Gátt - 2004, Side 54

54
F R Æ Ð S L U M I Ð S T Ö Ð A T V I N N U L Í F S I N S
Ég var mjög kraftmikill krakki. Ofvirkur er það kallað. Það
lýsti sér þannig að ég átti erfitt með að sitja kyrr og ein-
beita mér. Sérstaklega fannst mér erfitt að læra stærð-
fræði, dönsku, landafræði, eðlisfræði, málfræði og allt
sem krafðist þess að ég sæti kyrr á sama stað í meira en
tvær mínútur í einu. Ég átti einnig mjög erfitt með sam-
skipti. En á móti var ég ákaflega góður í mörgu öðru. Ég
var mjög fróðleiksfús. Ég las allt sem fyrir augu mín kom.
Ef ég fékk áhuga á einhverju þá vissi ég fljótlega allt um
það. Út af ofvirkninni þurfti ég að fara í alls konar próf og
viðtöl við lækna. Þar kom fram að ég var vel greindur.
Þannig að ekki er ég heimskur. Ég var bara einhvern veg-
inn öðruvísi en gengur og gerist. Ég virtist eiga auðvelt
með að læra allt annað en það sem ég átti að læra í
skólanum. Ég gat tjáð mig vel með því að tala en ég gat
ekki skrifað. Ég hugsaði mikið en átti erfitt með að tjá það
sem ég var að hugsa. Gott dæmi um þetta er að ég bjó
lengi í Svíþjóð og vann vinnu sem fólst í því að ég þurfti
að tala mikið. Ég starfaði sem áfengis- og fíkniefnaráð-
gjafi. Allt samstarf fór fram á sænsku. Ég tala mjög góða
sænsku. Þegar ég kom heim frá Svíþjóð fór ég í stöðupróf
í sænsku í MH til að fá kunnáttu mína metna. Ég náði
engri einingu í því stöðuprófi því að aðeins var prófað í
málfræði og stafsetningu. Enn og aftur fannst mér ég
niðurlægður. Tungumál er miklu meira en málfræði og
stafsetning. Það er eins og að meta listamann eftir því
hvað hann er góður í tækniteikningu og litgreiningu. Ég vil
nota þetta tækifæri og lýsa frati á þau stöðupróf Mennta-
skólans í Hamrahlíð sem ég kynntist. Þau eru að mínum
dómi einfaldlega þröngsýn og léleg og standa ekki undir
nafni því að þau meta ekki raunverulega stöðu.
K R A F T M I K I L L K R A K K I
samkeppni á þeim markaði. Þrátt fyrir að bankinn sé
þarna að styrkja almenna menntun, sem nýtist víða á
vinnumarkaði, hefur það ekki orðið til þess að þessir
sömu starfsmenn hafi farið frá fyrirtækinu. Mjög mikla
starfsánægju, sem mælist í vinnustaðargreiningu
bankans, teljum við að megi rekja að einhverju marki til
ýmissa sjálfsstyrkingarnámskeiða og annarrar fræðslu
þótt að sjálfsögðu spili margir aðrir þættir þar inn í.
Við vorum svo lánsöm í Landsbankanum að Samband
íslenskra bankamanna leitaði til okkar nýverið með það í
huga að fá okkur til samstarfs vegna umsóknar í
Leonardo-menntaáætlun Evrópusambandsins um raun-
færnimat. Ef fjármögnun fæst í verkefnið verður það
samstarfsverkefni margra aðila, m.a. Fræðslumiðstöðvar
atvinnulífsins, menntamálaráðuneytis, Sambands íslenskra
bankamanna, Landsbanka Íslands, Íslandsbanka, starfs-
greinaráðs fjármála- og verslunargreina og fleiri aðila. Í
stuttu máli gengur raunfærnimat út á að finna út viður-
kennda mælistiku sem hægt er að leggja á námskeið og
starfsreynslu þeirra sem fara í gegnum slíkt mat. Með því
næst t.d. að meta öll námskeið til viðurkenndra eininga
sem gagnast við mat á námseiningum á framhaldsskóla-
stigi. Við í Landsbankanum hlökkum til þess að takast á
við þetta verkefni og höfum miklar væntingar til þess fyrir
hönd okkar starfsfólks. Að lokum: „Að læra er eins og að
róa á móti straumi. Um leið og þú hættir rekur þig til
baka“. Tækifærin eru fyrir hendi og nú er bara að skrá sig
á næsta námskeið.
Pétur Ó. Einarsson,
fræðslustjóri hjá Landsbanka Íslands.