Fréttablaðið - 02.12.2022, Blaðsíða 58

Unnur Anna Árnadóttir,
ljósmyndari á Akureyri, er
mikið jólabarn og aðventan
er uppáhaldstími hennar
enda elskar hún að lýsa upp
skammdegið og stússast í
jólaundirbúningnum. Hún
gefur hér uppskrift að síróps-
kökum sem hún segir vera
þær bestu.
elin@frettabladid.is
Unnur Anna starfar við ýmsar
skapandi greinar. Hún er ljós-
myndari sem sérhæfir sig í að
mynda börn, fjölskyldur og brúð-
kaup. Auk þessa er hún rekstrar-
stjóri DSA, Dansstúdíó Alice á
Akureyri. Þá verður Unnur Anna
sýningarstýra söngleiksins Chi-
cago sem frumsýndur verður hjá
Leikfélagi Akureyrar í janúar. Það
er fleira í pípunum því Unnur er
sömuleiðis í sýningarstjórn Menn-
ingarfélags Akureyrar. Með þessu
öllu eru hún í fullu námi í Háskól-
anum á Bifröst og segir það frábært
nám. Unnur gaf sér samt tíma til
að gefa okkur uppskrift að uppá-
haldssmákökunum sínum.
Hún segist alltaf hafa verið
mikið jólabarn eða jólaundir-
búningsbarn. „Ég er mjög hrifin
af aðventunni og öllu sem fylgir
henni. Ég vil skreyta snemma
til að lýsa upp skammdegið og
elska allan jólaundirbúning.
Maðurinn minn er bandarískur og
við reynum að sameina hefðir úr
báðum menningarheimum fyrir
stelpurnar okkar og þá er sko nóg
um að vera,“ segir Unnur Anna,
sem er gift Charlie, en þau eiga
tvær dætur, Agnesi Emmu sem er 5
ára og Ellen Rose sem er ársgömul.
„Ég nýti aðventuna mikið í að
baka, skreyta og gera skemmtilega
hluti með fjölskyldunni. Ég er líka
með jólamyndatökur fyrir jólin
sem setja mig alltaf í jólaskap. Ég
reyni líka að fara á allavega eina til
tvenna jólatónleika. Ég er búin að
panta mér miða á jólatónleika með
Bríeti í ár og hlakka mikið til. Mest
spennandi við þennan árstíma er
að skapa kósí jólastemmingu með
bakstri, ljósum, skrauti og kertum
og njóta með allri fjölskyldunni í
rólegheitum,“ segir hún.
Þegar Unnur er spurð af hverju
hún gefi þessa uppskrift, svarar
hún: „Þessi uppskrift á alveg sér-
stakan stað í jólahjartanu. Í mörg
ár hef ég farið á Þorláksmessu í
kringum miðnætti heim til eins af
mínum betri vinum með pakka.
Þá er fjölskylda hans alveg á fullu
að undirbúa og oftast að baka
þessar kökur, sem mér þótti svo
góðar. Alveg óvart skapaðist því
hefð hjá okkur og foreldrum hans
að þau bíða eftir mér á Þorláks-
messukvöld og eru alltaf klár með
kökurnar sem þau vita hvað mér
þykja góðar. Svo þegar Covid var í
hæstu hæðum var ég með nýfætt
kríli og komst ekki til þeirra, en
fékk í staðinn uppskriftina að
kökunum hjá þeim til að baka sjálf
og ég þori varla að nefna hvað það
voru bakaðar margar uppskriftir
fyrir jólin. Ég hætti samt ekki að
fara til þeirra á Þorláksmessu þar
sem ég fæ bara ekki nóg og þetta er
svo skemmtileg hefð.
Svo komumst við að því að
Svo komumst við
að því að mamma
hafði oft fengið þessar
jólakökur hjá ömmu
vinar míns fyrir jólin
þegar hún var lítil og þá
varð þessi saga eiginlega
enn skemmtilegri.
Sírópskökur
bræða jólahjartað
Dæturnar fá
að hjálpa við
jólabakstur-
inn. Hér er
Unnur Anna
með dætr-
unum Agnesi
Emmu sem er 5
ára og Ellen Rose
sem er ársgömul.
MYNDIR/AGNES SKÚLA-
DÓTTIR
mamma mín hafði oft fengið
þessar jólakökur hjá ömmu vinar
míns fyrir jólin þegar hún var lítil
og þá varð þessi saga eiginlega enn
skemmtilegri,“ segir Unnur Anna
sem er fædd og uppalin á Akureyri.
Hún stundaði nám í Los Angeles og
síðan Atlanta, en kom aftur heim
þegar Covid skall á.
Unnur Anna segist vera með
foreldrum sínum á aðfangadags-
kvöld en þar eru líka systir hennar
og fjölskylda hennar. „Möndlu-
grautur kemur fyrst en síðan
er heimsins besta sveppasúpa í
forrétt, léttreyktur lambahryggur
með öllu tilheyrandi í aðalrétt og
svo heimagerður jólaís í eftir-
rétt.“ n
Sírópskökur
fyrir jólabörn
450 g hveiti
150 g smjörlíki
250 g sykur
1 bolli síróp
2 tsk. kanill
2 tsk. negull
2 tsk. matarsódi
2 egg
Allt hnoðað saman í hrærivél og
geymt í kæli í smástund.
Deigið sett í ca. 2 cm kúlur og
bakað í ofni á 180°C blæstri í 8-10
mínútur eða þangað til þær eru
orðnar ljósbrúnar. Þær falla svo og
verða seigar og góðar.
Jólafatnaður
Jólagjafir
Vefverslun
okkar er
tiskuvers
lun.is
náttkjólar
náttföt
leðurhanskar
klútar
36 FRÉTTABLAÐIÐ 2. desember 2022JÓL 2022