Gátt - 2004, Blaðsíða 83

83
F R Æ Ð S L U M I Ð S T Ö Ð A T V I N N U L Í F S I N S
Ráðgjöfin hefur verið á faraldsfæti og má sem dæmi
nefna þegar kom að því að heimsækja starfsmenn á
bensínstöðvum, þá stóðu ráðgjafar gagnvart þeim vanda
að ómögulegt yrði að kalla alla saman og halda kynn-
ingarfund. Var þá ákveðið að hver bensínstöð fengi heim-
sókn og ráðgjöf boðin þeim sem vildu. Þannig ferðuðust
ráðgjafarnir um á milli stöðva til þess að kynna sig og
ræða við áhugasama. Hugtakið „farandráðgjöf“ átti
þarna vel við. Í þessu verkefni hefur komið í ljós að það
má alltaf finna leiðir ef vilji er fyrir hendi.
Fyrirtæki hafa yfirleitt tekið mjög jákvætt í að fá verkefnið
„Námsráðgjöf á vinnustað“ til sín og opna þannig
umræðuna um mikilvægi þess að vera virkur í eigin
símenntun og persónulegri uppbyggingu. Sú umræða
skilar sínu til fyrirtækjanna, sérstaklega þeirra sem bjóða
upp á uppbyggingu færni í starfi. Það er mikill akkur í því
að fyrirtæki sjái hag sinn í því að taka þátt í verkefni sem
byggist á þeirri hugsjón að efla þekkingargrunn þjóðar-
innar. Samvinna hagsmunaaðila við að upplýsa og opna
tækifæri til uppbyggingar á færni er forsenda fyrir því að
hækkun menntunarstigs þjóðar eigi sér stað. Þátttaka
fyrirtækja er því nauðsynleg ef árangur á að nást.
Málefni viðmælenda
Ráðgjafar verkefnisins hafa rekið sig á að fólk á vinnu-
markaði tengir náms- og starfsráðgjöf gjarnan skóla-
kerfinu og glímu barna og unglinga við námstengda
erfiðleika. Það á því erfitt með að sjá tilgang þess að
sækja sér slíka þjónustu þegar hún stendur til boða.
Vegna þessa hefur verið lögð áhersla á að kynna
verkefnið vel fyrir starfsmönnum og sérstaklega hag
þeirra af þessari þjónustu.
Eins og komið hefur fram hafa um 100 einstaklingar sótt
sér ráðgjöf um ýmisskonar málefni. Sem dæmi um
málefni má nefna upplýsingar um nám og störf, leiðir til
að byggja sig upp í starfi, áhugasviðsgreiningu, aðstoð
við að setja sig í samband við rétta aðila, persónulega
ákvarðanatöku og setningu markmiða. Sumir koma ein-
faldlega af einskærri forvitni. Niðurstöður einstaklings-
viðtalanna hafa verið flokkaðar eftir þeirri stefnu sem
einstaklingurinn setur sér í lok viðtals (sjá Töflu 1).
Áhugi á námi en...
Í viðtölunum hefur komið í ljós að flestir vilja læra og eiga
sér sína drauma um nám og starfsframa. Vegna ýmissa
hindrana hafa viðmælendur átt erfitt með að finna
hentugar námsleiðir og því lagt þessa drauma á hilluna
og lagt meiri áherslu á að sjá fyrir sér og sínum. Um
þriðjungur hópsins (32%) var óviss um eigin áhugasvið. Í
önnum hvunndagsins er oft lítill tími fyrir sjálfsskoðun af
því tagi. Þá er nokkuð algengt að einstaklingar sem vita
hvað þeir vilja og myndu gjarna ljúka framhaldsskóla-
námi eru bundnir fjárhagslega og hafa ekki svigrúm til
þess að stunda nám í dagskóla. Nám í kvöldskóla sam-
hliða vinnu er mun tímafrekara í önnum talið en
hefðbundið dagskólanám og skapar því of mikið álag í of
langan tíma að mati margra viðmælenda. Aðgengi að
fjármagni fyrir dagskólanám ásamt markvissu mati
skólanna á raunfærni myndi mögulega virkja mun fleiri
fullorðna einstaklinga í því að ljúka framhaldsskólanámi.
Lánshæft nám í undirbúningsdeildum fyrir háskólanám er
einnig vænn kostur fyrir marga og mættu vera fleiri tæki-
færi af þeim toga í íslensku skólakerfi.
Önnur algeng hindrun þess að fólk sæki sér nám er
vinnutími. Ástæður þess að áhugasamir einstaklingar
sækja ekki námskeið geta tengst löngum eða óreglu-
legum vinnutíma sem kemur í veg fyrir að starfsmenn geti
setið námskeið á þeim tímum sem þau eru haldin. Þá eru
margir sem veigra sér við því að biðja um leyfi vinnuveit-
Tafla 1
Niðurstöður úr einstaklingsviðtölum
Greining á áhugasviði 32%
Námstilboð án prófa 26%
Starfstengt nám 21%
Annað* 12%
Mat á raunfærni 9%
*T.d. starfslok, ferilskrárgerð, starfsmannasamtal,
ákvarðanataka, námserfiðleikar.