Heilbrigt líf - 01.12.1949, Blaðsíða 71
Vegna þessa flakks bera þeir ekki við að stunda garð-
rækt eða akuryrkju. Aðalfæðan og oftast eina fæðan er
kjöt, mjólk og blóð, og neyta þeir því næsta lítils af kol-
vetnum. Auðvelt væri fyrir þá að afla sér maíss og græn-
metis, en sjaldan leggja þeir það sér til munns. Mikið er
um næma sjúkdóma, svo sem sárasótt og mýraköldu þar
í landi, og fer mannfólkinu því heldur fækkandi. Margir
Masaimenn eru þó miklir vexti, hraustir og vel vaxnir.
Þeir eru vel viti bornir og hafa um langan aldur reynt
að lækna sárasótt með því að sýkja sjúklingana með mýra-
köldu, en fyrir þetta hlaut austurríski læknirinn, Wagner
Jauregg, Nóbelsverðlaun 1927. Vel mun hann þó hafa verið
að þeim verðlaunum kominn, enda sennilega ekkert þekkt
til lækninga þeirra Masaimanna.
Schwartz rannsakaði 408 manns og fann alls 38 holar
tennur. Hins vegar höfðu allmargir væga bólgu í tann-
holdi og tannstein. Er slíkt ekki furða hjá fólki, sem aldrei
hafði komizt í kynni við tannbursta. Ekki voru heldur svo
mikil brögð að tannholdsþrotanum, að því fylgdi tannlos
og tanngarðsrýrnun (pyorrhoea alveolaris).
Nágrannar Masaimanna nefnast Kikuyi. Þeir lifa mest-
megnis á jurtafæðu, eru minni vexti og veikbyggðari og
hafa lélegri tennur en Masaimenn. 60% af fæðu Kikuyi-
manna er eins konar mais, en 25 af hundraði er sætar
kartöflur. Auk þess borða þeir dálítið af grænmeti. Mjólk-
ur og kjöts neyta þeir ekki að kalla.
Þess skal getið, að fundizt hafa þjóðflokkar, sem lifað
hafa á jurtafæðu að miklu eða öllu leyti og höfðu þó ágætis
tennur. Talið er, að þessar þjóðir hafi að mestu lifað á
aldinum og grænmeti, en þó neytt kornmatar að einhverju
leyti. Tönnum þessara þjóðflokka mun þó hafa hrakað á
síðustu tímum, enda hafa lifnaðarhættir margra þeirra
breytzt verulega.
Við þetta get ég bætt reynslu minni í Finnmörk fyrir
Heilbrigt líf 69