Gátt - 2004, Qupperneq 77

77
F R Æ Ð S L U M I Ð S T Ö Ð A T V I N N U L Í F S I N S
greininguna var styrkt af starfsmenntasjóði verslunar- og
skrifstofufólks. Nánar má lesa um aðferðir og niðurstöður
í skýrslu FA um fyrsta áfanga verkefnisins (Guðmunda
Kristinsdóttir og Sigrún Jóhannesdóttir, 2004a).
Innihald námsins
Efnisleg þarfagreining leiddi í ljós hvaða færni og kunn-
áttu starfsmaður í verslun þarf að hafa og var efnisatrið-
um skipt í fjögur færnisvið; verslunarfærni, persónulega
færni, almenna færni og sérstaka færni. Hvert færnisvið
skiptist síðan í 5-6 færniþætti (Mynd 1).
Í samræmi við flokkun þarfa voru sett heildarmarkmið og
vegvísar um kennsluaðferðir og framkvæmd. Það var
meðvituð stefna að nota ekki hefðbundin heiti á náms-
greinum heldur skilgreina ákveðin námssvið með
leiðsagnarorðum til að festast ekki í gömlum viðhorfum til
verslunarnáms. Þarfirnar réðu orðun markmiða og voru
samþættar þar sem það átti við. Námsmarkmið og
útfærsla eru útlistuð í námsskrá verslunarfagnáms og
gátlistum vegna vinnustaðanámsins (Guðmunda
Kristinsdóttir og Sigrún Jóhannesdóttir, 2004b).
Skipulag námsins
Úrvinnsla úr skipulagslegri þarfagreiningu leiddi til þeirrar
niðurstöðu að námið er 676 klukkustundir samtals og fer
fram á vinnutíma starfsfólks, að jöfnu á vinnustað (338 klst.)
og í skóla (338 klst.). Náminu er skipt í 3 lotur, hver um sig
u.þ.b. 13 vikur. Starfsmaður stundar nám í skóla 8
klukkustundir á viku og notar 8 klukkustundir vikulega í
skipulagt vinnustaðanám undir leiðsögn starfsþjálfa auk
þess tíma sem hann sinnir sínum hefðbundnu störfum.
Vinnustaðanámið getur farið fram á hvaða tíma vikunnar
sem er.
Þegar kom að niðurröðun námsþátta og skipulagningu á
ferli námsins stóð verkefnið á nokkrum tímamótum. Taka
þurfti tillit til margra þátta og voru sumir þeirra ósamrým-
anlegir. Tvö sjónarmið vógu þyngst:
Verslunarfagmaðurinn!
Hér er fyrirmyndarverslunarfagmaður að námi loknu!
Hann hefur persónulega færni sem er vinstri hand-
leggur hans, hann hefur verslunarfærni sem er hægri
handleggurinn og hann stendur styrkum fótum á
hagnýtri almennri undirstöðufærni. Kórónan ofan á allt
er sú sérstaka færni sem hann hefur valið að sérhæfa
sig í.
Í hægri hendi getur hann svo veifað faglega loka-
verkefninu sem sýnir getu hans og fagmennsku.
Verslunarfagmaðurinn hefur einnig tileinkað sér
símenntunarviðhorf og sjálfstraust til að halda áfram
að bæta stöðugt við þekkingu sína og færni til gagns
og ánægju.
Hann er verðmætur starfsmaður með faglega þekkingu
og jákvæð viðhorf til starfsins og hefur metnað fyrir
sína hönd og þeirrar verslunar sem hann starfar fyrir.
Mynd 1