á við er
mikilvægt alltaf í öllum baráttumálum. Nú þegar
nám ljósmæðra er að breytast og starfsvettvang-
ur þeirra vonandi að víkka út verður að fylgjast
með því að lög og reglugerðir nái utan um þær
breytingar. Sú vinna tekur tíma því eins og áður er
sagt vinnur „kerfið“ oftast nær mjög hægt.
Framtíð ljósmæðra er björt, mikill velvilji er í
samfélaginu í garð ljósmæðra og þær eru ef til
vill aðeins í tísku núna. Að minnsta kosti tvær jóla-
bókanna fjalla um ljósmæður, undanfarin ár hafa
komið út bækur um ljósmæður og verið er að
gera íslenska sjónvarpsþætti um ljósmæður auk
þess sem bresku sjónvarpsþættirnir Call the Mid-
wife hafa notið talsverðra vinsælda.
Vegna pestar í heiminum er óvíst að hægt verði
að hafa nokkrar samkomur fyrr en eftir mitt næsta
ár og hefur það vissulega breytt áformum félags-
ins og starfsemi nær allt þetta ár.
Ég horfi til baka yfir þessi ár í formennskunni
með þakklæti í huga þó að vissulega hafi fylgt
starfinu vonbrigði og erfiðleikar á stundum þá
verður gleðin mikil þegar vel hefur gengið með
atburði og tekist hefur að leysa farsællega úr mál-
um, hvort sem þau varða einstaklinga eða félagið
sjálft.
Þó að ég láti ekki af störfum fyrr en í mars þá
ætla ég að nota þetta tækifæri til að þakka öllum
þeim sem ég hef starfað með fyrir samstarfið og
ljósmæðrum fyrir stuðninginn og traustið.
Fyrir hönd stjórnar LMFÍ óska ég öllum ljós-
mæðrum og fjölskyldum þeirra gleðilegra jóla og
farsæls komandi árs.
Í desember 2020, Áslaug Valsdóttir.