Heilbrigt líf - 01.12.1949, Síða 127
ins, vegna umsókna um örorkustyrki. Þess vegna er í heil-
brigðisskýrslum, t. d. 1943, fávitar í aldursflokkunum 20
til 30 ára helmingi fleiri en í 5 til 15 ára aldursflokknum,
eða 54 talsins. Hér er auðsýnilega mikið vantalið í 5 til
15 ára flokknum. Þá er á það að líta, að alls engar upplýs-
ingar liggja fyrir um fávitafjöldann í Reykjavík, og eru
þeir því ekki taldir með í heilbrigðisskýrslunum.
Það væri því ekki úr vegi að reyna að gera sér grein
fyrir fávitafjöldanum í öðrum löndum til þess að skapa
sér hugmyndir um það, hvers má vænta hér heima.
I hinum stærri löndum, þar sem þéttbýli er mikið, eru
fávitar (örvitar meðtaldir) taldir vera 0,2% íbúanna, og
vantar þó þar sjálfsagt á fullnaðarskráninguna. Það mundi
samsvara næstum 280 fávitum hér á landi núna. 1944
telja heilbrigðisskýrslur hins vegar aðeins 175 fávita, svo
að hér vantar eigi alllítið á. Enn kemur það hér til álita,
að yfirleitt er meira um fávita á afskekktum, einangruðum
stöðum, þar sem giftingar skyldmenna verða tíðar, og
munu kunnugir geta séð þess merki í sumum afskekktum
sveitum þessa lands.
Það má þess vegna telja víst, að tala fávita sé hlutfalls-
lega hærri hér á landi en í þéttbýlli löndunum.
Ég hef á undanförnum árum gert mér allmikið far um
að ná á skrá sem flestum fávitum í Norður-lsafjarðarsýslu
og ísafjarðarkaupstað, en þrátt fyrir það kemur alltaf
nýtt og nýtt fram, ýmist af hendingu, ef komið er í sjúkra-
vitjun á heimili, eða þegar þessir aumingjar eru dregnir
fram í dagsljósið í sambandi við örorkustyrki.
Þegar á allt er litið, virðist því ekki fjarri sanni. að
hér á landi muni tala fávitanna vera 5 til 600, og þar af
um 100 örvitar.
Fyrsta skrefið í meðferð fávita er auðvitað að gera sér
grein fyrir ábyrgum aðilja, og er hann að sjálfsögðu hlut-
aðeigandi bæjar- eða sveitarstjórn.
Heilbrígt lij
125