Goðasteinn - 01.03.1969, Qupperneq 5

Æviminningar
Klemenzar Kr.
Kristjánssonar
I. kafli
Æska og uppvöxtur
Eftir beiðni vinar míns Jóns R. Hjálmarssonar, skólastjóra, rita
ég þessar minningar um æviferil minn, og verður hér stiklað á þvi
helzta, er skipt hefur mestu máli í lífi mínu og starfi. Er þá fyrst
frá því að greina, hvaðan ég er kominn, og hvar ég leit fyrst Ijós
tilveru minnar. Annars var ég mjög undrandi yfir því, þegar ég
man fyrst eftir mér, að ég skyldi vera kominn inn í þessa einkenni-
lcgu veröld, og er ekki laust við að slíkar tilfinningar bendi til
I einhverrar fortilveru.
Foreldrar mínir voru hjónin Júdid Þorsteinsdóttir frá Efri-Mið-
vík og Bárður Kristján Guðmundsson frá Sléttu í Sléttuhreppi í
, Norður-ísafjarðarsýslu. Bæði voru þau komin af bændaættum þar
í sveit. Ekki var algengt þá, að ungt fólk færi til skólagöngu í
önnur héruð. en þó var það svo, að móðir mín gekk á Kvenna-
skólann í Ytri-Ey í Húnavatnssýslu, og faðir minn varð útskrifaður
búfræðingur frá Ólafsdal. Árið 1892 eða '93 byrjuðu þau búskap í
Þverdal í Sléttuhreppi og þar var ég fæddur á krossmessunni, 14.
, maí 1895. Líklega 1896 eða '97 fluttust foreldrar mínir frá Þverdal
Godasteinn 3
t