Þjóðmál - 01.03.2018, Síða 48

46 ÞJÓÐMÁL Vor 2018
Hernaðarleg staða Íslands
í sögu og samtíma
Albert Jónsson sendiherra lauk nýverið störfum í íslenska stjórnkerfinu. Hann starfaði um
árabil í forsætisráðuneytinu sem ráðgjafi Davíðs Oddssonar forsætisráðherra og síðar sem
sendiherra, m.a. í Washington og í Moskvu. Samhliða störfum sínum í forsætisráðuneytinu
starfaði hann í rúm tuttugu ár sem stundarkennari og síðar aðjúnkt við Háskóla Íslands, þar
sem hann kenndi alþjóðastjórnmál og önnur tengd námskeið.
Albert hefur nú opnað vefsíðu undir slóðinni albert-jonsson.com þar sem hann áætlar að birta
með reglulegum hætti greinar og ritgerðir sínar um á íslensk utanríkis- og öryggismál og
alþjóðamál. Með leyfi Alberts er hér endurbirt fyrsta færsla hans á vefsíðunni, en þar er fjallað
um stöðu Íslands í þjóðaröryggisstefnu Bandaríkjanna á tuttugustu öld og fram í samtímann.
Hernaðarumsvif hafa aukist aftur á Norður-
Atlantshafi en eru enn lítil miðað við það sem
var í kalda stríðinu. Ferðir rússneskra kafbáta
í nágrenni Íslands eru fátíðar þótt þeim hafi
fjölgað á síðustu árum frá því að hafa verið
nánast engar um langa hríð eftir kalda stríðið.
Úthafsfloti Rússa er lítill miðað við það sem
var á tímum Sovétríkjanna.
Komum bandarískra kafbátaleitarflugvéla
til Keflavíkurflugvallar hefur farið fjölgandi
á undanförnum árum, en ekki er um fasta
viðveru þeirra að ræða. Þær koma til landsins
að mestu leyti að því að virðist vegna æfinga
og þjálfunar fremur en til að leita að eða elta
rússneska kafbáta.
Öryggis- og varnarmál