Íslenska þjóðfélagið - 16.12.2022, Blaðsíða 95

Hermína, Rúnar, Jórunn, Birna María og Sigríður Margrét
95 ..
Tafla 8. Hversu mikla eða litla áherslu leggur skólaþjónustan á almenna ráðgjafar- eða
fræðslufundi fyrir kennara?
Svör – allir þátttakendur Fjöldi Hlutfall % 95% öryggisbil
Mjög mikla 21 10,0 6,5–14,7
Frekar mikla 88 42,1 35,6–48,9
Fremur litla 77 36,8 30,5–43,5
Mjög litla/enga 19 9,1 5,8–13,6
Veit ekki 4 1,9 0,6–4,5
Alls svör 209 100
Svöruðu ekki 59
Þátttakendur alls 268
Svör eftir starfsvettvangi
(p < .001)
Fjöldi
svara
Mjög
mikla
Fremur
mikla
Fremur
litla
Mjög litla/
enga
Veit
ekki
Grunnskólastjórar 73 0,0% 32,9% 53,4% 9,6% 4,1%
Leikskólastjórar 103 11,7% 44,7% 34,0% 8,7% 1,0%
Í forsvari fyrir skólaþj. 33 27,3% 54,5% 9,1% 9,1% 0,0%
Til viðbótar töldu svarendur í opinni spurningu að skortur á mönnun og sérfræðiþekkingu og færni
til að takast á við áskoranir um menntun fyrir alla væri ein af glímunum í starfi skóla. Þó mátti sjá
misjöfn viðhorf til þessa milli leikskólastjóra, grunnskólastjóra og þeirra sem svara fyrir skólaþjón-
ustu. Grunnskólastjórar litu svo á að áskorunin snúist bæði um sérfræðiþekkingu innan skólanna og
þann stuðning sem skólaþjónustan veitir. Þeir kalla eftir fólki úr fjölbreyttari starfsstéttum til starfa
innan skólanna og fleiri sérkennurum. Leikskólastjórarnir voru nokkuð á sama máli en af svörunum
má ráða að erfiðleikar við að manna stöður leikskólans með kennurum með starfsréttindi, og þar með
skortur á fagþekkingu, sé mesti vandi leikskólanna.
Í svörum við opinni spurningu var forsvarsaðilum skólaþjónustunnar tíðrætt um skort á færni og
þekkingu kennara til að takast á við margvíslegar áskoranir um menntun fyrir alla og töldu mikil-
vægast að efla starfsþróun þeirra og fá þá til að breyta vinnubrögðum sínum þannig að það hentaði
betur námi fyrir alla. Þessi sýn rímar við það að nokkrir úr öllum þremur hópum svarenda töldu það
brýnt að takast á við og breyta viðhorfi kennara (og annarra starfsmanna) og jafnvel skólastjóra og
foreldra og þess vegna þurfi að styrkja sameiginlega sýn skólasamfélagsins á menntun. Nokkrir við-
mælendur nefndu að bæta þurfi löggjöf og aðkomu heilbrigðisgeirans og að auka þurfi samtal milli
ráðuneyta og milli þeirra sem koma að heilbrigðis- og félagsmálum nemenda. Í næsta kafla verður
fjallað frekar um þetta sjónarmið.
Samstarf þjónustukerfa
Vegna hins fjölþætta hlutverks sem skólaþjónustan hefur í stuðningi við nemendur og fjölskyldur
þeirra mætti ætla að talsvert sé um samstarf milli hennar og annarra þjónustukerfa sem að slíkum
stuðningi koma, einkum félagsþjónustu og heilbrigðisþjónustu. Í svörum við spurningakönnuninni
um samstarf skólaþjónustu við félagsþjónustu sést að það er nokkurt en jafnframt að skólastjórar
töldu það minna en forsvarsaðilar skólaþjónustu. Rúmlega 60% grunnskólastjóra og litlu færri leik-
skólastjórar sögðu samstarf við félagsþjónustu mikið en 88% þeirra sem eru í forsvari fyrir skóla-
þjónustu sögðu að svo væri. Athygli vekur að um fimmtungur svarendahópsins í heild taldi sig annað
hvort ekki vita þetta eða taldi að spurningin ætti ekki við (tafla 9).