Ljósmæðrablaðið - des. 2020, Síða 84

84
væri farið yfir stöðuna, næstu skref og hlutverk hvers
og eins skilgreint. Málstjórar okkar teymis eru sér-
staklega vakandi yfir líðan og aðbúnaði nýbakaðra
mæðra og hvítvoðunganna og ef þörf er á er veittur
aukastuðningur frá teyminu inn á heimilið. Verðandi
mæður fá fæðingarstyrk sem er 20.000 krónur og
greiðist hann nokkrum vikum fyrir áætlaða fæðingu
til að kaupa nauðsynjar fyrir ungabarnið. Hjálparstarf
kirkjunnar hefur einnig verið hluti af þessu starfi og
aðstoðað t.d. við úthlutun á ungbarnafötum og öðr-
um nauðsynlegum hlutum. Þá veitir RKÍ verðandi
mæðrum pakka með notuðum fatnaði eins og sam-
fellum (5 stk), náttgalla og efri og neðri hluta (2 stk.)
Í þessum pakka eru einnig handprjónaðar flíkur frá
sjálfboðaliðum eins og teppi, húfa, vettlingar, sokkar
og peysur. Okkar teymi hefur nýtt sér Góða hirðinn
við kaup á barnavögnum til að eiga fyrir umsækjend-
ur og þá höfum við einnig útvegað vöggu/rimlarúm
sem og kodda , sæng og rúmfatnað. Þetta á einung-
is við ef um er að ræða einstæðar mæður.
Árið 2017 þjónustaði teymið okkar þrjár nýbakaðar
mæður og börn þeirra. Mæðurnar komu frá Kenía,
Úkraínu og Senegal. Árið eftir voru fimm nýbakaðar
mæður og börn þeirra í okkar þjónustu, tvær mæður
komu frá Nígeríu, hinar frá Moldavíu, Írak og Sómal-
íu. Á árinu 2019 var mikil fjölgun í þjónustu teymisins
við nýbakaðar mæður og þeirra nýbura, börnin voru
23 talsins. Flestar mæður komu frá Nígeríu eða tíu,
þrjár frá Írak, tvær frá Ghana og hinar frá Mósambík,
Kólumbíu, Íran, Palestínu, Moldavíu, Sýrlandi, Túnis
og Líbíu. Á þessu ári höfum við þjónustað sex mæður
og nýfædd börn þeirra, fjórar eru frá Nígeríu, ein frá
Kasakstan og ein frá Írak.
Umsækjendur um alþjóðlega vernd er sérstakur
áhættuhópur þegar kemur að mansali. Þess vegna
er mikilvægt að hafa augun opin vegna mögulegra
fórnarlamba mansals og bregðast hratt og rétt við
þegar grunur um slíkt kemur upp. Vinna teymisins er
í stöðugri þróun og tekið er mið af margbreytilegum
hópi hverju sinni.
Áhrif COVID á umsækjendur um
alþjóðlega vernd
Í byrjun COVID faraldursins voru upplýsingar til al-
mennings á Íslandi að mestu á íslensku (upplýsinga-
fundir og heimasíður). Nú hefur orðið bragarbót á því
og upplýsingar eru gefnar út á 9 tungumálum. Talið
var að einstaklingar af erlendum uppruna fylgdust
frekar með fréttum í sínum heimalöndum og brygðust
því við með öðrum hætti en Íslendingar, til að mynda
voru börn síður /ekki send í skóla. COVID faraldurinn
hefur einnig haft áhrif þannig að færri umsækjendur
um alþjóða vernd hafa komið til landsins og þeim
sem hefur verið vísað brott eru í biðstöðu. Umsækj-
endur höfðu því ákveðna sérstöðu þar sem ástandið
tengt COVID kom í veg fyrir brottvísun og ýtti undir
von margra um að geta dvalið varanlega á landinu.
Óöryggi þeirra og kvíði var því til að byrja með frekar
tengdur áhyggjum af ættingjum og vinum erlendis.
Það sem við gerðum í okkar teymi í kjölfar COVID
var meðal annars að reyna að tryggja að upplýsingar
um smitvarnir kæmust til skila og kennt var á smitrakn-
ingarapp stjórnvalda. Þá var aukin þjónusta við þrif og
úthlutun á tækjum og efnum til hreingerninga í bú-
setuúrræðum. Einstaklingar með undirliggjandi sjúk-
dóma og barnafjölskyldur fengu ný rúmföt og hand-
klæði. Þá var aukin vitund og gátlistar til að skima
fyrir afleiðingum COVID á einstaklinga og fjölskyld-
ur, til dæmis með því að skima fyrir heimilisofbeldi.
Þá settum við saman glaðning fyrir börn fyrir páska
með púsluspilum og lita/teikniáhöldum. Teymið hélt
svo vinnufund í maí sl. þar sem farið var yfir áhrif
COVID á okkar notendur og skoðað hvaða lærdóm
mætti draga. Það kom í ljós að það var góð reynsla
af fjarviðtölum/símtölum og að senda SMS skilaboð.
Ástandið hafði mjög mismunandi áhrif á einstaklinga
og það kom ánægjulega á óvart að einstaklingar sem
eru í umsóknarferli um alþjóðlega vernd voru ekki
kvíðafullir vegna ástandsins, þeir fundu frekar fyrir
þakklæti yfir að vera á Íslandi og upplifðu aukna von
um að þeirra mál fengi farsælan endi.
Það er öruggt mál að COVID- veiran hefur litað líf
okkar allra og ekki síst þeirra sem standa hallari fæti
í okkar þjóðfélagi. Þessi ógn sem COVID er hefur
áhrif á okkur öll og ítrekar að við erum öll í sama
liði, við þurfum að passa upp á sömu hluti; hreinlæti,
heilsu, hreyfingu og reglubundið líferni.
Leiðarljós okkar í teyminu sem þjónustum um-
sækjendur um alþjóðlega vernd á Velferðarsviði
Reykjavíkurborgar er að hver svo sem næstu skref
umsækjenda eru þá er mikilvægt að efla þá þar sem
þeir standa og gefa þeim von um að hægt sé að
bæta lífsskilyrði þeirra til framtíðar.