Læknaneminn - 01.10.1996, Blaðsíða 123

Skýrsla Stjórnar félags Læknanema 1995-1996
Flutningur dósenta milli deilda
það gerist ekki á hverjum degi að dósentar séu fluttir á milli
deilda og stöðurnar þeirra fylgi með. það gerðist þó um jólin
þegar Hörður og Baldur fluttust frá læknadeild til verk og
raun, lífefnafræðiskor, frekar en efnafræðiskor. Eftir mikið
volk í kerfinu reyndist þetta eina færa leiðin til að losa um
spennu milli þeirra og nýskipaðs prófessors, Boga Anderssen.
í leiðinni fluttist Sigmundur Guðbjarnarson á Læknagarð
ásamt sínu samstarfsfólki og eru flestir sammála um að
reynsla hans bæði í kennslu og rannsóknum sé gott innlegg í
deildina. FL býður alla nýja starfsmenn velkomna og vonast
til að eiga gott samstarf við þá í framtíðinni. Ennfremur
þökkum við þeim Baldri og Herði unnin störf í þágu lækna-
nema.
Einkunnir og prófajyrirkomulag á 1. ári
Töluverðar deilur spruttu sem oft áður um numerus
clausus og í þetta sinn vegna útreikings einkunna með ein-
um eða tveimur aukastöfum. þessar kvartanir í bland við end-
urteknar kvartanir frá fyrsta árs nemum vegna einstakra prófa
urðu til þess að ákveðið var að endurskoða allt prófafyrir-
komulagið í clausus og stendur sú vinna yfir.
Búið er að skipa nefnd á vegum deildarinnar sem á að sjá
um skipulagningu og framkvæmd prófanna, sem hefur verið
mikið gagnrýnd. Breytingar á prófafyrirkomulagi verða ekki
gerðar nema í samráði við kennslunefnd læknadeildar, en eins
og kunnugt er sitja 6 stúdentar í henni. þess má geta að loks-
ins er búið að samþykkja gamalt baráttumál læknanema - að
claususprófin verði eingöngu krossapróf.
Tölvuskortur
Tölvuaðstaða læknanema er til háborinnar skammar. Og
þó kannski geti eitthvað sem ekkert er ekki verið til skamm-
ar. Við erum hreinlega brandari á háskólasvæðinu hvað tölv-
ur varðar. Eftir ítrekaðar fyrirspurnir og kvabb, var ákveðið að
ef tölvuver í kjallara Læknagarðs yrði ekki tilbúið, yrði sem-
inarherbergi á 3. hæð notað undir tölvuver til bráðabirgða.
Nú strandar hins vegar á Reiknistofnun Háskólans og er það
verðugt verkefni viðtakandi stjórnar að koma tölvuveri á
koppinn á þessu skólaári.
Aðstaða í Lœknagarði
í framhaldi af umræðu um tölvuskort, er sennilega rétt að
minnast á aðstöðuskort í Læknagarði. Aðstaða nemenda til
lestrar og félagsstarfa er í nánast órykbundnum kjallara og
flestum er ljóst að við svo búið verður ekki unað. Á árinu
tókst með harðfylgi að kría út aukafjárveitingu frá Háskóla-
ráði, sem og styrk frá Rannsóknarráði fýrir hálfu dýru húsi,
afsakið, dýrahúsi. Loksins verður eitthvað gert í sumar.
Halló!!! það er kominn vetur! Af einhverjum ástæðum virðast
kvartanir og ábendingar stúdenta varðandi Læknagarð ekki
skila sér, hvort sem þær koma á öðrum hverjum deildarráðs-
fundi eða á skrifstofu deildarinnar. Róttækari aðgerða er þörf.
35 mín kennslustundir
Teknar voru upp 35 mín. kennslustundir að hætti raunvís-
indadeildar í haust á 2. og 3. ári, og miðað við þær unaðs-
stunur sem berast frá stúdentum á þessum árum, ætti að stef-
na að því að öll kennsla í deildinni færi fram á þessu formi.
Nýtt einingakerfi - 35 einingar
Einingakerfið okkar hefur verið mörgum þyrnir í augum.
Unnið var að því í vetur að taka upp nýtt einingakerfi, sem
grundvallaðist á 35 einingum fyrir námsárið - ein fýrir hver-
ja vinnuviku. þegar sátt hafði að mestu náðst innan deildar-
innar, þótt noklcrir væru efins um að auka vægi preklíníska
hlutans, skipti stjórnsýsla háskólans um skoðun og sagði að
allar deildir yrðu að grundvallast á 30 eininga námsári, óháð
lengd annar. Mikil óánægja varð vitanlega með þetta og vís-
uðum við stúdentar m.a. til kerfanna sem við lýði eru á Norð-
urlöndum, en allt kom fýrir ekki. þursinn stóð á sínu. Niður-
staða - óbreytt kerfi, a.m.k. í bili.
BS-málið
þetta gamla þrætuepli, hvort stúdentar eigi að fá gráðu,
sem samsvari BS-gráðu eftir 4. árs rannsóknarverkefnið, var
svo mikið í brennidepli í vetur að það fékk sér nafn _BS-mál-
ið“. Haldinn var fundur með nemendum og deildarstjórn þar
sem málið var rætt. Skemmst er frá því að segja að málið er
enn í farvegi stjórnsýslu háskólans og ku ekki vera útséð um
lausn enn.
Molar
Haustprófvom fest í sessi í reglum læknadeildar en höfðu
áður verið á undanþágu.
Gerð var athugasemd við að eklci var krafist upplýsinga um
kennslureynslu, -árangur og -stefnu í auglýsingum um stöður
við deildina, en nákvæmlega útlistað hvað viðkomandi vildi
og hafði rannsakað. Petta þótti okkur eldd góð stefna. Deild-
arforseti ætlaði að fá leyfi hjá yfirstjórn HI til að bæta þessu í
auglýsingar.
Kynntar voru á vettvangi deildarráðs niðurstöður funda
nemenda og kennara um einstök námskeið, s.s. höfuð og háls
og lífefnafræði. Mæltist þessi nýjung í kennslumálum vel fýr-
ir hjá öllum hlutaðeigandi.
Útgáfa
Varla þarf að taka fram að útgáfa á vegum félagsins var með
hefðbundnu móti. En sú skylda er hér með uppfýlh.
Laknaneminn
Tímarit félagsins - Læknaneminn - er án efa eitt metnaðar-
fýllsta tímarit háskólans og kollegar okkar á Norðurlöndum
furða sig á að jafn lítið félag hafi bolmagn til að gefa út svo
gott blað. þó hefur blaðið aðeins komið einu sinni út þegar
þetta er skrifað. Ritstjórar blaðsins réðust að þessu sinni í
mjög metnaðarfullar breytingar á útliti og vinnslu blaðsins,
með faglegum og málfræðilegum ritrýnum. Hafa þessar
breytingar tafið útgáfu seinna blaðs ritstjórnarinnar um of og
LÆKNANEMINN
113 2. tbl. 1996, 49. árg.