Ljósmæðrablaðið - Dec 2020, Page 87

87
Gylfadóttir, önnur nýbökuð og þakklát móð-
ir, sem hafði samband við Írenu og stakk upp
á að hefja einnig söfnun á peningum til þess
að hægt væri að gefa gjafir á fleiri deildir. Alls
söfnuðust um 300.000 kr. og enduðu þær stöll-
ur á að færa Fæðingarvaktinni, Meðgöngu-
og sængurlegudeild, Meðgönguverndinni,
Vökudeild og skurðstofunum á Kvenna- og
barnasviði – ýmis konar gjafir eins og nudd-
tæki, hitateppi og peningagjafir í starfsmanna-
sjóði.
Það voru þakklátar ljósmæður sem tóku á móti
þessum fallega kassa og dásamlegum gjöfum
sem fylgdu honum, rétt fyrir jólin 2019. Það er
óhætt að segja að innihald kassans sé mikill fjár-
sjóður og ófáar stundir hafa þær flett í gegnum
hann, lesið þakkarorð og skoðað myndir af börn-
um sem þær hafa tekið á móti.