Fréttablaðið - 02.12.2022, Page 48

Brynhildur Björnsdóttir
Rauð og hvít hjörtu sem fylla má
með sælgæti og hengja á jólatré
eða í greinar eru eitt það jóla-
legasta sem um getur. Þessi hjörtu
má bæði nota á fyrrnefndan hátt
en líka er fallegt að nota minni
útgáfur sem pakkaskraut eða
jafnvel merkimiða. Jólahjörtun
eru oftast í dönsku fánalitunum
en fyrsta jólahjartað sem sögur
fara af fléttaði Dani að nafni H. C.
Andersen árið 1861 úr grænum og
gulum pappír og setti ekki hanka.
Það má auðvitað nota alls konar
pappír og alla liti, þótt jólalitir
eins og grænt, rautt, hvítt, gyllt
og silfrað séu í uppáhaldi hjá
jólaálfum.
Best er að notast við skapalón
þegar klippa skal út jólahjarta (sjá
mynd). Hjartahelmingarnir geta
verið annaðhvort með þremur
örmum eða sjö, ef metnaður flétt-
ara er alveg að fara með þá. Mælt
er með að skera fléttuarmana með
dúkahníf frekar en skærum svo
þeir verði alveg þráðbeinir. Best er
að byrja að flétta innst og svo færa
sig út. Gott er að byrja á að æfa sig á
venjulegum a4 blöðum en fikra sig
svo áfram í fínlegri pappír. Hank-
arnir eru límdir á síðast og mega
vera úr alls konar efnum. Þá má
líka skreyta hjörtun með glimm-
eri, stimplum, límmiðum og öllu
sem hjartað þráir. Þá er hjartagerð
tilvalið fjölskylduföndur og gaman
að merkja hjörtun með nafni þess
sem fléttar og dagsetningu. 
Hjörtun má svo að sjálfsögðu
líka gefa í jólagjafir og jafnvel taka
þau aftur ef gjafþeginn reynist
ekki verðugur, eins og þeir Wham-
bræður fengu að kenna á. Þolin-
mæði er lykilatriði þegar flétta skal
jólahjörtu en hún er verðlaunuð
með gríðarfallegu jólaskrauti
sem hægt er að draga fram árum
saman. n
Síðustu jól gaf ég þér
skrjáfandi hjartað mitt
Hér getur að líta skapalón fyrir
pappírshjörtu.
Pappírshjörtu eru dönsk í húð og hár og talið að H. C. Andersen eigi heiðurinn
af því að klippa fyrsta hjartað út og gefa einhverjum. fréttablaðið/getty
Rauður og hvítur brjóstsyk-
ursstafur er óbrigðult tákn
þess að jólin séu í nánd.
Þetta piparmyntusælgæti
á uppruna sinn í Þýska-
landi en hefur sett mark
sitt á jólahald víða, einkum
í Bandaríkjunum, þar sem
tíðkast að nýta hann á ýmsa
óhefðbundna vegu.
brynhildur@frettabladid.is
Sagan segir að piparmyntustafur-
inn hafi fyrst litið dagsins ljós hjá
kórstjóra í Kölnardómkirkju árið
1670, sem vildi að börnin hefðu
hljótt undir messusöng. Lausnin
var að gauka að þeim góðgæti og
til þess að halda í einhvers konar
helgitengingu lét hann búa til
sælgæti sem minnti á stafi fjár-
hirðanna sem vitjuðu Jesúbarns-
ins. Seinna varð stafurinn svo að
gjöf frá börnum handa heilögum
Nikulási sem gengur milli húsa og
gefur börnum gjafir  í sokk og þarf
þá að styðja sig við traustan staf.
Piparmyntustafir eru oft hengdir
á jólatré til skrauts en líka borð-
aðir með bestu lyst í aðdraganda
jóla.
Algengast er að neyta sæl-
gætisstafa beint
úr hnefa en
gómsætt pipar-
myntubragðið
getur auðgað
ólíklegustu
rétti og mælt er með
að prófa allavega
eitthvað af eftir-
farandi:
n Notið til að hræra
í heitu kaffi eða
kakói.
n Vefjið tepoka utan
um sælgætisstaf og
hellið heitu vatni
yfir.
n Brjótið og setjið í
súkkulaðibitaköku-
deig eða brúnkur til að fá pipar-
myntu í bragðdansinn.
n Brjótið og sáldrið brotunum
yfir bollakökur eða rjómaís.
n Brjótið og blandið saman við
brauðmylsnu og notið sem fyll-
ingu í lambakjöt í stað myntu-
sósu.
n Einnig er það siður í Chicago og
víðar í Bandaríkjunum að troða
piparmyntustaf inn í súra gúrku
og bíta í og þykir mörgum það
mikið lostæti. n
Með rauðhvítan
Eitt albesta jólasælgætið kallast piparmyntubörkur hjá enskumælandi þjóðum. fréttablaðið/getty
Piparmyntusúkkulaðibörkur með möndlum
900 g af súkkulaði að eigin vali,
sumir vilja nota bæði dökkt og
hvítt til helminga
12 meðalstórir piparmyntustafir
1 bolli ristaðar möndlur, mega
alveg vera örlítið kryddaðar
1 teskeið piparmyntudropar
1/8 teskeið vanilludropar
Setjið bökunarpappír í ofnskúffu.
Skerið súkkulaðið í litla bita og
bræðið fyrst dökka súkkulaðið
annaðhvort yfir vatnsbaði eða í
örbylgjuofni. Á meðan það er að
bráðna brjótið stafina í litla bita,
ekki samt alveg í mylsnu.
Hellið dökka súkkulaðinu í ofn-
skúffuna og kælið. Bræðið hvíta
súkkulaðið á sama hátt og þegar
það er bráðið blandið þá drop-
unum, möndlum og piparmyntu-
stöfum saman við. Hellið í og
leyfið öllu að kólna á góðum stað,
helst í kæliskáp eða frysti. Brjótið
og njótið.
staf í hendi
Langar þig í skiptinám?
Við bjóðum upp á skiptinám
til fjölmargra spennandi landa
og vorum að bæta úrvalið
okkar til Suður Ameríku.
Nýttu tækifærið til að hefja
umsóknarferlið og fá þátttökugjöldin
á snemmskráningarverði.
Við bjóðum einnig
upp á tungumálaskóla
Enskuskóli í Englandi
Enskuskóli í Wales
Spænskuskóli
Lestu meira á afs.is
26 fréttablaðið 2. desember 2022jól 2022