Gátt - 2004, Side 26

26
F R Æ Ð S L U M I Ð S T Ö Ð A T V I N N U L Í F S I N S
Efni á tölvu
Á undanförnum áratug hefur orðið gjörbylting á aðgangi
að alls kyns lesefni á rafrænu formi. Nú má heita að þorri
fólks hafi aðgang að tölvu og meirihluti þeirra tengdur
neti. Því var við hæfi að kanna hvernig lestri á þess konar
miðlum er háttað. Niðurstöður eru mjög í samræmi við
það sem ætla má. Hlutverk tölvunnar er orðið verulegt
þegar kemur að lestri og hjá sumum er hún helsta upp-
spretta lesefnis og hvati til ritunar.
Hvers konar efni sækir fólk einkum
á tölvu?
Þátttakendur voru spurðir hvers konar efni þeir sæktu á
tölvu, hvort það væri tengt áhugamálum, námi, vinnu eða
samskiptum við annað fólk.
Rafræn samskipt i
Tölvupóstur er mikið notaður og alls segjast 36,4% nota
hann daglega, 45% karla og 30% kvenna. Um 26% segjast
nota tölvupóst 4-6 sinnum í viku, 22% karla og 29% kvenna.
Þeir sem nota hann sjaldnar eru 24%, 19% karla og 28%
kvenna. Um 13% segjast aldrei nota tölvupóst og í þeim
hópi eru karlar rúm 14% og konur tæp 13%.
Spurt var hvort þátttakendur notfærðu sér rauntímaspjall
í tölvu. Niðurstöður benda til þess að hér sé um virkan
vettvang til samskipta að ræða, sérstaklega hjá yngra
fólki og flestir sem nýta sér þessi samskipti í verulegum
mæli sögðust nota MSN.
SMS-ski laboð
Það vakti athygli rannsókarmanna hve margir senda
SMS-skilaboð og það virtist eiga við um unga sem eldri
þó svo verulegur munur sjáist eftir aldri. Athyglisvert var
að ekki var meiri munur á kynjunum hvað þetta varðar.
Oft hefur því verið haldið fram að stúlkur séu mun öflugri
á þessu sviði en sú virðist ekki raunin hjá fullorðnum.