Gátt - 2004, Blaðsíða 80

80
F R Æ Ð S L U M I Ð S T Ö Ð A T V I N N U L Í F S I N S
Einnig verður boðið upp á námskeið fyrir þá sem taka að
sér starfsþjálfahlutverkið á vinnustöðunum. Þeim verður
kynnt aðferðafræðin og veittur stuðningur í þessu nýja
hlutverki. Starfsþjálfi hefur gátlista til viðmiðunar um það
sem starfsmaður mun þjálfa. Hlutverk starfsþjálfans er á
jafningjagrundvelli þar sem báðir aðilar eiga að njóta sín
og líta á samstarfið sem tækifæri til að auka þekkingu og
reynslu.
Verzlunarskólinn hefur ráðið verkefnisstjóra til að stýra
framkvæmd tilraunanámsins og fékk skólinn styrk frá
starfsmenntasjóði verslunar- og skrifstofufólks vegna
þess. Hlutverk verkefnisstjórans verður að leiða kennara-
hópinn í þessu nýja og metnaðarfulla verkefni, hann
verður nemendum til stuðnings og verður í samskiptum
við starfsþjálfana og vinnustaðina. Fjármögnun námsins
er að öðru leyti sú að vinnuveitendur þeirra starfsmanna,
sem valdir verða í tilraunahópinn, styrkja tilraunaverk-
efnið.
Fyr ir hver ja
Þátttakendur í tilraunaverkefninu eru starfsmenn þeirra
fyrirtækja sem komið hafa að undirbúningi námsins.
Fyrirtækin nota ýmsar leiðir til að velja þátttakendur en í
öllum tilfellum má gera ráð fyrir að horft sé til þeirra sem
hafa verið traustir starfsmenn og vinnuveitandinn vill efla
og styrkja. Til lengri tíma litið stendur námið til boða fyrir
starfandi verslunarfólk í samráði við vinnuveitendur þess.
Til að geta stundað verslunarfagnámið er nauðsynlegt að
vera starfandi í verslun allt námstímabilið og að hafa fyrir
nokkra reynslu af verslunarstörfum. Grundvallarviðhorf í
náminu eru þau að námið sé samstarfsverkefni starfs-
manns, vinnuveitanda og skóla sem unnið er bæði á
vinnustað og í skóla. Þetta samstarfsverkefni er staðfest
með skriflegum samningi milli starfsmanns og vinnuveit-
anda um sveigjanleika og aðstoð á vinnustað vegna
námsins og með skriflegum námssamningi milli starfs-
manns og skóla um markmið, leiðir og ástundun. Tenging
við starf og vinnustað viðkomandi starfsmanns er stýrandi
þáttur í náminu.
Námið verður metið til eininga sem jafngilt hluta af
framhaldsskólanámi. Möguleiki verður að meta fyrra
nám eða sérhæfða þekkingu á sviði verslunarstarfa inn í
verslunarfagnámið.
Að t i l raunaverkefni loknu
Fyrsti hópur verslunarfagnámsins, þátttakendur í tilrauna-
verkefninu, munu ljúka námi í maí 2006. Á þeim tímapunkti
verður komin reynsla á fyrirkomulagið, innihaldið og
aðferðirnar. Á námstímanum sjálfum verða allir hlutað-
eigendur vakandi fyrir framgangi tilraunaverkefnisins og
þegar þess þarf verður gripið inn í og breytt og bætt. Að
námstímanum loknum verður reynslan dregin saman og
námsskrá gefin út að nýju með þeim endurbótum sem
reynslan færir okkur. Er þá öllum fræðsluaðilum sem
vinna samkvæmt gæðakröfum FA heimilt að nýta sér
námsskrána og bjóða upp á verslunarfagnám.
Enn er mörgum spurningum ósvarað varðandi þetta nýja
námsframboð og framkvæmd þess í framtíðinni.
Tilraunaverkefnið gefur eflaust svör við mörgum þeirra
en önnur úrlausnarefni krefjast umræðu og ákvarðana-
töku. Margir spyrja sig þeirrar spurningar hvar starfs-
fræðsla fyrir fullorðna einstaklinga, sem eru þátttakendur
í atvinnulífinu, eigi best heima. Eru framhaldsskólarnir í
stakk búnir til að sinna þessu verkefni eða eru aðrir aðilar
jafnhæfir og jafnvel betri til þess? Hvernig verður námið
fjármagnað til frambúðar og hvernig á að sinna lands-
byggðinni svo vel fari? Þá brennur sú spurning vitanlega
á okkur hjá FA hvernig okkur hefur tekist til, mun námið
ná að uppfylla þarfir vinnuveitenda og starfsmanna og er
þessi metnaðarfulla og að sumu leyti nýstárlega leið
raunhæf og fjárhagslega möguleg?
Guðmunda Kristinsdóttir,
sérfræðingur hjá Fræðslumiðstöð atvinnulífsins.