Saga - 2012, Page 199

svo miklum árangri erlendis. Viðskiptajöfrar sem nutu velgengni töldust
vera arftakar íslenskra menningareinkenna og eiginleika, svo sem hæfni til
að taka áhættu, vera skapandi og ná árangri, en líka áhuga á ævintýrum og
landvinningum. Það hefði verið áhugavert að sjá höfund gera tilraun til að
tengja það sem gerðist árin fyrir hrunið við þau einkenni íslensks samfélags
sem bókin ræðir svo vandlega. Eitt er að „the political system failed“, en
hvað varð þess valdandi að svo margir ráðandi þátttakendur í þessu sam-
félagi voru svo einfaldir, svo ákafir, svo gráðugir eða hvað svo sem þeir nú
voru? Líklega voru þó undirstöður þessara atburða ekki jafn íslenskar og
áhrif hrunsins gætu fengið menn til að halda.
Þessi álitamál eru sem sagt ekki tekin nógu vel fyrir í bókinni og örðugt
að hugsa ekki um þau við lesturinn. Bókin er best í því sem hún segist vera,
nefnilega saga Íslands rituð að neðan, ef svo má segja. Enda þótt efnisval og
dæmi stjórnist af því sem höfundur hefur sjálfur rannsakað áður veitir bók-
in yfirgripsmikla sýn á íslenskt samfélag. Hún er skyldulesning fyrir alla
sem vilja átta sig á aðstæðum í íslensku samfélagi síðustu tvær aldirnar.
Miðað við gæði umfjöllunar er bagalegt að forlagið skuli ekki hafa vandað til
prentunar á þeim fjölda ljósmynda sem fylgja. Sigurður Gylfi verður að
krefjast betrumbóta við nýja prentun, enda fullvíst að þessi bók getur átt
langa lífdaga sem fyrsti áfangi fyrir lesendur sem eru forvitnir um lífið á bak
við þá ímynd sem haldið er að okkur um Ísland, frá hetjum sögualdar til
hörmulegra afleiðinga útrásarinnar. Margt fer fram á Íslandi annað en þetta
tvennt og er bæði líkt og ólíkt því sem gerist í hversdagsleikanum í öðrum
löndum.
Ingar Kaldal
© Universitetsforlaget. Áður birt í Historisk tidsskrift 90:2 (2011), bls. 285–89;
sjá Nordic journals online á vefslóðinni www.idunn.no/ts/ht/2011/02/art
09?languageId=2.
Þýðandi: Már Jónsson
ritdómar 197
Saga haust 2012_Saga haust 2004 - NOTA 27.11.2012 10:47 Page 197