Saga - 2012, Side 210

framtíð félagsins, útgáfustefnu og húsnæðismál. Fundargestir
ræddu þau mál því nokkuð, einkum hið síðastnefnda. Spurðu þeir
helst um fjárhagshliðina, hversu mikið fé gæti fengist fyrir húsið í
Fischersundi, hvort vitað væri um áhuga á því að kaupa það og
hvort skynsamlegast væri ef til vill að leigja það áfram út, ekki síst
vegna þess að örðugt væri um ávöxtun fjár nú um stundir og fast-
eignaverð gæti hækkað á næstu árum. Þessum spurningum svaraði
ég eftir bestu getu, kvað óljóst með verð og áhugasama kaupendur
en þó mætti fullyrða að húsið myndi fljótt seljast ef sú ákvörðun
yrði tekin. Leigu sagði ég aldrei myndu standa undir rekstrar-
kostnaði ef tillit væri tekið til þess viðhalds sem nauðsynlegt væri á
næstunni. Í frekari umræðum um þetta nefndi ég að tveir smiðir
hefðu lagt mat á það sem gera þyrfti og hlypi kostnaður við þær
viðgerðir á milljónum þó að eflaust mætti fresta sumu og fram-
kvæma annað eins ódýrt og mögulegt væri.
Loftur Guttormsson, forseti Sögufélags árin 2001–2005, sagði rétt
að ana ekki að neinu í þessum efnum og hvatti til þess að ákvörðun
um sölu hússins yrði aðeins tekin í góðu samráði við félagsmenn.
Anna Agnarsdóttir nefndi að hugsanleg sala hefði lengi verið til
umræðu og kvað nauðsynlegt að horfa á málið raunsæjum augum.
Auk þess mætti minnast þess að Sögufélag hefði aðeins átt húsið í
Fischersundi í um 20 ár af þeim 110 sem félagið hefði verið við lýði.
Fleira var rætt en þetta var það helsta. Segja má að sú hafi orðið
niðurstaða umræðnanna að fundargestir gerðu sér grein fyrir kost-
um og göllum þess að selja hús Sögufélags eða eiga það áfram.
Frekari ákvarðanir hvíla á herðum stjórnarmanna félagsins. Þeirra
er ábyrgðin. Ég hvet félaga í Sögufélagi til að hafa samband við mig
eða aðra stjórnarmenn, vilji þeir segja skoðun sína á húsnæðismál-
um eða öðru sem lýtur að rekstri félagsins.
Að loknu kaffihléi var komið að erindi Steinunnar Kristjáns -
dóttur fornleifafræðings, höfundar bókarinnar Sagan af klaustrinu á
Skriðu sem Sögufélag gaf út í ágúst á þessu ári. Erindið nefndi hún
„Er fortíðin saga?“ Var því vel tekið eins og bókinni sem hefur
hlotið einróma lof gagnrýnenda og lesenda. Fundi lauk svo laust
fyrir klukkan sex. Gestir gengu sáttir heim.
Guðni Th. Jóhannesson
af aðalfundi sögufélags 2011208
Saga haust 2012_Saga haust 2004 - NOTA 27.11.2012 10:47 Page 208