Goðasteinn - 01.03.1969, Side 72

Richard. Beck.:
Úr vísnabókinni
(Þrjár fyrstu vísurnar bera þess merki, að þær eru ortar í Victoria,
British Columbia, við sævarsýn og fjalla, en hcimili höf. og konu
hans þar í borg er aðeins spölkorn frá sjávarströndinni).
Brimniður
Hafsins óður er mér ljóð úr ættarhögum,
ólgar glóð frá æskudögum
ölduflóðs í hjartaslögum.
Síðsumarkvölcl
Dökkva slær á djúpin blá,
degi sumars hallar;
sortnar himinn, svefn á brá
sígur blómum vallar.
Vorbjartur haustdagur
Tinda röðuls roðatraf
reifar slæðum sínum,
geislum stafað haustblátt haf
hlær við sjónum mínum.
Góður gestur
(Hausthefti Goðasteins fyrir 1968 barst höf. í hendur í flugpósti
rétt fyrir jólin).
Kominn jóla góður gesur,
Goðasteinn af söguslóðum.
Léttum flaug hann vængjum vestur,
vermist hugur fræðaglóðum.
70
Goðasteinn