Læknaneminn - 01.10.1996, Síða 128

Skýrsla Stjórnar félags Læknanema 1995-1996
4 Bretar/Skotar, 4 Tékltar, 3 Þjóðverjar, 1 austurrísk, 6 ítalir,
1 Búlgari, 2 Spánverjar og 2 Svíar, 3 nemar voru hér í júni, 7
í júli og 13 í ágúst. Þau dreifðust á hinar ýmsu deildir og allt
gekk vel.
Líkt og undanfarin sumur vann nefndin náið með stúd-
entaskiptanefndum annarra deilda Háskólans að félagslífi og
ferðalögum með góðum árangri. f fyrsta skipti í sumar var
einnig samstarf um húsnæði sem lækkaði kostnað verulega
jafnframt því að auka gæði húsnæðisins. Nefndin reyndi að
virkja hinn almenna læknanema meira en verið hefur en því
miður gafst það ekki alveg eins og vonir stóðu til. Nefndin
var og er fáliðuð og óvenju margir nemar í sumar gerðu það
að verkum að nefndin var að drukkna í verkefnum og það
varð of mikið að þurfa að eltast við íslenska læknanema í of-
análag.
Sumarstarfið var ítarlega kynnt í vor með því að fara í
fyrstu þrjá árgangnana, sumarprógrammið var hengt upp í
Læknagarð, og fundarstaður þriðjudagsfunda, Astró kynntur.
Þá birtist í síðasta Stúdentablaðinu, ítarleg kynning á sumar-
starfinu og því fólki sem þar var í lykilhlutverki. Við gerðum
nokkrar tilraunir til að hringja í fóllc en fengum litla svörun.
Við viljum leggja á það áherslu enn og aftur að sumarstaf
stúdentaskiptanefndanna er opið öllum sem hafa áhuga á því
að kynnast fólki og skemmta sér. Hóparnir sem hé myndast
á sumrin eru skemmtilegir og allir opnir fyrir því að stofna ti
lnýrra tengsla og vináttu. Þá má nefna að fyrir þá sem áhuga
hafa á útilegu þá er þetta einn ódýrasti möguleikinn sem í
boði er. Við þiggjum með þökkum alla þá aðstoð sem við
getum fengið og viljum sjá sem flest ykkar með næsta suma.
Aðalfundur í Prag
Aðalfundur IFMSA var haldinn í Prag í Tékklandi í byrj-
un ágúst. Þar komu saman yfir 400 læknanemar frá öllum
heimshornum. Orri Ingþórsson og Gunnhildur Guðnadótt-
ir fóru utan sem okkar fulltrúar og lögðu sig fram um að
kynna sér sem flesta þætti alþjóðasamstarfsins til að geta
miðlað hér heima. Of langt mál er að rekja allt hér, en þegar
unnið hefur verið úr upplýsingunum verða þær kynntar. Ef
spurningar vakna um starf nefndarinnar eða möguleika á æv-
intýrum, þá endilega leitið til okkar. Ferðin var óvenju ódýr
þetta skiptið vegna aukinnar samkeppni á flugmarkaðnum,
en Flugleiðir höfnuðu styrkumsókn Stúdentaskiptanefndar,
sem þá leitaði annarra leiða
Framhaldið
IFMSA er í vaxtarfasa og aðildarlöndum íjölgar ár frá ári.
Þá eru samtö.kin alltaf að fjölga vinnuhópum og möguleikar
á skemmtilegri og agnlegri reynslu sem nýtist í námi, verða sí-
fellt fleir og fjölbreyttari. Innan Evrópu hafa Erasmus og Le-
onardo áætlanirnar skipt sköðum og allir eru á flakki og þetta
hefur líka örvandi áhrif á alla hina. Það er brýnt að Lækna-
deild Háskóla Islands skapi sér stefna í þessum málum,
ákvarði betur hvaða skilyrði deildin setur fyrir nema sem
hingað koma og sömuleiðis þá íslenska nema sem vilja taka
hluta síns náms í öðrum löndum. Þetta er umræða sem þeg-
ar er hafin og læknanemar verða að taka virkan þátt í.
Nefndin mun áfram leitast við að kynna íslenskum lækna-
nemum það sem fram fer innan IFMSA og þá möguleika sem
í boði eru.
Ég kveð nú sem formaður IMSIC en mun áfram taka virk-
an þátt og vonast til að sjá sem flest ykkar slást í leikinn
Björg Þorsteinsdóttir
Skýrsla Læknanemans
Sú ritstjórn sem nú skilar af sér, sá um útgáfu tveggja tölu-
blaða. Stefna okkar frá upphafi var að gera gott blað betra.
Við lögðum mikla áherslu á að hver læknisfræðigrein væri les-
in yfir af óháðum aðila völdum af ritstjórn. Má segja að, að
jafnaði hafa tveir sérfræðingar um viðfangsefnið og óháðir
höfundi lesið hverja grein yfir og komið með ábendingar.
Einnig bættum við inn í blaðið s.k. örgreinum, en það eru
stuttar greinar um nýjungar í læknisfræði sem lesendur eiga
að geta rennt yfir áður en farið er að sofa. Benda má á að þess-
ar greinar eru kjörinn vettvangur fyrir læknanema til að stíga
fyrstu skrefin í greinaskrifum.
Fyrir seinna blaðið fórum við út í gagngerar útlitsbreyting-
ar og færðum það í nútímalegra horf. Er það álit þeirra sem
séð hafa, að breytingarnar séu vel heppnaðar. Islenskufræð-
ingur prófarkalas einnig seinna blaðið. Ein grein í seinna
tölublaðinu var styrkt af Tóbaksvarnarnefnd og mun sú grein
koma út í sérprenti og verða dreift til lækna, hjúkrunarfræð-
inga og kennara.
Stórkostlegasta breytingin er kannski sú að við hættum
með úrklippumyndir af nemendum, sem hafa átt sinn fasta
stað aftast í blaðinu. Yfirleitt hafa myndirnar verið af nem-
endum í mismunandi „toxísku" ástandi. I úttekt Stúdenta-
blaðsins á Læknanemanum fær hann góða dóma en fyrr
nefndar blaðsíður taldar vera dragbítur.
Fjárhagur blaðsins er traustur og áskrifendum hefur fjölg-
að eftir áskriftarátak. Fjárhagsuppgjör verður birt þegar allir
reikningar hafa borist.
Ingvar H. Ólafsson og Gunnar B. Ragnarsson
Skýrsla fþróttaráðs 1995-96
Ákefðin var svo mikil hjá nefndarmönnum íþróttaráðs að
það hreinlega gleymdist að halda fund í byrjun starfsárs, en
það kom svo sem ekki að sök því menn störfuðu sjálfstætt.
Góð þátttaka var í innandyrakappleik í tuðrusparki sem
lauk með því að þrír árgangur deildu með sér efsta sætinu (1.,
4. og 5. árin). Ef farið var eftir hinni úreltu reglu um marka-
tölu mátti sjá að 4.og 5. árin sátu saman efst með sama
markamun en gárungar töldu að 4. árið hefði sigrað vegna
þess að það fékk fengu fleiri mörk á sig. Taka verður þó fram
að lið 5. árs gjörsigraði 4. árið í innbyrðis leik liðanna.
Vegna breytingar á tímasetningu aðalfundar lendir utan-
LÆKNANEMINN
'|,J8 2. tbl. 1996, 49. árg.