Bændablaðið - 13.01.2022, Qupperneq 34

Bændablaðið | Fimmtudagur 13. janúar 202234
Samningur um smíði á 1.100 fer­
metra viðbyggingu við Flug stöðina
á Akureyri var undir ritaður
skömmu fyrir áramót. Samnings­
upphæðin er 810,5 milljónir króna
og verður verk inu skipt upp í þrjá
áfanga, nýja byggingu norðan við
núver andi húsnæði og endurbætur
á eldra húsnæði.
Sigrún Björk Jakobsdóttir,
f ramkvæmdast jór i Isavia
Innanlandsflugvalla, og Örn
Jóhanns son, þáverandi framkvæmda­
stjóri Hyrnu á Akureyri, skrifuðu
undir samninginn. „Það er afar
ánægjulegt að taka þetta næsta og
mikilvæga skref í uppbyggingu
Akureyrarflugvallar,“ segir Sigrún
Björk.
Framkvæmdir við bygginguna
hefjast í mars á þessu ári og gert er
ráð fyrir að þeim verði lokið í byrj­
un ágúst árið 2023. Heildarstærð
flugstöðvarinnar að verki loknu
verður um 2.700 fermetrar. Fyrsti
áfangi verksins er smíði nýrrar við­
byggingar norðan við núverandi
flugstöð.
Hinir áfangarnir tveir tengjast
endurbyggingu eldra húsnæðis,
m.a. verður innritunarsvæði flutt til
innan byggingarinnar og eins verður
byggt töskubílaskýli. Í þriðja og
síðasta áfanganum verður núverandi
innritunarsvæði endurbyggt sem og
skrifstofuhluti þeirrar byggingar.
Framfaraspor
Ásthildur Sturludóttir, bæjarstjóri á
Akureyri, segir að þessi framkvæmd
verði meiri háttar framfaraspor fyrir
Akureyri, Norðurland og lands­
byggðina alla og því kærkomið að
hafist verði handa innan tíðar.
Sigrún Björk segir að um stórt
verkefni sé að ræða, en viðbyggingin
muni bæta mjög aðstöðu fyrir lög­
reglu, tollinn, fríhöfnina og veitinga­
stað á flugvellinum. „Þjónustan við
farþega og flugfélög batnar til muna
og við hlökkum til að taka þessa
breyttu og bættu flugstöð í gagnið
síðsumars 2023.“
Tvö tilboð bárust í verkið, hið
lægra frá Hyrnu en hitt var frá
félaginu Húsheild. Frá því tilboð
voru opnuð síðasta haust hafa
þau tíðindi orðið að Húsheild sem
starfar í Mývatnssveit hefur keypt
byggingafélagið Hyrnu og tekur því
við verkefninu. /MÞÞ
LÍF&STARF
MEÐ PUTTANN Á ÞJÓÐARPÚLSINUM
NÝ SENDING
VÆNTANLEG
Í BÚÐIR
S Æ M U N D U R
UPPSELD
Í viðbyggingunni verða fríhöfn, veitingastaður og aðstaða fyrir toll og lögreglu.
Framkvæmdir við 1.100 fermetra flugstöðvarbyggingu hefjast í mars:
Mikilvægt skref í uppbyggingu
Akureyrarflugvallar
– segir Sigrún Björk Jakobsdóttir, framkvæmdastjóri Isavia Innanlandsflugvalla
Sigrún Björk Jakobsdóttir, framkvæmdastjóri Isavia Innanlandsflugvalla, og
Örn Jóhannsson, framkvæmdastjóri Hyrnu á Akureyri, undirrituðu samning
um smíði 1.100 fermetra viðbyggingar við flugstöðina á Akureyri.
Fyrsta skóflustunga að byggingunni var tekin í fyrrasumar, það gerði Sigurður
Ingi Jóhannsson, þá samgöngu- og sveitarstjórnarráðherra. Með honum eru
þær Hjördís Þórhallsdóttir, flugvallarstjóri á Akureyrarflugvelli, og Sigrún
Björk Jakobsdóttir, framkvæmdastjóri Isavia Innanlandsflugvalla.
Iðunn Garðarsdóttir og Kári Gautason, aðstoðarmenn sjávarútvegs-
og landbúnaðarráðherra.
Nýr ráðherra sjávarútvegs- og landbúnaðarmála:
Iðunn Garðarsdóttir og Kári
Gautason aðstoða ráðherra
Kári Gautason og Iðunn
Garðarsdóttir hafa verið ráðin
sem aðstoðarmenn Svandísar
Svavarsdóttur sjávarútvegs­
og landbúnaðarráðherra.
Kári hefur störf þann 10.
janúar næstkomandi en
Iðunn hefur þegar hafið
störf og fylgdi ráðherra úr
heilbrigðisráðuneytinu.
Kári Gautason er fæddur
á Akureyri árið 1989 og
ólst upp á Grænalæk í
Vopnafirði. Hann er stúdent frá
Menntaskólanum á Akureyri
og lauk BS prófi í búvísindum
frá Landbúnaðarháskólanum
á Hvanneyri árið 2013 og
meistaragráðu í búvísindum
með áherslu á erfðafræði frá
Árósarháskóla árið 2017.
Kári starfaði sem bóndi
árin 2013­2015, ráðunautur í
loðdýrarækt í hlutastarfi 2013­
2017 og var framkvæmdastjóri
þingflokks Vinstrihreyfingarinnar
græns framboðs 2018­2020.
Seinast starfaði Kári sem
sérfræðingur og staðgengill
f ramkvæmdast jóra h já
Bændasamtökum Íslands og
sem stjórnarmaður í stjórn
Byggðastofnunar. Hann lætur
nú af þeim störfum til að gerast
aðstoðarmaður sjávarútvegs­ og
landbúnaðarráðherra.
Í kjölfar kosninganna 2021 hlaut
Kári sæti sem annar varaþingmaður
VG í Norðausturkjördæmi. Maki
Kára er Gró Einarsdóttir, doktor í
félagssálfræði, og saman eiga þau
eina dóttur.
Iðunn Garðarsdóttir hefur
starfað sem aðstoðarmaður
heilbrigðisráðherra frá árinu
2017 og er nú aðstoðar maður
sjávarútvegs­ og landbún aðar­
ráðherra.
Iðunn er fædd í Reykjavík
árið 1989. Stúdent frá Mennta­
skólanum við Hamrahlið, lauk
BA prófi í íslensku frá Háskóla
Íslands árið 2013, BA prófi í
lögfræði frá sama skóla árið 2015
og meistaraprófi í lögfræði frá
Háskóla Íslands vorið 2017. Iðunn
starfaði sem lögfræðingur hjá
lögmannsstofunni Juris áður en hún
hóf störf í heilbrigðisráðuneytinu.
Iðunn var virk í starfi Röskvu
innan Háskóla Íslands, var
formaður félagsins árin 2012­2013
og sat í Stúdentaráði og Háskóla­
ráði fyrir hönd fylkingarinnar. Hún
situr í málnefnd Háskóla Íslands.
Iðunn er í sambandi með Skúla
Arnlaugssyni og saman eiga þau
eina dóttur. /VH