Ljósmæðrablaðið - des. 2020, Síða 90

90
Twinning Up North
2018-2020
Þriggja ára samstarf við hollenskar ljósmæður
Árið 2018 hófu 14 íslenskar ljósmæður og 14 hol-
lenskar ljósmæður þriggja ára Twinning ferðalag
saman. „Twinning“ er skilgreint sem þvermenn-
ingarlegt, gagnkvæmt ferli þar sem tveir hópar
vinna saman að sameiginlegum markmiðum.
Markmið þessa verkefnis hjá hollenska og íslenska
ljósmæðrafélaginu, var að nýta samfélagsmiðla
til að stuðla að náttúrulegum og þar með lífeðlis-
fræðilegum fæðingum ásamt því að vera leiðtogar
í að koma á jákvæðum breytingum í ljósmóður-
fræði og barneignarþjónustu.
Twinning: Faglegt samstarf og
persónuleg tengsl
Allar ljósmæðurnar sem tóku þátt helguðu að
meðaltali 10 tímum á mánuði af sínum tíma til ver-
kefnisins og tóku einnig þátt í málstofum og nám-
skeiðum til að þróa leiðtogahæfileika sína. Ljós-
mæðurnar, sem voru á öllum aldri, frá mismunandi
starfsvettvangi og með mislanga starfsreynslu,
voru paraðar saman út frá áhuga þeirra og sér-
þekkingu. Sem „tvíburar“ höfðu þær að markmiði
að deila reynslu og stuðla að jákvæðum breyting-
um hjá hver annarri og hafa jákvæð áhrif á verðandi
mæður, fjölskyldur þeirra og samfélag.
Breytingar vegna heimsfaraldurs
Síðasta málstofan í verkefninu var haldin rafrænt
vegna COVID-19 takmarkanna. Ætlunin var að fagna
saman í Hollandi en því miður kom heimsfaraldurinn
í veg fyrir það. Til að fagna verklokum, ákváðum við
að birta rafrænt blað sem fjallar um ferðalag okkar,
sögurnar okkar, samstarf og verkefnin. Við héldum
upp á birtingu blaðsins með því að halda hátíðlegt
teboð í gegnum Zoomfund sem hófst með ræðu
forsetafrúar Íslands, Eliza Reid, sem var afar ánægju-
leg. Þrátt fyrir að ekki hafi verið hægt að hittast má
þó segja að útgáfa blaðsins hafi verið sárabót. Með
þessari rafrænu útgáfu höfum við í raun náð að deila
Twinning Up North verkefninu með heiminum. Þetta
áhugaverða Twinning blað má nálgast á: https://mid-
wives4mothers.nl/twinning-up-north/