Fréttablaðið - 19.11.2021, Blaðsíða 70

Elín Hróðný Ottósdóttir frá
Grundarfirði hefur safnað
jólaspiladósum í 23 ár. Í dag
telur safnið 63 spiladósir sem
hún setur upp á aðventunni.
starri@frettabladid.is
Jólaspiladósasafn Elínar Hróðnýjar
Ottósdóttur telur 63 spiladósir
og stækkar ár frá ári. Hún keypti
fyrstu spiladósina í Halifax í
Kanada árið 1998 þegar hún var á
ferðalagi þar ásamt eiginmanni og
vinafólki þeirra. „Ég hef alltaf verið
mikið jólabarn. Einn daginn í Hali-
fax gengum við inn í verslun sem
meðal annars seldi margar gerðir
spiladósa. Þar ákvað ég að kaupa
tvær til að taka með heim. Þannig
byrjaði þetta nú bara.“
Stór hluti af jólaskreytingum
Hún segir jólaspiladósirnar vera
mjög fallegar og vera um leið
stóran hluta af jólaskreytingum
heimilisins. „Það er alltaf notaleg
tilfinning á fyrsta sunnudegi í
aðventu að pakka niður í stofunni
og setja upp jólaspiladósasafnið
mitt, sem í dag telur 63 dósir, hverja
annarri fallegri. Það er ómögulegt
fyrir mig að gera upp á milli þeirra
enda á hver og ein sína sögu.“
Vekur mikla athygli
Safnið fær eðlilega mikla og verð-
skuldaða athygli enda einstakt í
sinni röð. „Það hafa allir, held ég,
gaman af þessari söfnun minni.
Fjölskylda og vinir eru dugleg
að muna eftir mér þegar þau eru
erlendis og færa mér oft að gjöf
jólaspiladós. Ég er mjög þakklát
fyrir það og hef mjög gaman
af því að eiga spiladósir frá
hinum ýmsu löndum. Ætli
næsta skref hjá mér sé ekki
að fjölga hillum í stofunni
svo sístækkandi safnið fá
sem mest pláss.“ n
Hver og ein
spiladós á sína sögu
Elín Hróðný Ottósdóttir hefur
safnað jólaspiladósum síðan 1998.
Hér er hún með barnabarni sínu.
MYND/AÐSEND
Fyrstu tvær jólaspiladósirnar voru keyptar í Halifax í
Kanada árið 1998.
Stór jólakúla
með snjó
sem keypt
var í Berlín.
Elín fékk
hana að gjöf.
Snjókarl sem hægt
er að opna. Það
er bæði hægt að
trekkja hann upp
lokaðan og opinn.
Rauð hringekja keypt
í aðventuferð með
Kvenfélaginu Gleym
mér ei, í Brussel 2019.
Snjókarlinn
er gjöf og
keyptur í
Kanada. Spila-
dósin er úr leir.
Glerkúla jóla-
sveinsins var keypt í
Orlando 2016 og var
gjöf til Elínar.
Jólaþorpið fékk Elín að gjöf, en það var keypt í Barce-
lona. Þegar það er trekkt upp keyrir lestin af stað.
Vasaúrið var gjöf. Það
inniheldur skauta-
svell og þegar það er
trekkt fer skauta-
fólkið af stað.
Vinkona Elínar keypti
þessa spiladós í Denver í
Bandaríkjunum árið 2014.
Trójuhestinn fékk Elín
í gjöf frá börnunum
sínum jólin 2016. Jóla-
álfurinn snýst í hringi og
tannhjólin snúast.
Þessi spiladós var keypt í
London og er gjöf. Þegar hún er
trekkt upp snýst efri parturinn,
pallurinn sem hesturinn er á.
19. nóvember 2021 jól 2021 50 fréttablaðið