Fréttablaðið - 02.12.2022, Blaðsíða 26

Það er gaman að
þreifa sig áfram
með sinn jólamat og búa
svona til sínar hefðir. Við
reynum að hafa þetta í
lagi og sér í lagi á stórhá-
tíðum eins og jólin eru.
Við erum eiginlega
komin niður á það að
öndin sé okkar jóla-
matur.
Friðrik Dór Jónsson
Friðrik Dór Jónsson, söngv-
arinn góðkunni úr Hafnar-
firði, mun hafa í nógu að
snúast á aðventunni, en líkt
og margir aðrir tónlistar-
menn verður hann á þeyt-
ingi út um borg og bý við að
skemmta landsmönnum.
gummih@frettabladid.is
Spurður hvort hann sé mikill
jólastrákur segir Friðrik, eða
Frikki Dór, eins og hann er oftast
nefndur: „Eigum við ekki að segja
að ég sé svona miðlungs jóla-
strákur en það verður nú samt
að segja að það er ansi gaman
að halda jólin og undirbúa þau
þegar maður er með lítil börn á
heimilinu. Stelpuskarinn okkar
breytir landslagi jólanna fyrir
okkur,“ segir Friðrik, en hann og
eiginkona hans, Lísa Haf liðadótt-
ir, eignuðust sína þriðju dóttur
í janúar á þessu ári. Hún fékk
nafnið Hrafnhildur, en fyrir áttu
þau Ásthildi sem kom í heiminn
2013 og Úlf hildi sem fæddist árið
2019.
„Það er nóg að gera á heimil-
inu, svo mikið er víst. Eftir að
þær komu í heiminn er orðið
skemmtilegra að fylgjast með
gleðinni og þær eldri eru vissu-
lega orðnar spenntar fyrir jól-
unum,“ segir Friðrik.
Friðrik segist hafa mjög gaman
af eldamennsku og hann ætlar að
skella á sig svuntunni og hjálpa
til við að kokka fram góðan
jólamat fyrir fjölskylduna. Sjálfur
gaf Friðrik út matreiðslubók fyrir
nokkrum árum. „Léttir réttir
Frikka“ heitir bókin og er einföld
matreiðslubók fyrir alla sem eru
að stíga sín fyrstu skref í eldhús-
inu og fyrir hina sem vilja bæta
sig á því sviði.
Leyniuppskrift frá Bjarna frænda
„Það er gaman að þreifa sig áfram
með sinn jólamat og búa svona til
sínar hefðir. Við reynum að hafa
þetta í lagi og sér í lagi á stórhá-
tíðum eins og jólin eru. Við erum
eiginlega komin niður á það að
öndin sé okkar jólamatur. Heil
önd mun fara í ofninn þessi jól.
Við erum með leyniuppskrift frá
Bjarna frænda sem við erum búin
að vera þróa,“ segir Friðrik og hlær.
Friðrik segir að hvorki hann né
eiginkona hans hafi lagt það í vana
sinn að fara í kirkju á jólunum.
„Kirkjuferðir um jólin hjá mér og
konunni voru ekki partur af æsku
okkar. Það var eitt árið sem ég fór
í kirkju á jólunum til að horfa á
pabba syngja með Þröstunum. Við
fórum aldrei aftur, líklega hefur
frammistaða föður míns ekki verið
nægilega góð,“ segir Friðrik léttur.
Friðrik segir að stórfjölskyldan
gefi sér alltaf tíma til að hittast um
jólahátíðina. „Jóladagur og annar
í jólum fara í að hitta familíuna
og það er alltaf gaman að spjalla
saman, borða góðan mat og fara
yfir það hvað hver fékk í jólagjöf.“
Stærsta „giggið“ hjá Friðriki á
aðventunni verður í Kaplakrika
þann 17. desember þar sem hann
mun troða upp með Jóni bróður
sínum ásamt hljómsveit. Þeir
bræður ætla þar að búa til rosalega
stemningu eins og þeim er einum
lagið.
Íslandsmet í hópsöng
„Það mun fara smá orka í það á
aðventunni að undirbúa þessa
tónleika. Maður er hins vegar
öllu vanur á þessum árstíma. Til
ansi margra ára hefur dagskráin
aðallega verið í kringum jólatón-
leika okkar bræðra í Bæjarbíó,
þar sem við vorum komnir upp í
tíu „show“. Í ár ætlum við að taka
stökkið og sameina þetta í eitt
stórt og gott „gigg“. Það verður
virkilega gaman fyrir okkur og
áhorfendur að stækka upplifunina.
Við ætlum að setja Íslands-
met í hópsöng. Þetta verður því
skemmtileg áskorun og við bræður
ætlum að sjá til þess að allt verði
í hæsta klassa. Við bræður gáfum
líka út jólalag um daginn og ætlum
að sjálfsögðu að bjóða upp á frum-
flutning á því. Við lofum ævintýra-
legu stuði.
Okkur þykir afar vænt um
Kaplakrikann. Það má kannski
segja að það hafi skipst á skin og
skúrir þar í sumar, en við ætlum
að strá jólaglimmeri yfir Krikann
þann 17. desember og fylla húsið
af gleði,“ segir Friðrik, sem eins og
flestir vita er gallharður stuðnings-
maður FH eins og bróðir hans, en
Jón lék í nokkur ár með meistara-
flokki félagsins og vann meðal
annars með því þrjá Íslands-
meistaratitla. n
Friðrik með bros á vör á meðan hann kemur jólaseríunni fyrir í garðinum. FRÉTTABLAÐIÐ/ANTON BRINK
Öndin okkar
jólamatur
LANDSBANKINN. IS
Gjafakort
Landsbankans
Með gjafakortinu er ekkert mál að
velja réttu jólagjöfina. Þú ákveður
upphæðina og sá sem þiggur velur
gjöfina. Þú færð gjafakort í næsta
útibúi eða á landsbankinn.is.
4 fréttablaðið 2. desember 2022jól 2022