Ljósmæðrablaðið - des. 2020, Síða 95

95
sinna konum í sængurlegu heima sem sjálfstæð-
ir verktakar með samning við sjúkratryggingar.
Á Landspítalanum var síðan unnið að því að efla
brjóstagjöf og auka samveru móður og barns og
að lokum var vöggustofunni lokað.
Innan Landspítala hóf MFS einingin starfsemi
sem var ljósmæðrastýrð þjónusta fyrir foreldra
í eðlilegri meðgöngu, fæðingu og sængurlegu
með áherslu á samfellda þjónustu og var hún
vinsæl meðal foreldra. Sú eining lagðist síðan
af og Hreiðrið var sett á laggirnar sem var ljós-
mæðrastýrð fæðingareining innan Landspítal-
ans. Hreiðrið var síðan sameinað fæðingarvakt
Landspítala og þar er sífellt unnið að því að efla
allt er stuðlar að eðlilegum fæðingum og að
þær verði áfram á ábyrgð ljósmæðra.
Vatnsfæðingar ruddu sér til rúms. Fyrst þótti
þetta óhugsandi og algert glæfraspil en þær eru
nú orðnar eðlilegur valkostur í fæðingum víðast
hvar. Heimafæðingum fer fjölgandi en um tíma
höfðu þær nánast lagst af.
Síðan Fæðingarheimili Reykjavíkur var endan-
lega lokað árið 1995 hafa ljósmæður lagt mikið
á sig til að koma sambærilegri starfsemi aftur af
stað og nú höfum við Björkina - fæðingarstofu
og 9 mánuði – heilsumiðstöð á höfuðborgar-
svæðinu þar sem ljósmæður veita fjölbreytta
þjónustu. Öryggi móður og barns og velferð
fjölskyldunnar er og verður alltaf leiðarljósið á
þessari vegferð faglegrar þróunar. Samvinna
fagaðila er veita þjónustuna er grundvallaratriði
svo vel takist til.
Ljósmæðranámið þróaðist í tveggja ára nám
eftir hjúkrunarnám sem síðan fluttist yfir á há-
skólastig 1995. Ljósmæðrastéttin hefur alltaf
leitast við að efla menntun í takt við tímann og
meisturum og doktorum í stéttinni fer fjölgandi.
Ljósmæðrafélagið hefur að mestu séð um
viðhaldsmenntun ásamt heilbrigðisstofnunum
og stendur fyrir fræðslufundum og ráðstefnum
um það sem efst er á baugi á hverjum tíma. Nú
eru námskeið og ráðstefnur einnig í boði víða
sem ljósmæður eru duglegar að sækja bæði
innanlands og utan.
Frá því að vera nánast bókalaust starfsum-
hverfi hefur starfsvettvangur minn flust fram á
upplýsingartækniöld þar sem alheimsnetið er
opið hverja stund og Fylgjan vasabókin með
helstu minnispunktunum sem var manni til halds
og trausts er liðin tíð.
Snemma í náminu lærði ég þessa vísu:
Höfuð stendur hátt í grind
samdráttur er sterkur
Á útvíkkun er engin mynd
en andskoti mikill verkur.
Við þessu veitum við í dag Latentfasameð-
ferð.
Ætli ég endi við Indlandsstrendur eins og skipin
þegar þau hætta að sigla? Því svo sannarlegahef
ég siglt í faglegum ólgusjó og stigið ölduna.
Fylgju-app ljósmæðra í dag.