Ljósmæðrablaðið - des. 2020, Síða 27

27
réttmæti samantektarinnar var hver rannsókn metin
og valin af tveimur höfundum (annars vegar G.E.V.
og B.H., hins vegar G.E.V. og Ó.Á.). Upphaflega
var áætlað að miða við að rannsóknir skoruðu að
minnsta kosti 5 á matstækinu en eftir yfirlestur höf-
unda var ákveðið að miða við 6. Við það fækkaði
rannsóknum úr 11 í 10. Flæðirit heimildaleitar og
vali á rannsóknargreinum er lýst í mynd 1.
Siðferðisleg álitamál
Engin sérstök siðferðisleg álitamál eru við fram-
kvæmd kerfisbundinna fræðilegra samantekta og
ekki er þörf á leyfi vísindasiðanefnda við gerð þeirra.
Niðurstöður
Einkenni og rannsóknarsnið rannsókna
Samtals voru 10 rannsóknir valdar í þessa kerfis-
bundnu, fræðilegu samantekt. Yfirlit yfir rannsókn-
irnar og einkenni þeirra er að finna í töflu 1. Rann-
sóknirnar voru gefnar út á árunum 2009-2017. Þrjár
eru frá Ástralíu, tvær frá Nýja-Sjálandi, tvær frá Nor-
egi, ein frá Englandi, ein frá Danmörku og ein frá
Bandaríkjunum (sjá töflu 1). Flestar rannsóknirnar
eru frá Ástralíu og Nýja Sjálandi en þessi lönd eru
framarlega þegar kemur að samfelldri þjónustu ljós-
mæðra og ljósmæðrastýrðri umönnun.
Níu rannsóknir voru ferilrannsóknir (e. cohort
studies), þar af voru tvær með paraðan samanburð-
arhóp. Ein rannsókn var slembivalin, stýrð tilraunar-
annsókn (sjá töflu 1).
Tilgangur, úrtak og þátttakendur rannsókna
Tilgangur allra rannsóknanna var að bera saman út-
komu fæðinga eftir fæðingarstöðum. Í fjórum rann-
sóknum var útkoma ljósmæðrastýrðra eininga utan
sjúkrahúsa borin saman við útkomu þverfræðilegra
fæðingardeilda á sjúkrahúsum (Bailey, 2017; Davis
Mynd 1 – Val á rannsóknargreinum í samantekt