Ljósmæðrablaðið - dec 2020, Qupperneq 10

10
Ár hjúkrunarfræðinga
og ljósmæðra 2020
Ólöf Ásta Ólafsdóttir
Alþjóðaheilbrigðismálastofnunin (WHO) til-
einkaði árið 2020 hjúkrunarfræðingum og ljós-
mæðrum. Markmiðið með þeirra ákvörðun var
að vekja athygli á störfum hjúkrunarfræðinga
og ljósmæðra, enda gegni þessar starfsstétt-
ir grundvallarhlutverki í heilbrigðisþjónustu
í heiminum og það væri mikilvægt að þjóðir
heims fjárfesti í menntun þeirra og störfum.
Árið 2020 þótti henta vel því á því ári væru
liðin 200 ár frá fæðingu hjúkrunarfræðingsins
Florence Nightingale, þeirrar merkiskonu sem
má segja að hafi á svo margan hátt lagt grunn
að nútímaheilbrigðisþjónustu og þverfaglegri
samvinnu heilbrigðisstétta til eflingar heil-
brigðis.
WHO telur að þessar stéttir séu um helm-
ingur heildarmannafla heilbrigðisstarfsmanna
í heiminum og að heimurinn þurfi níu milljónir
hjúkrunarfræðinga og ljósmæðra til viðbótar til
að ná heimsmarkmiðum Sameinuðu þjóðanna
um heilbrigði fyrir alla, fyrir árið 2030. Með því
að framlag þeirra sé hámarkað væri stuðlað að
því að allir fái heilbrigðisþjónustu án tillits til
efnahags. Þetta á ekki síst við um suð-austur
Asíu og Afríku. Samkvæmt WHO eru hjúkrunar-
fræðingar og ljósmæður einnig mikilvægasti
hlekkurinn í flóknu heilbrigðiskerfi til að auka
öryggi fólks í ólíkum menningarheimum.
Bent hefur verið á að ófullnægjandi mönnun
þessara stétta og starfsaðstæður geti leitt til
verri útkomu í heilbrigðisþjónustunni. Það er
ljóst að skortur á fagfólki eykur líkur á mistök-
um, minni gæðum þjónustunnar, auknu álagi,
streitu og kulnun í starfi. Til að vekja athygli
á árinu skrifuðu formenn félaga hjúkrunar-
fræðinga og ljósmæðra, Guðbjörg Pálsdótt-
ir og Áslaug Valsdóttir einmitt í dagblöð og
bentu á að betra starfsumhverfi og bætt kjör
ljósmæðra og hjúkrunarfræðinga væri leið til
að veita skilvirkari, öruggari og hagkvæmari
þjónustu sem væri til hagsbóta fyrir okkur öll.
Árið 2020 hefur svo reynst vera ár COVID-19
og hefur enn frekar sýnt mikilvægi ljósmæðra
og hjúkrunarfræðinga sem hafa heldur betur