Fréttablaðið - 19.11.2021, Síða 80

Þórdís Lilja
Gunnarsdóttir
thordisg
@frettabladid.is
Hanna Þóra Helgadóttir
nýtur sætrar sælu jólanna
með ketó-vænum krásum.
Hún segir eitthvað guðdóm-
legt við gott súkkulaði.
„Þegar ég byrjaði á ketó haustið
2018 voru jólin sú hátíð sem ég
hafði mestar áhyggjur af því þau
geyma jú sykraðar hefðir. Því kom
ánægjulega á óvart að allt sem ég
útbjó sjálf heima í eldhúsi reyndist
bæði auðvelt og skemmtilegt, en
auðvitað mættu mér erfið augna-
blik, eins og að segja „nei, takk“ við
sykruðum jólaís sem var eftir-
réttur í jólaboði hjá öðrum.“
Þetta segir Hanna Þóra Helga-
dóttir, f lugfreyja, matarbloggari og
viðskipta- og markaðsfræðingur,
spurð hvort fyrstu ketó jólin hafi
verið mikil áskorun.
„Fólk hefur vissar venjur og
ákveðna jólarétti sem eru á boð-
stólum ár eftir ár og því er erfitt
að breyta. Mér fannst erfiðast að
sleppa brauðinu sem fylgir graf-
laxinum því ristað, hvítt brauð
með graflaxi og sósu hefur verið
uppáhaldsmáltíð ársins síðan ég
var barn. Allt annað fannst mér
lítið mál að gera ketó-vænt og jólin
reyndust skemmtilegt tækifæri
til að prófa mig áfram í að breyta
uppskriftum og útbúa ketó-vænni
kosti.“
Að staldra við og njóta
Hanna Þóra hefur undanfarin
ár sérhæft sig í kolvetnaskertu
mataræði og gaf út matreiðslu-
bókina Ketó með uppskriftum,
hugmyndum og fróðleik.
„Allt er að sjálfsögðu gott í hófi,
en mín upplifun er sú, að þegar
ég passa upp á mataræðið nýt ég
hverrar smáköku og konfektmola
betur og gef mér tíma í að njóta í
stað þess að missa mig algjörlega
ofan í skálina. Sætindalöngunin
hefur minnkað svo svakalega eftir
að ég hætti að borða sykur, að það
er eiginlega ótrúlegt. Að staldra við
og njóta er lykillinn,“ segir Hanna
Þóra, innt eftir því hvort þeir sem
vilja tileinka sér kolvetnaskert
Ketó jólin langtum betri en þau sykruðu og sætu
Hanna Þóra kann á því lagið að gera ósætar kræsingar.
Hönnu Þóru
þykir gaman
að gera hefð-
bundnar
jólauppskriftir
ketó vænar, eins
og dýrindis heitt
súkkulaði sem
hún drekkur
alltaf á jóladag.
FRÉTTABLAÐIÐ/
ERNIR
Freistandi ketó ísterta með stökku karamellusúkkulaði.
Gómsætu jóla-
smákökurnar
hennar Hönnu
Þóru eru með
súkkulaðibitum
úr sykurlausu
súkkulaði.
mataræði geti úðað í sig sætindum
yfir hátíðirnar eins og þegar þeir
hugsuðu ekki út í kolvetnainni-
hald.
„Þegar kemur að sætum kosti
jólanna er lykilatriði að velja
sætuefni sem ykkur finnst gott að
nota og fer vel í líkama ykkar. Til
eru ótal tegundir en við virðumst
finna af þeim mismunandi bragð
og því þarf að prófa sig áfram. Þegar
ég hætti að borða sykur fór mér að
finnast alls konar matvæli sætari
á bragðið. Þar af leiðandi þarf ég
minna af sætuefni nú en ég hefði
notað af sykri áður en ég kaus ketó
lífsstílinn,“ greinir Hanna Þóra frá.
Hennar uppáhalds ketó gotterí
um jólin er heitt ketó súkkulaði
með þeyttum rjóma.
„Líka smákökur, sem eru ómiss-
andi jólahefð á jóladag. Mamma
hefur haldið í þá hefð í mörg ár og
boðið gestum og gangandi í jóla-
súkkulaði. Mér finnst það yndisleg
hefð sem var gaman að gera ketó-
vænni.“
Lífsstíll en ekki matarkúr
Úr kolvetnaskáp jólanna segist
Hanna Þóra helst sakna fransk-
brauðs.
„Hvítt franskbrauð er erfitt að
toppa og ég hef reynt að prófa alls
konar útgáfur, en það er fátt sem
kemur í staðinn fyrir það hefð-
bundna. Ketó jólin eru þó betri
þegar kemur að því sæta því ég
get notið alls hins besta án þess
að vakna með liðverki, bjúg og
blóðsykur í óreglu sökum of mikils
sykuráts. Fyrir mér er ketó lífsstíll
en ekki matarkúr. Ég lifi alsæl alla
daga með þessum valkosti og næ
að njóta allra máltíða til fulls, auk
þess að upplifa líkamlega vellíðan.“
Hún bakar þrjár til fjórar smá-
kökusortir fyrir jól.
„Ég geri minni skammta í einu,
skelli smákökudeigi á plötu og
fjölskyldan fær að njóta þess strax
að eiga smákökustund í ilmandi
húsinu. Mér finnst líka æðislegt að
eiga frosnar ketó kókoskúlur til að
njóta með kaffinu,“ segir Hanna
Þóra, sem gefur lesendum upp-
skrift að smákökum.
„Það að uppskrift uppfylli ketó
skilyrði þýðir að hún er alla jafnan
sykur-, hveiti- og glútenlaus og
getur því hentað flestum. Þeir sem
vilja minnka sykurneyslu eða eru
með sykursýki geta nýtt sér þessar
uppskriftir þar sem markmið
réttanna er að halda blóðsykri í
jafnvægi með tilliti til kolvetna úr
ýmsum áttum,“ upplýsir Hanna
Þóra.
Öll fjölskyldan borðar það sem
hún ketó-stússast í eldhúsinu
en börnin fá stundum að skella í
bananabrauð.
„Í hefðbundnum uppskriftum
minnka ég oft sykurinn fyrir
þau og bæti til dæmis stevíu út í.
Börnin læra það sem fyrir þeim er
haft og þessar bakstursstundir eru
alveg dásamlegar,“ segir Hanna
Þóra sæl.
Hún er mikill súkkulaðinautna-
seggur.
„Sem betur fer er hægt að fá
alls konar sykurlaus og ketó-væn
súkkulaði, sem hægt er að bræða,
brytja, raspa eða borða ein og sér.
Það er eitthvað guðdómlegt við
gott súkkulaði. Lífið er of stutt til
að borða vondan mat og ég er alltaf
með að markmiði að njóta allra
máltíða.“
Ísterta með stökku
karamellusúkkulaði
3 eggjarauður
1 dl Golden ketó-vænt síróp
1 tsk. vanilludropar
1 dl sykurlaust súkkulaði, brætt
(ég nota sykurlaust súkkulaði frá
Nicks)
500 ml rjómi, þeyttur
2 Crunchy Caramel-súkkulaði-
stykki frá NICKS
Hrærið saman eggjarauðum, sírópi
og vanillu þar til blandan verður
létt og ljós. Bræðið 1 dl af sykur-
lausu súkkulaði og blandið út í
eggjablönduna. Þeytið rjómann
og blandið mjög varlega saman við
ísblönduna. Setjið ísinn í mót og
dreifið Crunchy Caramel-súkku-
laði yfir í smáum bitum.
Heitt ketó súkkulaði
30 g sykurlaust súkkulaði
1 dl rjómi
1 dl vatn
1 tsk. bökunardropar að eigin vali.
Í uppáhaldi hjá mér eru vanillu-,
piparmyntu- og appelsínudropar.
Bræðið súkkulaðið í potti með
vatni og rjómablöndu. Toppið með
þeyttum rjóma og njótið.
Ketó smákökur með
súkkulaðibitum
2 bollar möndlumjöl
50 g sykurlaust súkkulaði, brytjað
3 msk. ketó væn sæta, t.d. Eryth
ritol
¼ tsk. salt
¼ tsk. matarsódi
1 tsk. vanilludropar
120 g smjör, brætt
1 egg
Blandið þurrefnum vel saman og
hellið bræddu smjöri ásamt van-
illudropum yfir blönduna. Bætið
við einu eggi og hnoðið deigið
saman. Mótið deigið í litlar kúlur.
Ketó smákökur eru bæði hveiti-
og glútenlausar og því er minni
bindingareiginleiki í deiginu. Þess
vegna er betra að hafa þær minni.
Setjið kúlurnar á plötu með bök-
unarpappír. Bakið á blæstri í 10-12
mínútur, eða þar til kökurnar
verða gylltar. Látið kökurnar kólna
því þá verða þær stökkari. n
Fylgist með matseld og ævintýr-
um Hönnu Þóru á hannathora. is  
19. nóvember 2021 jól 2021 60 fréttablaðið