Morgunblaðið - 12.05.2022, Qupperneq 14

14
MORGUNBLAÐIÐ FIMMTUDAGUR 12. MAÍ 2022
Við kynnumst stórkostlegri
náttúru, fjölbreyttu dýralífi og
hinum forna menningarheimi
Maya indíana. Skoðum m.a.
hinn heimsþekkta piramida
Tulum , gamlar menninga-
borgir, syndum í sjónum við
næst stærsta kóralrif heims og
upplifum regnskóginn. Síðustu
3 næturnar gistum við á lúxus
hóteli við ströndina, þar sem
allt er innifalið.
Síðumúli 29 - 108 Reykjavík | Sími 588 8900
info@transatlantic.is | www.transatlantic.is
Verð á mann í 2ja manna
herbergi 489.500 kr.
Innifalið
• Flug með sköttum og tösku
• Gisting 1 nótt í New York á útleið
• Allur fararmáti milli staða skv.
dagskrá
• Hótel með morgunmat í Mexico,
Guatemala og Belize
• Síðustu 3 nætur í Mexico allt inni-
falið á lúxus hóteli við ströndina
• Aðgangur þar sem við á
• Íslenskur og innlendur farastjóri
Ævintýri
á slóðir
Maya
indíánaMexico
Guatemala
Belize
2.-16. október
2022 SVEITARSTJÓRNARKOSNINGAR
Hækka þarf leikskólagjöld að mati
Karenar Elísabetar Halldórsdóttur,
oddvita Miðflokksins og óháðra í
Kópavogi. Þá telur hún jafnframt að
endurskoða þurfi hvernig bæjar-
félagið kemur að stuðningi við
íþróttafélög. „Okkar forgangur er að
styðja við forvarnarstarf,“ segir hún
og bætir við að íþróttafélög ættu að
sjá um sína afreksstefnu sjálf.
Hún mætti í kosningaþátt Dag-
mála ásamt oddvitum Sjálfstæðis-
flokksins, Vina Kópavogs og Sam-
fylkingarinnar. Oddvitum varð
tíðrætt um skipulagsmálin og ljóst
að þau eru mikið hitamál fyrir kom-
andi sveitarstjórnarkosningar.
Vinir Kópavogs eru grasrótar-
samtök en Helga Jónsdóttir, oddviti
framboðslista samtakanna, kveðst
hafa fundið sig knúna til að bjóða sig
fram þegar hún hafi áttað sig á því
að enginn flokkur í framboði ætlaði
sér að bæta úr skorti á samráði við
íbúa með þeim hætti sem hún telur
nauðsynlegt, sérstaklega í skipu-
lagsmálum. Vinnubrögð Kópavogs-
bæjar hafa að hennar sögn ítrekað
brotið í bága við skipulagslög,
stjórnsýslulög og lög um opinber
innkaup. Hún hefur kært meint brot
til úrskurðaraðila og bíður svara frá
öðrum en Skipulagsstofnun. Þar hafi
verið tekið undir að Kópavogur hafi
brotið á rétti íbúa sinna.
Viðurkennir mistök
Framboð Vina Kópavogs er til
marks um mistök meirihlutans, að
mati Karenar, en hún var sjálf í
meirihluta á yfirstandandi kjör-
tímabili sem bæjarfulltrúi Sjálfstæð-
isflokksins. Telur hún að þörf hafi
verið á stærra heildarskipulagi í
Kópavogi en undirmönnuð skipulags-
deild og aðframkomnir starfsmenn
hafi gert það að verkum að ekki var
hægt að ráðast í slíkt verkefni.
Helga bendir á að kostnaðurinn
sem hlýst af því að gera úrbætur eft-
ir á sé óhemjumikill, enda komi til
lögfræðikostnaður vegna kærðra
ákvarðana og verkfræðikostnaður
vegna breytinga.
Bergljót Kristinsdóttir, oddviti
Samfylkingarinnar, tekur undir með
Helgu að það sé allt of mikið um kær-
ur á hendur Kópavogsbæ í útboðs-
málum og bæjarfélagið hafi átt met í
kærum til úrskurðarnefndar skipu-
lagsmála. Þær séu afar kostnaðar-
samar.
Skúli fúli næsta kjörtímabils
Karen segir hlutverk sitt fyrir
næsta kjörtímabil vera hlutverk
„Skúla fúla“. Boðar hún aðhald í
fjármálum og kveðst mótfallin
kostnaðarsömum hugmyndum á
borð við borgarlínu.
Ásdís Kristjánsdóttir, oddviti
Sjálfstæðisflokksins, vill koma í veg
fyrir að álögur og gjöld, m.a.
fasteignagjöld, á fyrirtæki og íbúa
bæjarins hækki með hækkandi verð-
lagi. Rými til þess skapist með því að
fylgja betur eftir fjármagni bæj-
arfélagsins og gæta gagnsæis.
Bergljót tekur undir með Ásdísi
og segir ýmislegt hefðu betur mátt
fara í fjármálum bæjarins. Rekstur
hans sé ekki sjálfbær en bæjarstjórn
hafi tekist að halda sér „réttum
megin við núllið“ með sölu á lóðum,
sem séu nú af skornum skammti.
Úrelt vinnubrögð
Leikskólamál og skipulagsmál eru
aðalmálefni þessara kosninga að
mati Theódóru S. Þorsteinsdóttur,
oddvita Viðreisnar í Kópavogi.
Oddvitar Viðreisnar, Pírata, Vinstri-
grænna og Framsóknarflokksins í
Kópavogi komu saman í seinni kosn-
ingaþætti Dagmála.
„Við erum miklar samráðskonur,“
segir Sigurbjörg Erla Egilsdóttir
oddviti Pírata og talar þá fyrir hönd
Theódóru. Hún segir ýmsar leiðir
færar til að bæta úr samráðsvanda
Kópavogs en það þurfi vilja.
Að bera fram vinnslutillögu og
leggja hana beint í lögformlegt ferli
eru úrelt vinnurögð að mati Theó-
dóru. „Við þurfum að vanda okkur
að valta ekki yfir fólk.“
Fáir hafi áhrif á málefni margra
Þær deilur sem hafa sprottið fram
vegna skorts á samráði við íbúa eru
svæðisbundnar að sögn Orra Hlöð-
verssonar, oddvita Framsóknar-
flokksins. „Það búa 40.000 manns í
Kópavogi og mín reynsla af kosn-
ingabaráttunni er að fólk annars
staðar er ekki svona upptekið af
þessum málum.“
Hann segir mikinn þrýsting hvíla
á sveitarfélaginu að mæta þörfum á
húsnæðismarkaði. Á sama tíma hafi
umhverfisvitund fólks aukist sem og
meðvitund þess um rétt sinn til að
kæra, gagnrýna og hafa áhrif. „Mjög
fáir geta nú haft gríðarleg áhrif á
málefni miklu stærri hóps.“ Fólk tali
stundum um skort á samráði því það
fái ekki þau svör sem því hugnist.
Tekjutengdar skólamáltíðir
„Við erum að rukka fjölskyldur
undir meðaltekjum allt of mikið fyrir
leikskólagjöld. Þessi þjónusta á að
vera hluti af samfélagslegum kostn-
aði,“ segir Ólafur Þór Gunnarsson,
oddviti Vinstri-grænna. Hann kveðst
vilja minnka álögur á bæjarbúa
tekjutengt. Til að mynda væri æski-
legt að fólk greiddi fyrir skóla-
máltíðir í samræmi við tekjur heim-
ilisins. „Við þurfum að tryggja að öll
börn fái sömu þjónustu og sveitarfé-
lagið er jöfnunartæki.“
Morgunblaðið/Ágúst Ólíver
Kosningar Mikill hiti var í rökræðum milli oddvita Kópavogsbæjar í kosningaþætti Dagmála.
Morgunblaðið/Ágúst Ólíver
Kópavogur Oddviti Vinstri-grænna segir að tryggja þurfi að öll börn fái sömu þjónustu.
Dýrkeypt að gæta ekki samráðs
- Ásdís boðar frystingu fasteignagjalda og óbreyttar álögur í Kópavogi - Þrýstingur að mæta
þörfum húsnæðismarkaðarins - Karen á móti borgarlínunni - Ólafur vill tekjutengja skólamáltíðir
Örn Sigurðsson, sem skipar 2. sæti
á lista E-framboðs, Reykjavíkur,
bestu borgarinnar, og er jafnframt
annar tveggja umboðsmanna fram-
boðsins, segist ekki hafa hugmynd
um hvernig Birg-
itta Jónsdóttir,
fyrrverandi al-
þingismaður,
lenti á listanum
eða hvort undir-
skrift hennar hafi
verið fölsuð.
„Við vitum ekki
hvað gerðist, við
vitum ekki hvort
þetta er fölsun
eða hvort þetta sé
óréttmæt kvörtun eða ásökun. Það á
bara eftir að útskýra það,“ segir Örn.
Leiðinlegt að brotin
séu ekki viðurkennd
Birgitta greindi frá því í facebook-
færslu að undirskrift hennar hefði
verið fölsuð á skjali sem varðaði
heimild til að setja nafn hennar á
lista framboðsins. Þá sagði Birgitta
við mbl.is að sér þætti leiðinlegt að
forsvarsmenn Bestu borgarinnar
hefðu ekki viðurkennt brot sín.
Ábyrgðarmenn framboðsins sendu
frá sér yfirlýsingu þar sem þeir
sögðust hafa staðið í þeirri trú að
listarnir væru réttir.
Örn segir að umboðsmenn Bestu
borgarinnar hafi sent yfirkjörstjórn
bréf þar sem óskað var aðstoðar við
að vinna úr málinu um leið og þeir
fréttu af óánægju.
Í gær vísaði yfirkjörstjón í
Reykjavík málinu til héraðssak-
sóknara. Eva B. Helgadóttir, for-
maður yfirkjörstjórnar, sagði í sam-
tali við mbl.is að niðurstaða
fundarins hefði verið sú að yfirkjör-
stjórn hefði ekki lagaheimild til að
taka frambjóðanda af lista á þessu
stigi.
Segjast ekki vita hvort
undirskriftin sé fölsuð
- Yfirkjörstjórn hefur vísað málinu til héraðssaksóknara
Morgunblaðið/Árni Sæberg
Blaðamannafundur Frambjóðendur og ábyrgðarmenn E-listans, þeir
Magnús Óli Scheving, Örn Sigurðsson og Gunnar H. Gunnarsson.
Birgitta
Jónsdóttir