Íslenska þjóðfélagið - 16.12.2022, Síða 89

Hermína, Rúnar, Jórunn, Birna María og Sigríður Margrét
89 ..
skólastjórar, leikskólastjórar og forsvarsaðilar skólaþjónustu) og greindur munur á dreifingu svara
þessara hópa með kí-kvaðrat marktektarprófi miðað við 95% öryggismörk. Í þriðja lagi er greining á
dreifingu svara eftir rekstrarformi skólaskrifstofa, einnig með kí-kvaðrat marktektarprófi miðað við
95% öryggismörk.
Viðtölin voru afrituð orðrétt og greind í Nvivo. Greiningin tók mið af þemagreiningu Braun og
félaga (2018). Efnið var flokkað eftir efnisþáttum með skilgreindum undirflokkum. Þannig var hægt
að draga saman meginþemu viðtala til að fá yfirsýn og heildarmynd af inntakinu. Loks voru dregin
saman fjögur meginþemu sem jafnframt stjórna framsetningu niðurstöðukaflans.
Skjöl sem safnað var af vef sveitarfélaganna í tilvikunum fimm voru greind út frá þremur megin-
spurningum: 1) Hversu skýr stefna sveitarfélaganna um skipulag og inntak skólaþjónustu birtist
á vefsíðum þeirra og hvaða áherslu má lesa út úr henni um það sem skólaþjónustan á að sinna?
2) Hvers konar þjónustustefna birtist í umfjöllun skólaskrifstofa sveitarfélaganna um eigin starf-
semi? og 3) Hver er umgjörð, skipulag og starfsskilyrði skólaþjónustunnar? Að auki var kannað
hvers konar eyðublöð, til dæmis til að sækja um þjónustu, eru aðgengileg og enn fremur aðgengi
að ýmsum upplýsingum um skólaþjónustuna, svo sem um starfsfólk, starfslýsingar og samstarf við
önnur þjónustukerfi.
Rannsóknin var unnin í samræmi við lög um persónuvernd og vinnslu persónuupplýsinga (nr.
90/2018). Viðmælendur skrifuðu undir upplýst samþykki um þátttöku þar sem rannsóknin var kynnt
sem og réttur þeirra sem viðmælendur.
Niðurstöður
Niðurstöðunum er skipt í eftirfarandi þemu: 1) stefna og starfshættir skólaþjónustu, 2) ferli greininga
og ráðgjafar, 3) áskoranir um menntun fyrir alla og 4) samstarf þjónustukerfa. Í hverju þema er
fléttað saman gögnum úr gagnasettunum þremur sem lýst er í aðferðafræðikaflanum.
Stefna og starfshættir
Svarendur töldu flestir að umfjöllun um skólaþjónustu í skólastefnu sveitarfélagsins þar sem þeir
störfuðu væri skýr. Þó voru töluvert fleiri skólastjórar en forsvarsaðilar skólaþjónustu sem töldu svo
vera; 71% grunnskólastjóra og 80% leikskólastjóra á móti 56% forsvarsaðila. Munurinn er þó ekki
tölfræðilega marktækur (tafla 2).
Tafla 2. Hversu skýr eða óskýr er umfjöllun um skólaþjónustu í skólastefnu sveitarfélagsins?
Svör – allir þátttakendur Fjöldi Hlutfall % 95% öryggisbil
Mjög skýr 59 23,0 18,1–28,4
Frekar skýr 129 52,2 44,1–56,3
Frekar óskýr 41 16,0 11,9–20,8
Mjög óskýr 18 7,0 4,4–10,6
Engin skólastefna til 3 1,2 0,3–3,1
Veit ekki 7 2,7 1,2–5,3
Alls svör 257 100
Svöruðu ekki 11
Þátttakendur alls 268
Svör eftir starfs­
vettvangi (e-m)
Fjöldi
svara
Mjög
skýr
Frekar
skýr
Frekar
óskýr
Mjög
óskýr
Engin
skólast.
Veit
ekki
Grunnskólastjórar 96 19,8% 51,0% 15,6% 7,3% 2,1% 4,2%
Leikskólastjórar 125 27,2% 52,8% 10,4% 6,4% 0,8% 2,4%
Í forsvari fyrir skólaþj. 36 16,7% 38,9% 36,1% 8,3% 0,0% 0,0%