Fréttablaðið - 19.11.2021, Side 116

elin@frettabladid.is
Nigella segir að þessi kaka sé upp-
lögð fyrir fólk á ferð og flugi, til
dæmis að hafa bita með sér í nesti.
Kannski ekki sú hollasta en það
má veita sér smá stundum, sérstak-
lega fyrir jólin.
Rocky Road
Uppskriftin ætti að nægja í 24 stk.
125 g mjúkt smjör
300 g dökkt súkkulaði, minnst 70%
kakó-innihald, skorið niður
3 msk. síróp
200 g tekex
100 g litlir sykurpúðar
2 tsk. flórsykur
Hitið við vægan hita smjör, súkku-
laði og síróp. Takið síðan frá 125 ml
eða hálfan bolla og setjið til hliðar.
Setjið kexið í plastpoka og merjið
það með kökukefli. Setjið í súkku-
laðiblönduna í pottinum og bætið
við sykurpúðum. Blandið saman.
Klæðið form, 24 cm, með bök-
unarpappír og fletjið blönduna yfir.
Bætið síðan 125 ml af blöndunni
yfir þannig að hún þeki allt.
Setjið í ísskáp í að minnsta kosti 2
tíma en helst yfir nótt.
Skerið niður í 24 bita og sigtið
smá flórsykur yfir.
Daim súkkulaðikaka
Daim súkkulaðikaka líkist brow-
nies en Daim-ið gefur henni
skemmtilegt bragð. Einstaklega
góð með kaffi eða mjólkurglasi.

500 g smjör
250 g suðusúkkulaði
8 egg
7 dl sykur
5,5 dl hveiti
1 tsk. salt
2 stykki Daim-súkkulaðiplötur,
smátt skornar
Bræðið saman smjör og suðu-
súkkulaði. Þeytið egg og sykur og
bætið síðan við öðrum innihalds-
efnum. Hellið blöndunni í form
sem er 25x35 cm.
Bakið við 180°C í um það bil 40
mínútur. Kælið á rist.
Dreifið flórsykri yfir ef þið viljið
skreyta og skerið kökuna í bita.
Snickers brownies
Æðislega góð súkkulaðikaka sem
er bökuð í 25x35 cm formi.
6 dl sykur
8 msk. kakó
3 dl hveiti
2 tsk. vanillusykur
1 tsk. salt
300 g smjör
4 egg
Blandið saman öllum þurrefnum.
Bræðið smjörið og setjið síðan
saman við þurrefnin. Því næst er
eggjunum bætt við og allt hrært
saman.
Klæðið 25x35 cm form með bök-
unarpappír. Hellið blöndunni yfir
og breiðið úr henni yfir formið.
Bakið kökuna í miðjum ofni við
150-160°C í 30 mínútur. Kælið.
Karamellusósa
1, 5 dl rjómi
1 dl sykur
0,5 dl ljóst síróp
50 g smjör
Skreyting
4 msk. salthnetur
Setjið rjóma, sykur og síróp í pott,
hitið og hrærið stöðugt með sleif.
Látið malla í 20 mínútur eða þar
til blandan þykknar. Ef þið viljið
tvöfalda uppskriftina þarf 10-15
mínútur í viðbót. Blandan á að ná
118°C.
Bætið því næst smjöri í litlum
bitum út í og hrærið allt vel
saman. Hellið blöndunni yfir
kökuna og dreifið salthnetum
yfir. Skerið kökuna í mátulega
bita. n
Þrjár góðar súkkulaðikökur á aðventu
Rocky Road er stundum eftirréttur á jólum í enskumælandi löndum.
FRÉTTABLAÐIÐ/GETTY
Á spítölum borgarinnar hafa
myndast fallegar hefðir í
kringum heimsóknir vel-
vildarmanna á jólum.
Þangað kemur listafólk til
að létta sjúklingum lundina
á jólum og aðventu, en
það lítur út fyrir að margir
sjúklingar verði aðskildir frá
sínum nánustu um þessi jól
vegna faraldursins.
oddurfreyr@frettabladid.is
„Við verðum með allt helgihaldið
okkar á netinu í ár og í jólaundir-
búningnum gerum við ekki ráð
fyrir að geta stefnt fólki af ólíkum
deildum saman án hættu vegna
faraldursins,“ segir séra Gunnar
Rúnar Matthíasson, sjúkrahúss-
prestur á Landspítalanum.
„Við tökum upp jólahelgihald sem
verður aðgengilegt á neti spítalans
en verðum að vera viðbúin því
að flest samkomuhald á deildum
um aðventu eða jól verði mikið
sniðnar niður eða jafnvel ekki
mögulegar í ár.“
Margir góðir gestir á jólum
„Svo eru líka ýmsar gamlar hefðir á
spítalanum. Frá opnun Landspítal-
ans við Hringbraut árið 1930 hefur
Lúðrasveit Reykjavíkur alltaf mætt
á jóladagsmorgun og spilað,“ segir
Gunnar. „Það er ofsalega gaman að
þessu og gleðiefni að hefðinni hafi
verið haldið svona lengi við. Lúðr-
arnir heyrast um alla bygginguna
og þetta er yndisleg samvera.
Í vel á þriðja áratug hefur svo
Augnablikskórinn komið í heim-
sókn á Landspítala í Fossvogi og
sungið jólamessu,“ segir Gunnar.
„Þetta er frábær kór sem saman-
stendur af fólki úr listalífinu sem
gerir þetta sér til ánægju. Þetta á
rætur að rekja til áhugafólks sem
hafði fjölskyldutengsl við spítal-
ann og átti frumkvæðið að þessu.
Starfsfólk mætir gjarnan með fjöl-
skyldur sínar í messuna.
Það hefur líka verið föst hefð
árum saman að eldri félagar úr
Karlakór Reykjavíkur syngi á
sjúkrahúsinu og félagar úr Fóst-
bræðrum og Kammerkór Hafnar-
fjarðar hafa komið og sungið við
helgihald á Grensási, Vífilsstöðum,
Landakoti og Kleppi,“ segir Gunn-
ar. „Á aðventunni höfum við líka
notið þess að hafa fengið heim-
sóknir frá mörgu öðru tónlistafólki
og kórum sem spila í sameigin-
legum rýmum spítalans, þannig
að aðventan hefur komið inn á
spítalana svo þeir sem hafa heilsu
til geta farið að hlusta. Jólaundir-
búningurinn hefur þannig átt sinn
stað á spítalanum.
Það er ótrúlegur fjöldi fólks
sem gefur af sér með tónlistar- og
textaflutningi og þjóðþekktir ein-
staklingar koma árvisst og syngja.
Allt þetta fólk kemur og spyr hvort
það megi syngja, við þurfum ekki
að biðja það um það,“ segir Gunn-
ar. „Það er yndislegt að upplifa að
maður er hluti af samfélagi sem
lætur sig spítalana varða. Þetta
er stór gjöf og við njótum þess að
eiga mikið bakland í þjóðinni og fá
mikinn stuðning. Það eru margir
sem hugsa hlýlega til spítalans og
vilja gefa af sér til okkar.
Deildir hafa líka haldið sínar
eigin aðventustundir og boðið upp
á kaffi og með því. En faraldurinn
takmarkar auðvitað möguleikana
þegar kemur að slíku og ég veit
ekki alveg hvernig þetta verður í
ár,“ útskýrir Gunnar. „Ef spítalinn
verður á hættustigi verða hendur
fólks afskaplega bundnar.“
Erfitt að þurfa að
takmarka heimsóknir
„Það er erfitt og þungt að þurfa að
vera með heimsóknartakmarkanir
á aðventu og jólum. Það er nógu
sárt að vera veikur, en að missa af
nærveru við sína nánustu, nema í
mjög þröngum skorðum, er mikið
erfiðara en margir gera sér grein
fyrir,“ segir Gunnar. „Á svona
stundu þarf maður mikið á því að
halda að einhver gefi manni tíma
og sé hjá manni. Venjulega getur
fólk komið og verið hér yfir jólin
og bæði koma aðstandendur og
svo er líka algengt að ástvinir á
spítalanum séu sóttir í 2-3 tíma.
Ég veit ekki hvernig þetta verður
núna, en ég er mjög ragur við þetta.
Það verður mjög þungt ef það þarf
að loka fyrir möguleikann á að
hitta fólk.
Þetta á líka ekki bara við um
jólahaldið sjálft, heldur allan
desember. Venjulega koma til
dæmis börn mikið á spítalann og
heimsækja ástvini og það er mikill
missir að það þurfi að stöðva þær
heimsóknir,“ segir Gunnar. „Það er
mikið af svona samveru sem er svo
dýrmæt fyrir sjúklinga sem ég sé
fram á að falli niður eða minnki.
Ég er samt mjög þakklátur fyrir
skilninginn sem við á spítalanum
fáum frá fólki úti í bæ. Fólk virðir
það að fá ekki að vera með ást-
vinum sínum. Fólk leggur mikið
á sig og spítalinn nýtur ótrúlegs
skilnings og stuðnings,“ segir
Gunnar. „Það er svakalega erfitt
að neita fólki um að vera með ást-
vinum sínum, en það er dýrmætt
að finna þennan skilning.“
Jólin opna öðruvísi
brautir í hjörtum okkar
„En þrátt fyrir allt sem bjátar á
getur það verið dýrmæt reynsla
að eyða jólunum á spítalanum.
Hér skapast kyrrð og notalegheit
í kringum jólahald sem snertir
marga og kemur fólki á óvart,“
segir Gunnar. „Jólahaldið hreyfir
við fólki og fólk gefur öðruvísi af
sér. Það fóðrar mann á annan hátt
og er sterkari upplifun en margir
gera ráð fyrir.
Starfsfólkið sem velur að vinna
yfir jólin gerir það líka ekki af ein-
hverri illri nauðsyn, heldur vegna
þess að því finnst það vera að gefa
fólki eitthvað sérstakt og það gefur
af sér með nærgætni og virðingu,“
segir Gunnar. „Jólin opna brautir
í hjörtum okkar allra sem eru
aðeins öðruvísi.“ n
Mikill stuðningur við
spítalana um jólin
Séra Gunnar Rúnar Matthíasson
sjúkrahússprestur segir gott að
finna stuðninginn.FRÉTTABLAÐIÐ/EYÞÓR
Það er hefð fyrir því að flytja tónlist fyrir allar deildir spítalans í aðdraganda jóla. MYND/ÞORKELL/LSH
SMIÐJUVEGI 44-46
sími 414-2700
sala@idnvelar.is
www.idnvelar.is
allt fyrir iðnaðinn....
19. nóvember 2021 jól 2021 96 fréttablaðið