Íslenska þjóðfélagið - 16.12.2022, Blaðsíða 96

Skólaþjónusta sveitarfélaga við nemendur og foreldra: Stefna, skipulag og inntak
96 ..
Tafla 9. Hversu mikið eða lítið samstarf er á milli skólaþjónustu og félagsþjónustu sveitar-
félagsins?
Svör – allir þátttakendur Fjöldi Hlutfall % 95% öryggisbil
Mjög mikið 39 19,4 14,4–25,3
Frekar mikið 88 43,8 37,1–50,7
Frekar lítið 25 12,4 8,4–17,5
Mjög lítið 4 2,0 0,7–4,7
Veit ekki 36 17,9 13,1–23,6
Á ekki við 9 4,5 2,2–8,0
Alls svör 201 100
Svöruðu ekki 67
Þátttakendur alls 268
Svör eftir starfsvettvangi
(p = .014)
Fjöldi
svara
Mjög
mikið
Frekar
mikið
Frekar
lítið Mjög lítið
Veit
ekki Á ekki við
Grunnskólastjórar 70 10,0% 51,4% 15,7% 2,9% 15,7% 4,3%
Leikskólastjórar 99 20,2% 36,4% 12,1% 2,0% 24,2% 5,1%
Í forsvari fyrir skólaþj. 32 37,5% 50,0% 6,3% 0,0% 3,1% 3,1%
Þegar spurt var nánar út í samstarf við félagsþjónustuna í opinni spurningu mátti sjá að samstarf við
félagsþjónustuna er oft til komið vegna stjórnskipulags, það er að segja einhvers konar samrekstrar
sveitarfélags á félags- og skólaþjónustu sem hafa jafnvel sama yfirmann, deila starfsaðstöðu eða að
starfsfólk sinnir hlutverkum í báðum kerfunum. Þetta er þó víðast hvar mjög ógagnsætt á vefsíðum
sveitarfélaganna sem kannaðar voru í skjalagreiningunni, erfitt að átta sig á starfssviði einstakra
starfsmanna og starfslýsingar var ekki að finna á neinni þeirra.
Svör svarendahópanna um inntak starfsins voru keimlík. Þau lýstu samráði, fundum og teymis-
vinnu (s.s. starfi nemendaverndarráðs) um málefni einstakra nemenda. Þau hugtök sem mest voru
áberandi í svörunum voru „(nemenda)vandi … erfiðleikar … málefni nemenda … greiningar/
greiningarteymi/greiningarúrræði … leita að úrræðum … ferlar og viðbrögð … sérkennsla … sál-
fræðiþjónusta [og] … viðtöl“. Einungis fjögur svör af 126 lutu að einhverju sem tengja mætti við
starfs- eða skólaþróun og enginn setti fyrirvara við þessa sterku klínísku áherslu. Mun færri svör (48
talsins að frátöldum „nei“ eða „veit ekki“) bárust við spurningu um hvað hindraði þetta samstarf en
langflest þeirra vísuðu annað hvort til tímaskorts og manneklu eða þá einhvers konar ytra skipulag
(s.s. skipurit sveitarfélags eða staðsetning þjónustunnar og starfsmanna hennar).
Af svörum við opinni spurningu í spurningakönnuninni um samstarf skólaþjónustu og heilbrigð-
isþjónustu að dæma er samstarf milli þessara kerfa mun fátíðara en samstarf við félagsþjónustu.
Aftur voru svarendahóparnir þó marktækt ósammála. Fimmtungur grunnskólastjóra og rúmlega
þriðjungur leikskólastjóra taldi samstarf við heilbrigðisþjónustuna mikið en helmingur forsvarsaðila
skólaþjónustu taldi svo vera og um 30% svarendahópsins töldu sig annað hvort ekki vita þetta eða
töldu spurninguna ekki eiga við (tafla 10).