Bændablaðið - 08.10.2020, Blaðsíða 22

Bændablaðið | Fimmtudagur 8. október 202022
UTAN ÚR HEIMI
Brugðist við miklum samdrætti í sölu á írsku nautakjöti í Evrópu:
Efnt til söluherferðar á írskum
nautasteikum í þrem löndum
Samdráttur í ferðamennsku og
lokanir veitingastaða valda víðar
vanda en á Íslandi vegna COVID-
19. Frændur vorir Írar reyna nú
að bregðast við miklum samdrætti
í sölu á nautasteikum með sölu-
og kynningarherferð í Þýskalandi,
Ítalíu og á Spáni sem hófst 15. sept-
ember síðastliðinn.
Sala til veitingastaða hefur stað-
ið undir þriðjungi af sölu á öllum
nautakjötsútflutningi Íra til megin-
lands Evrópu. Hins vegar hefur sala
á írskum steikum til veitingastaða
staðið undir um helmingi af sölu-
verðmæti nautakjötsútflutnings-
ins. Steikurnar hafa því verið afar
mikilvægar í þessum útflutningi og
því hefur spáðum 33% samdrætti
á veitingastöðum á þessu ári mikil
áhrif á írskan nautakjötsútflutning.
Herferðin nær til 6.000 verslana
Það er írska markaðsskrifstofan Bord
Bia sem fer fyrir söluherferðinni á
írska nautakjötinu í samstarfi við 11
smásölufyrirtæki í Evrópu. Nær það
til allt að 6.000 verslana í Þýskalandi,
Ítalíu og á Spáni. Ætlunin er að efla
sölu á írskum nautasteikum í versl-
unum utan mesta grilltíma sum-
arsins. Þó steikur séu aðeins um 13%
af nautskrokknum, þá hefur salan á
steikunum skilað um 33% af verð-
mæti hvers nautaskrokks.
Aikish Forde, viðskiptaþró-
unarstjóri Bord Bia, segir í sam-
tali á vefsíðu AgriLand, að reynt
sé að vinna með viðskiptavinum
á Evrópumarkaði við að efla neyt-
endamarkað á írsku nautakjöti.
Fyrsti áfangi stendur
út fyrsta ársfjórðung 2021
„Þetta er aðeins fyrsti áfangi í bar-
áttunni sem mun standa út fyrsta
ársfjórðung 2021. Við búumst við
að fleiri smásöluaðilar í sölu á
nautasteikum gangi í lið með okkur
og styrki þannig tengsl okkar við
evrópska smásöluverslun.“
Kynningar með fjölbreyttum hætti
Á Ítalíu verður, samhliða sölu-
herferð í verslunum, farið í ut-
anhúss kynningarherferð á 200
strætisvagnaskýlum, á 23 staf-
rænum auglýsingaskiltum og á
72 rútu- og sporvagnastöðvum á
lykilstöðum í Mílanó, Bologna og
í Róm. Þá verða einnig virkjaðir
áhrifavaldar á samfélagsmiðlum
með áherslu á 12 áhrifaleiðtoga á
Instagram. Svipaðri aðferðafræði
verður beitt í Þýskalandi. /HKr.
Vegna samdráttar á veintingahúsum út af COVID-19 hefur sala dregist mjög
saman á nautasteikum frá Írlandi. Með söluherferð á írsku nautakjöti í þrem
Evrópulöndum er ætlunin að efla sölu á írskum nautasteikum í verslunum
utan mesta grilltíma sumarsins. Mynd / Bord Bia
Könnun þýsku matvöruverslunarinnar Rewe:
Þýskir neytendur vilja
svæðisbundnar vörur
Nýlega kynnti þýska matvöruversl-
unin Rewe niðurstöður könnunar
sem gerð var á 2.500 neytendum
verslunarinnar, 18 ára og eldri,
sem veitir innsýn í kaupendahegð-
un. Áherslan var á svæðisbundn-
ar vörur í matvöruverslunum og
sýna niðurstöðurnar skýrt af hverju
þýskir neytendur velja svæðis-
bundnar vörur.
Niðurstöður könnunarinnar sýna
að 86 prósent svarenda sögðu að
það væri mikilvægt eða mjög mik-
ilvægt fyrir þá að styðja við bændur
og svæðisbundna birgja. Svör þátt-
takenda sýndu einnig að meirihluti
þeirra kaupir reglulega svæðisbundnar
vörur í matvöruverslunum, einungis
1,6 prósent svarenda myndu aldrei
versla slíka vöru.
Flutningur varanna um styttri veg
ásamt ferskleika þeirra voru ein af
aðalrökum neytendanna fyrir því að
kaupa svæðisbundnar vörur í mat-
vöruverslunum. Framboð á svæðis-
bundnum vörum í matvöruverslunum
var mikilvægt eða mjög mikilvægt
fyrir flesta þátttakendur. Þeir þættir
sem þátttakendum fannst mikilvægt
við svæðisbundnar vörur samkvæmt
niðurstöðu könnunarinnar eru að
vörurnar eru ferskar, að framleiðendur
fái sanngjarna þóknun og að vörurnar
séu staðbundnar og jafnvel sérstakar
fyrir það svæði sem þær koma frá.
/ehg- organic-market.info
Metinnflutningur Kínverja á svínakjöti
Á síðasta ári jókst innflutning-
ur Kínverja á svínakjöti, vegna
svínapestarinnar sem þar geis-
ar, um 156 prósent. Eru það
sérstaklega Bandaríkin sem
njóta góðs af innflutningnum
en frá janúar til maí í ár hafa
Kínverjar flutt inn rúmlega
330 þúsund tonn af svínakjöti
þaðan.
Bandaríkin njóta góðs af
fyrsta áfanga í viðskiptasamn-
ingi við Kínverja sem snýr að
útflutningi á svínakjöti þrátt fyrir
áframhaldandi pólitískar deilur
milli landanna. Staða innflutn-
ings frá Bandaríkjunum til Kína
hefur snarbreyst frá árinu 2019
en frá janúar til maí á þessu ári
hafa Kínverjar flutt inn 333.445
tonn af svínakjöti frá landinu
sem er aukning um 531 prósent.
Þetta má sjá í nýlegri skýrslu frá
Pigprogress, sem safnar saman
fréttum úr svínageiranum um
heim allan.
Svínakjötsframleiðslan
aftur á uppleið
Tölur frá tollayfirvöldum í Kína
sýna að til landsins voru flutt inn
1,68 milljónir tonna af svínakjöti
fyrstu fimm mánuði ársins. Það er
156 prósentum meira en árið áður. Á
eftir Bandaríkjunum er mest flutt inn
af svínakjöti frá Spáni, eða rúm 300
þúsund tonn og Þýskaland þar á eftir
með tæp 240 þúsund tonn. Þau lönd
sem flytja einnig mest út af svína-
kjöti til Kína eru Brasilía, Danmörk,
Kanada, Holland, Chíle, Frakkland
og Stóra-Bretland. Fimm ný lönd
hafa bæst við á þessu ári sem flytja út
til Kína en það eru Argentína, Ítalía,
Sviss, Kosta Ríka og Belgía.
Á fyrri helmingi þessa árs flutti
risalandið Kína inn 2,12 milljón-
ir tonna af svínakjöti og er það
meira en heildarinnflutningur
ársins 2019 sem var 2,11 milljónir
tonna. Landbúnaðaryfirvöld í Kína
reikna með að flytja inn eina millj-
ón tonna til af svínakjöti í ár til að
tryggja framboð á innanlandsmark-
aði. Fyrstu sex mánuði ársins voru
framleiddir 251 milljón grísa í Kína
sem er hnignun um 20 prósent frá
fyrra ári. Hins vegar hafa kínversk
landbúnaðaryfirvöld gefið út að
svínakjötsframleiðsla í landinu sé
aftur á uppleið. Í lok júní var fjöldi
svína í landinu um 340 milljónir,
sem er 30 milljónum meira en í
upphafi árs. Flokkurinn er nú 77
prósent af því sem hann var í lok
árs 2017 þegar svínapestin herjaði
í landinu.
/ehg - Bondebladet
Verðhjöðnun ríkir í
efnahagskerfi ESB
– Ekki góðar horfur miðað við hagfræðikenningar
Verðhjöðnun ríkir nú í hag-
kerfi Evrópusambandsins
þar sem verðbólga mæld-
ist í ágústlok mínus 0,4%
samkvæmt tölum Eurostat.
Hefur staðan ekki verið
verri á þessu ári frá sjón-
arhóli hagfræðinnar ef jan-
úar er undanskilinn, en þá
fór verðhjöðnunin í – 0,7%.
Miðað við hagfræðikenn-
ingar gæti þetta verið ávísun
á langvarandi stöðnun eða
jafnvel efnahagssamdrátt.
Verst hefur staðan verið
á Kýpur, en þar hefur verið
verðhjöðnun yfir heilt ár,
eða neikvæð verðbólga, sem
nemur -2,9% miðað við heilt
ár á meðan hún var 0,1% í
Þýskalandi. Mesta verðbólgan var
hins vegar í Ungverjalandi, eða 4%
og 3,7% í Póllandi.
Hagfræðingar hafa iðulega
talað um að of lítil verðbólga geti
reynst hagvaxtardrifnum hagkerfum
hættuleg og leitt til efnahagslegrar
stöðnunar sem erfitt geti verið að
snúa við. Löngum hefur verið bent
á Japan í því sambandi, en þar hefur
ríkt efnahagsleg stöðnun að heita má
allar götur síðan við hrun bankanna
1991 með afar litlum og stundum
neikvæðum hagvexti. Árið 2010 var
talað um glötuðu 20 árin í Japan og
nú hafa 10 ár bæst við með efna-
hagslegri stöðnun. Frá 1995 til 2007
var efnahagssamdráttur í Japan þar
sem þjóðarframleiðsla dróst saman
úr sem nam 5,33 billjónum dollara
í 4,36 billjónir dollara að meðaltali
á ári. Kaupmáttur launa féll um 5%
og stöðnun var í vöruverði. Staðan
hefur ekki mikið skánað síðan.
Vextir í Japan hafa verið um og
undir núlli síðustu fimm ár. Það er
mikil breyting frá því sem áður var
því árið 1990 voru langtímavextir á
japönskum ríkisskuldabréfum 10%
og bankavextir nálægt 6%. Ekki er
þó óumdeilt að hagvaxtarviðmið sé
endilega besta mælieining á afkomu
og félagslega líðan þjóðfélaga.
Framkvæmdir í ríkjum
Evrópusambandsins hafa dregist
saman í COVID-19 faraldrinum og
um 3,9% á milli ára. Miðað við fram-
kvæmdavísitöluna 100 árið 2015, þá
var hægur stígandi allt fram í byrjun
árs 2020 þegar framkvæmdir hröp-
uðu frá því í febrúar vegna lokana í
kjölfar COVID-19. Var fallið um 30
prósentustig fram í apríl þegar stað-
an var verst. Samkvæmt tölum fyrir
júlí sem birtar voru 17. september
síðastliðinn hefur verktakageirinn
aðeins tekið við sér frá því í apríl
og var vísitalan komin í um 105 stig
í júlí sem telst samt vera afar slök
staða. /HKr.
Frá Bürger-Grebe fjölskyldubúinu í Norður-Hesse í Þýskalandi. Mynd / HKr.
Eurostat úttekt á vergri landsframleiðslu í COVID-19 faraldri:
Langmesti samdráttur sem sést hefur
í ESB-ríkjunum frá upphafi mælinga
Evrópska hagstofan Eurostat
gaf út þann 8. september síðast-
liðinn tölur um þróun vergrar
landsframleiðslu (VLF eða Gross
domestic product - GPD) í ESB-
löndunum frá ársbyrjun 2008
fram til loka annars árfjórðungs
2020. Þar kemur fram að sam-
dráttur í þjóðarframleiðslu það
sem af er ári er sá langmesti sem
mælst hefur frá því þessar mæl-
ingar voru teknar upp 1995.
Samdrátturinn nú, sem ber dám
af heimsfaraldri COVID-19, er mun
meiri en í efnahagskreppunni 2008
og bætist við nær engan hagvöxt í
byrjun árs 2020. Samkvæmt tölum
Eurostat varð 11,8% samdráttur
að meðaltali í landsframleiðslu
evruríkjanna á öðrum ársfjórðungi
2020 og 11,4% samdráttur hjá ESB-
ríkjunum í heild. Borið saman við
annan ársfjórðung 2019 og árstíða-
bundna leiðréttingu VLF, þá nemur
samdrátturinn á öðrum ársfjórðungi
2020 að meðaltali 14,7% á evru-
svæðinu og 13,9% í evruríkjunum
öllum. Kemur það í kjölfar 3,2%
samdráttar hjá evruríkjunum á fyrsta
ársfjórðungi 2020 og 2,7% samdrátt-
ar hjá öllum ESB-ríkjunum.
Skelfileg staða á Spáni og víðar
Staðan í ESB-ríkjunum með árs-
tíðabundinni leiðréttingu er æði
mismunandi milli landa en í
þeim öllum er landsframleiðslan
neikvæð. Samdrátturinn var þó
minnstur í Finnlandi, eða 6,3%,
en mestur á Spáni, eða 22,1%. Það
er hrikaleg staða, en hún er svo
sem ekkert miklu skárri í Króatíu,
Ungverjalandi, Grikklandi, Portúgal,
Frakklandi, Ítalíu, Portúgal, Belgíu
Kýpur og á Möltu. Í þeim löndum
var samdrátturinn meiri en að meðal-
tali í ESB-ríkjunum sem var 13,9%.
Hefur aukning á atvinnuleysi haldist
nokkuð í hendur við efnahagssam-
dráttinn í þessum löndum. Aðeins í
einu ríki ESB hefur orðið lítils háttar
fjölgun starfa á öðrum ársfjórðungi,
en það var á Möltu.
Í tölum Eurostat kemur líka fram
að á Íslandi hafi samdrátturinn á
öðrum ársfjórðungi eftir leiðréttingu
verið 10,7% sem er betri staða en
í Þýskalandi, en svipuð staða og í
Póllandi og í Tékklandi.
Í samanburði Eurostat á stöðu
mála og þróuninni í Bandaríkjunum
sést að samdrátturinn hefur
verið meiri í ESB-löndunum. Í
Bandaríkjunum var samdrátturinn
9,1% á öðrum ársfjórðungi 2020.
Reyndar hefur verg landsfram-
leiðsla alveg frá upphafi banka-
hrunsins 2008 nær alltaf verið
meiri í Bandaríkjunum en í ESB-
löndunum. Þá er vinnumarkaðurinn
í Bandaríkjunum mun sterkari en
í Evrópu og mun minni aukning á
atvinnuleysi vegna COVID-19.
/HKr.