Bændablaðið - 13.01.2022, Page 62
Bændablaðið | Fimmtudagur 13. janúar 202262
GRIZZLY
Árgerð 2021.
700cc fjórgengis-4WD-H/L drif-driflæsing.
Rafmagnsstýri, spil og dráttarkúla.
Verð 2.410.000 kr. m/vsk
Aukasæti fyrir fjórhjól með
rúmgóðu hólfaskiptu farangurs-
boxi.
Verð 89.890 kr. m/vsk
Farangursbox fyrir fjórhjól á
afturgrind.
Verð 59.900 kr. m/vsk
Festingar fyrir verkfæri eða
byssur fyrir fjórhjól og Buggy.
Verð 14.950 kr. m/vsk
Farangursbox fyrir fjórhjól á
framgrind.
Verð 54.950 kr. m/vsk
Framrúða fyrir fjórhjól – hátt
gler sem gefur góða vörn gegn
vindi, úrkomu og óhreinindum.
Verð 49.890 kr. m/vsk
ÁBYRGÐ
LÁNSHLUTFALL
ALLT AÐ
75%
Í ALLT AÐ 60 MÁNUÐI
fyrir fjórhjól
í úrvali.
Dekk og felgur
www.yamaha.is
info@yamaha.is
S: 540 4980
LÍF&STARF
UTAN ÚR HEIMI
Evrópuþingið samþykkti endurskoðaða sameiginlega landbúnaðarstefnu Evrópusambandsins:
Engin bindandi markmið um sjálfbæran landbúnað
– Ríkjunum látið eftir að gera landsáætlanir í þá átt
Evrópuþingið samþykkti í
síðustu viku endurskoðaða
sameiginlega landbúnaðarstefnu
(CAP) fyrir Evrópusambandið
(ESB). Í landbúnaðarstefnunni,
sem mun gilda frá 2023 til 2027,
eru engin bindandi ákvæði
Evrópusambandsins um
sjálfbærari áherslu í landbúnaði
eða sérstakar loftslagsaðgerðir,
sem aðildarríki eru skylduð til
að fylgja.
Þess í stað er ríkjum ESB
látið eftir að gera landsáætlanir
í átt að umhverfisvænni og
sjálfbærari landbúnaði, sem
séu í samræmi við Græna
samning framkvæmdastjórnar
Evrópusambandsins (Green
Deal). Sá samningur gengur meðal
annars út á að Evrópa verði fyrsta
kolefnishlutlausa heimsálfan – ekki
síðar en árið 2050.
Slow Food-hreyfingin, og fleiri
grasrótarsamtök, hafa gagnrýnt
nýju stefnuna. Marta Messa,
framkvæmdastjóri Slow Food í
Evrópu, segir að samtökin telji
að endurskoðunin muni ekki skila
raunverulegum vistfræðilegum
umbótum í landbúnaðargeiranum.
Verksmiðjubúskapur og
einhæfur landbúnaður
Ljóst er að erfiðlega hefur gengið
að ná fram sátt um endurskoðun
stefnunnar sem lagt var upp með
árið 2018 þegar fyrsta tillagan
kom fram. Samningaviðræður
töfðust og síðan voru áætlanir
um að samþykkja umbætur á
stefnunni á síðasta ári sem átti að
taka gildi á þessu ári. Það gekk
ekki eftir, en sú landbúnaðarstefna
sem samþykkt var á dögunum
á Evrópuþinginu segir Slow
Food-hreyfingin að nái ekki að
taka á fullnægjandi hátt brýnum
vandamálum loftslagsbreytinga
og yfirvofandi hnignunar líf-
fræðilegs fjölbreytileika. Út-
hlut un styrkja úr kerfi ESB til
landbúnaðarmála muni áfram
vera framleiðslumiðað; ýta enn
frekar undir verksmiðjubúskap
og einhæfan landbúnað.
Marta Messa segir í umfjöllun
Slow Food um málið að engin
bindandi markmið sem tengist
Græna samningnum sé að finna í
endurskoðuninni á CAP og engin
merki Farm to Fork áætlunina
heldur, sem hefur verið kallaður
kjarninn í Græna samningnum og
gengur út á það að hraða þróun
matvælaframleiðslukerfanna í átt
að sjálfbærni.
Hún segir ekkert hafa í raun
breyst með endurskoðuninni þó
reynt hafi verið að gera ásýndina
á nýju stefnuna „græna“.
Umhverfisverndarsamtök hafi
gert sitt til að koma gagnrýni á
framfæri, en án árangurs.
Slow Food segir að stefnan
sé hörmuleg niðurstaða fyrir þá
sem stunda fjölskyldubúskap
í Evrópusambandinu, fyrir
umhverfið og loftslagið. Ekki
sé lagt upp með að byggja
upp matvælakerfi sem er
umhverfislega, félagslega og
efnahagslega sjálfbært.
Vonast er til að aðildarríki ESB
sýni metnað í landsáætlunum
sínum, en framkvæmdastjórn
Evrópusambandsins mun meta þær
í því ljósi hvernig framlag þeirra
er til Græna samningsins. /smh
Slow Food-hreyfingin, og fleiri grasrótarsamtök hafa gagnrýnt nýju
landbúnaðarstefnu Evrópusambandsins. Marta Messa, framkvæmdastjóri
Slow Food í Evrópu, segir að samtökin telji að endurskoðunin muni ekki
skila raunverulegum vistfræðilegum umbótum í landbúnaðargeiranum.
Mynd / Merve Sehirli Nasir - Unsplash
Bretlandseyjar:
Fuglaflensusmit aldrei verið fleiri
Staðfest tilfelli fuglaflensu í
haust hafa aldrei verið fleiri
á Bretlandseyjum. Yfir hálfri
milljón alifugla hefur verið lógað
á síðustu mánuðum og settar hafa
verið reglur sem skylda að öllum
alifuglum sé haldið innandyra.
George Eustice, umhverfis-
ráðherra Breta, sagði í ræðu í
breska þinginu fyrir skömmu að
búið væri að staðfesta að fuglaflensa
hefði komið upp á 36 alibúum á
Bretlandseyjum í haust og að búist
væri við að sú tala ætti eftir að
hækka. Í kjölfarið er búið að farga
500 þúsund alifuglum.
Fjöldi smita síðastliðið haust var
26 og því greinilegt að illa gengur
að hefta útbreiðslu flensunnar en
helsta smitleið hennar er talin vera
með farfuglum. Rannsóknir sýna
að hlutfall smitaðra farfugla með
fuglaflensu er hátt. Fyrir skömmu
fannst örn (Haliaeetus albicilla),
af fágætri tegund dauður vegna
smits á Skye við norðvesturströnd
Skotlands. Talið er að örninn hafi
lagt sér fuglaflensudauðan farfugl
til munns.
Bretlandseyjar er ekki eina
landið þar sem tilfelli fuglaflensu
eru á uppleið því svipaða sögu er
að segja frá mörgum löndum innan
Evrópusambandsins og víðar um
heim.
Vegna smithættu hefur garð-
eigendum og öðrum sem hafa gaman
af því að gefa villtum fuglum bent á
að gæta fyllsta hreinlætis. /VH
Samningur Íslandsstofu og Markaðsstofu landshlutanna vegna markaðssetningar erlendis:
Fagnaðarefni að stíga þetta skref
– segir Arnheiður Jóhannsdóttir, framkvæmdastjóri Markaðsstofu Norðurlands
Skrifað hefur verið undir
samninga á milli Íslandsstofu og
Markaðsstofu landshlutanna um
samvinnu við erlenda markaðs
setningu á Íslandi sem áfangastað.
Íslandsstofa og Markaðsstofurnar
hafa unnið náið saman um árabil
en nú hefur samstarfið verið
formgert í samræmi við skilgreint
hlutverk nýrra áfangastaðastofa sem
Markaðsstofurnar sinna í sínum
landshlutum. Þetta kemur fram í
tilkynningu um samninginn en hann
gildir til þriggja ára, frá 2021 til og
með 2023.
Liður í að efla gott samstarf
„Markaðssetning á áfangastaðnum
Íslandi er samvinnuverkefni,“ segir
Pétur Óskarsson, framkvæmdastjóri
Íslandsstofu, í tilkynningu. „Ísland
hefur undanfarin ár markað sér stöðu
sem þekktur áfangastaður en það
hefur ekki gerst af sjálfu sér og við
erum í stöðugri samkeppni við aðra
áfangastaði. Árið um kring vinnur
fjöldi fólks að því að vekja athygli á
Íslandi til að skapa viðskiptatækifæri
fyrir íslensk fyrirtæki í ferðaþjónustu
og tengdum greinum í öllum
landshlutum. Við erum lítil í stóra
samhenginu en með því að leggja
saman krafta okkar náum við
slagkrafti og þessir samningar eru
liður í að efla gott samstarf.“
Unnið er eftir stefnumótun
stjórnvalda um að tryggja sjálfbæran
vöxt ferðaþjónustu um allt land í
krafti gæða og fagmennsku og að
Ísland verði leiðandi í sjálfbærri
þróun árið 2030. Meðal verkefna
eru upplýsingamiðlun, samskipti
við fjölmiðla og áhrifavalda, ráðgjöf
um efni á vef og markaðsverkefni,
uppbygging á sameiginlegum
myndabanka og fleira.
Aukinn slagkraftur
„Markaðsstofur landshlutanna
hafa unnið í þéttu samstarfi
við Íslandsstofu síðastliðin
ár með áherslu á erlenda
markaðssetningu,“ segir Arnheiður
Jóhannsdóttir, framkvæmdastjóri
Markaðsstofu Norðurlands fyrir
hönd Markaðsstofanna. „Með
því að formgera samstarfið og
setja fjármagn í verkefnin verður
slagkrafturinn aukinn til muna.
Það er því mikið fagnaðarefni að
stíga þetta skref og hlökkum við
á Markaðsstofunum til að vinna
sameiginlega að markaðssókn fyrir
landið allt.“
Í tengslum við samningana
heimsóttu fulltrúar Íslandsstofu
alla landshlutana til að hitta
hagsmunaaðila og kynna sér
starfsemi og stöðu ferðaþjónustunnar.
Markaðsstofurnar stilltu upp
dagskrá og sáu um leiðsögn um sína
landshluta. /MÞÞ
Arnheiður Jóhannsdóttir, fram-
kvæmda stjóri Markaðsstofu Norður-
lands og Pétur Óskarsson, fram-
kvæmda stjóri Íslandsstofu.