Gátt - 2004, Qupperneq 38

vel undirbúinn grundvöll að mati og gæti jafnvel verið
forsenda til þess að stytta matið.
Vinnan við þróun á færnimöppu í Raunfærnimiðstöðinni
snertir bæði sjálft ferlið við að búa möppuna til og endan-
lega útgáfu hennar sem er sú vara sem einstaklingurinn
á að sýna á vinnumiðluninni, framtíðarvinnuveitanda
o.s.frv. Það hefur sýnt sig að ferlið við möppugerðina er
afar mikilvægt vegna þess að það gerir einstaklinginn
meðvitaðan um færni sína og eykur sjálfstraust hans.
Þegar um er að ræða nýaðflutta innflytjendur getur ferlið
teygst yfir mestan hluta kynningardagskrárinnar. Þannig
fá þeir lengri tíma til þess að vinna á virkan hátt við að
gera reynslu sína og þekkingu sýnilega. Þar fyrir utan
hefur komið í ljós að hægt er að nota færnimöppuna sem
kennsluaðferð til þess að herða á sænskulærdómnum og
gefa þátttakendum möguleika á að tjá sig á viðeigandi
hátt.
Starfsfærnimat
Í samstarfi við fulltrúa raunfærnimiðstöðvanna í Gauta-
borg og Botkyrka höfum við komist að því að það er þörf
á stuttu og aðgengilegu matsferli til þess að staðfesta
hvort einstaklingur hafi færni á ákveðnu starfssviði. Þetta
myndi auðvelda ráðgjöfum vinnumiðlananna og náms-
ráðgjöfum í fullorðinsfræðslu sveitarfélaganna að gera
viðeigandi ráðstafanir.
Innan verkefnisins „Mat í samstarfi“ hefur einn vinnu-
hópurinn lagt fram fyrirmynd að slíku starfsmati. Í vinnu-
hópnum voru fagkennarar og fulltrúar fagfélaga. Lagt er
til að matið fari fram í tveimur hlutum, annars vegar rann-
sóknarhluta þar sem menntunar- og starfsferill þátttak-
enda er skoðaður og hins vegar mati á færni með tilliti til
krafna sem gerðar eru um starfið í Svíþjóð.
Gert er ráð fyrir að slíkt starfsmat tæki 1-3 daga og væri
framkvæmt af fagkennara eða fagaðilum sem fengið hafa
viðurkenningu atvinnugreinarinnar.
Niðurstöður starfmatsins gæti þátttakandinn notað þegar
hann sækir um vinnu eða gerir áætlanir um nám eða
raunfærnimat með ráðgjafa vinnumiðlunar eða full-
orðinsfræðslumiðstöð.
Aðgerðir vegna uppsagna –
sérstakt verkefni
Raunfærnimiðstöðin fékk í upphafi árs 2004 sérstakt
verkefni frá Componenta Alvesta hf. sem er leiðandi í
framleiðslu eininga í málmsteypu í Norður-Evrópu.
Haustið 2003 var tekin ákvörðun um að flytja skyldi fram-
leiðsluna til Finnlands og um það bil 120 manns fengu
tilkynningu um uppsögn. Sveitarstjórnin í Kronoberg
hafði mikinn áhuga á markvissum aðgerðum fyrir fólkið.
Með styrk frá Vinnumálastofnun var Raunfærnimiðstöð
falið að láta allt starfsfólkið gera færnimöppu undir
leiðsögn Raunfærnimiðstöðvarinnar auk þess að útbúa
vottorð um starfsfærni í samstarfi við fyrirtækið.
Markmiðið með vottorðinu var að lýsa greinilega og af
nákvæmni hvað starfmaðurinn hafði unnið við hjá
Componenta og á þann hátt gefa nákvæmari lýsingu á
færni starfsmannsins heldur en venjulegt vottorð frá
vinnuveitanda.
Reynslan
Með færnimatinu hefur verið unnt að ná til markhópa
sem hefðu sennilega aldrei sótt um neina menntun á
vegum fullorðinsfræðslu sveitarfélaganna. Með því að
gefa einstaklingum möguleika á að sýna hvað í þeim býr
undir hagstæðum kringumstæðum eykst sjálfstraust
þeirra og þar með vilji þeirra til þess að þora að halda
áfram námi. Út frá sjónarmiði símenntunar sýnir reynslan
af starfsháttum matsins hve mikilvægt er að mæta ein-
staklingnum á því stigi og í því samhengi sem hann er.
Sérstaklega mikilvægt er að gera einstaklingum með
menntun og/eða starfsreynslu frá öðrum löndum kleift að
sýna fram á færni sína eins fljótt og hægt er þannig að
38
F R Æ Ð S L U M I Ð S T Ö Ð A T V I N N U L Í F S I N S