Bændablaðið - 08.10.2020, Blaðsíða 47

Bændablaðið | Fimmtudagur 8. október 2020 47
Ég sat mitt fyrsta búnaðarþing
2001 og sat síðasta búnaðarþing
mitt árið 2015. Aðalfund heildar-
samtaka bænda á Íslandi. Mál
búnaðarþings þess tíma voru
send úr héruðum og endur-
spegluðu vel bæði staðbundnar
áherslur bænda og margháttuð
verkefni, á landsvísu, sem þurfti
að vekja athygli á til að bæta
aðstöðu dreifðra byggða.
Einhver lífseigustu mál búnað-
arþings, reyndar löngu fyrr, voru
fjarskiptamál og raforkumál. Um
fjarskiptamálin ætla ég ekki að fjöl-
yrða hér frekar, alþekkt er hvern-
ig hefur tekist að bæta fjarskipti í
dreifðum byggðum síðustu fimm
ár. Árið 2021 er lokaframlag til
Ísland ljóstengt. Verkefni sem hefur
gjörbylt fjarskiptum í sveitum. Við
höfum stokkið frá frumstæðum
tengingum yfir í ljósleiðaratækni
nútímans. Það væri útaf fyrir sig
áhugavert að ræða í hvaða stöðu
dreifðar byggðir væru í dag, ef ekki
hefði tekist jafnvel til. Að ekki sé
talað um það risastökk í þróun á
notkun fjarskipta sem fylgt hafa
þeim faraldri sem öll samfélög
glíma nú við.
Þó er rétt að vekja athygli á
þeirri tímamótabreytingu núna að
ráðist verður í lagningu á nýjum
gagnastreng, sem bætir enn öryggi
tenginga við útlönd.
Raforkumál voru málefni sem
búnaðarþing glímdi við – þau voru
einkum af tvennum toga. Aðgengi
að jarðstrengjum/tengingum sem
gátu gefið 3ja fasa rafmagn og
verðlagning á flutningi á raforku
í dreifðum byggðum.
Að báðum þessum málum
hefur verið unnið af miklu krafti
í ráðherratíð Þórdísar Kolbrúnar
R. Gylfadóttur. Báðum þessum
málum hefur nú verið komið í far-
sæla höfn. Í nýrri fjármálaáætlun
til næstu fimm ár, og fjárlaga-
frumvarpi ríkisstjórnar Katrínar
Jakobsdóttur, fyrir árið 2021, eru
lagðir til fjármunir frá og með
næsta ári til að jafna gjaldskrá á
flutningi rafmagns og fjármagn til
jarðstrengjavæðingar.

Þriggja fasa rafmagn
Við Bjarkey Olsen Gunnarsdóttir
alþingismaður lögðum fram mót-
aðar tillögur um átak í þrífösun.
Með skil á tillögum eftir nefndar-
starf til Þórdísar Kolbrúnar R
Gylfadóttur. Þær tillögur miða við
að allt 99% þeirra sem eru í brýnni
þörf aðgang að þriggja fasa raf-
magni árið 2024, en ekki 2036 eins
og núverandi áætlun var um. Þeim
tillögum okkar er nú fylgt eftir með
því að verja á næstu árum 500 millj-
ónum til verksins. Framkvæmdin
mun ekki sjálfkrafa leiða til hækk-
unar á gjaldskrá flutnings raforku,
eins og regluverkið kveður á um. Ef
flýting framkvæmda hefði verið án
sérstaks framlags. Þessi ráðstöfun
er gífurlegt framfaraskref til að
bæta búsetuskilyrði og aðgengi á
nútíma raforkutengingum.
Jöfnun á verði flutnings raforku
milli sveita og þéttbýlis
Í fjárlagafrumvarpinu eru einnig
lagðar til 730 milljónir til jöfnunar
á gjaldskrám á flutningi raforku í
dreifbýli. Með þeim fjármunum
næst verulegur áfangi, eða um
85% af því bili sem í dag er á
milli hæstu gjaldskrár þéttbýlis
og dreifbýlisgjaldskrár. Núverandi
jöfnunarfjármunir tryggja 50%. Ég
mun leggja áherslu á í umræðum
og meðferð Alþingis á fjárlaga-
frumvarpinu verði tryggðir fjár-
munir til að tryggja 100% – eða
fulla jöfnun. Það er réttlætismál
sem ég vona að þingheimur geti
sameinast um. Því allt frá kerfis-
breytingum sem skildu að orku-
flutning og orkusölu, hefur þetta
óréttlæti verið óþolandi.
Þessum ráðstöfunum verður að
fylgja að heimildir til hækkunar á
dreifikostnaði dreifiveitna, sam-
kvæmt samþykktum tekjumörk-
um, verði ekki beitt til að viðhalda
þessum mun á gjaldskrám. Þetta
þýðir á mannamáli að dreifiveitur
hafa þegar í hendi hækkunarheim-
ildir á dreifingarkostnaði, sem þær
hafa ekki velt út í verðlagningu
dreifingar Auknir fjármunir til
jöfnunar hafa því þann freistni-
vanda að þeir nái ekki markmiðum
sínum, vegna regluverks sem hefur
þegar viðurkennt að meiri kostnað-
ur en er innheimtur af íbúum dreif-
býlis í dag. Það má ekki gerast.
Máttur heildarsamtaka bænda
Við getum þakkað skelegga bar-
áttu heildarsamtaka bænda fyrir
að við erum nú að koma í höfn
þessum þremur baráttumálum.
Ég skal játa að það er mér ljúft
að fylgja þessum málum í höfn á
Alþingi og hafa átt drjúgan þátt
í að koma þessum baráttumálum
bænda áfram.
Haraldur Benediktsson
1 þm. Norðvesturkjördæmis.
FJÖLBRAUTASKÓLI NORÐURLANDS VESTRA Á SAUÐÁRKRÓKI
Helgarnám í húsasmíði
og húsgagnasmíði við FNV
Forsendur:
Námið hefst á vorönn 2021. Um er að ræða fjögurra anna nám. Nemandi skal vera 23ja ára
að aldri og hafa unnið í byggingavinnu. Nemendur sem hafa undirgengist raunfærnimat fá
viðkomandi áfanga metna. Skráningargjald er kr. 50.000 á önn.
Kennslufyrirkomulag:
Kennt er um fimm helgar á önn nema á lokaönn þegar helgarnar eru sex talsins.
Kennsla hefst kl.15.00 á föstudögum og er kennt til kl. 22.00 með hálftíma matarhléi
um kl.19.00. Á laugardögum hefst kennsla kl 08:00 og er kennt til kl. 18.00.
Á sunnudögum hefst kennsla kl. 08:00 og lýkur kl 17:00.
Klukkustundar hádegishlé er um kl. 12.00 báða dagana.
Námsfyrirkomulag:
Bæði verklegar og fagbóklegar námsgreinar eru kenndar í staðlotum.
Aðrar almennar greinar s.s, íslensku, tungumál og stærðfræði þurfa nemendur
að taka í hefðbundnu dagskólanámi, í fjarnámi eða hjá símenntunarstöðvum.
Í verklegum greinum er skilyrði að nemendur mæti 100%.
Sótt er um með tölvupósti til fnv@fnv.is og í síma 455-8000.
Í umsókn komi fram upplýsingar um nafn, kennitölu, símanúmer og netfang
umsækjanda. Tekið skal fram í umsókn hvort sótt er um nám í húsasmíði eða
húsgagnasmíði. Umsóknarfrestur er til 24. október 2020.
Atli Már Óskarsson veitir nánari upplýsingar um húsasmíði í síma 860-2083 og
Karítas S. Björnsdóttir um húsgagnasmíði í síma 865-0619.
Þegar velja skal vinnuvéla- og landbúnaðar-
dekk skipta gæði, ending og áreiðanleiki
höfuðmáli.
Maxam dekkin eru hagkvæmur kostur
og hafa reynst vel við krefjandi aðstæður.
Gerðu kröfur — hafðu samband við sölumenn
okkar í síma 590 5280 og kynntu þér kosti
Maxam dekkjanna.
KLETTUR / SALA OG ÞJÓNUSTA / KLETTAGARÐAR 8-10
104 REYKJAVÍK / 590 5100 / klettur.is
Hagkvæm
dekk fyrir
alvöru kröfur
LESENDABÁS
Gömul og góð búnaðarþingsmál
Haraldur Benediktsson.
Hönnun: ARTPRO
Hýsi-Merkúr hf. | Lambhagavegi 6 | 113 Reykjavík | S. 534 6050 | merkur@merkur.is | www.merkur.is
Rafstöðvar
MARGAR GERÐIR
TIL Á LAGER
- Þekking - Reynsla - Færni.
- Meðal þeirra sem hafa varaaflsstövar frá okkur eru;
Neyðarlínan, flugvellir, sjúkrahús, rafveitur, vatnsveitur,
hitaveitur, flugfélög, bankar, Tollstjóri, Alþingi, hótel,
veitingahús, mörg stærri fjölbýlishús með lyftum.
Margskonar fyrirtæki í matvælaframleiðslu, heildsölu og
iðnaði sem þola illa rafmagnsleysi.