Goðasteinn - 01.03.1969, Page 80

7X7 cm. Að öðru þarfnast hann ekki lýsingar, því mynd sú, er
hér fylgir, kemur í stað hennar. Engum getum skal að því leitt,
hvort hér er um útlenda eða innlenda smíði að ræða, en vel réðu
íslenzkir smiðir við erfiðari verkefni. Líklegt er að til hafi verið
margir krossar, er steyptir voru í sama móti og þessi.
Skammt er síðan krossinn kom að nýju í dagsins ljós. Frú Guðný
Helgadóttir í Ytri-Ásum tjáði mér, að börn hennar hefðu fundið
hann fyrir nokkrum árum í veggjarholu í húsi. Enginn veit, hver
hefur sett hann þar, en vafalaust hcfur hann áður legið lengi í
jörðu. Jafnan mun hann teljast merkur fulltrúi fornrar menningar
og trúar. Fyllri greining hans bíður betri tíma.
Teikning: ]ón Kristinsson, skólastjóri.
78
Goðasteinn