Goðasteinn - 01.03.1970, Page 65

1. Guðrún, gift Sveini Björnssyni, bónda á Víkingarvatni, Keldu-
hverfi.
2. drengur, dó á fyrsta sólarhring, óskírður.
3. Kjartan, verkamaður í Reykjavík.
4. Lárus, bankafulltrúi í Reykjavík (varð bráðkvaddur 1953):
5. Kristín, hjúkrunarkona í Reykjavík.
6. Guðbjörg, gift Palle Vesterby, kaupmanni í Kaupmannahöfn..
7. Ólafur, prentari í Reykjavík, hljómlistarmaður.
8. Guðbrandur, kaupmaður í Reykjavík.
9. Ragnar, sjómaður í Reykjavík (drukknaði erlendis 1945).
Eftir að sr. Jakob var leystur frá embætti og Holtsprestakall
veitt, fluttist hcimilið frá Holti til Reykjavíkur. Reyndi þá enn á
frú Sigríði að stofna heimili í nýju umhverfi, en börn hennar
studdu hana eftir föngum.
Enn mætti hún þeim mannraunum að sjá á bak sonum sínum
tveim. Var Lárus, er hann lézt, að vinna að því að koma upp
íbúð handa þeim mæðginum. En þrek hennar var ótrúlegt þá sem
fyrr. Síðustu árin dvaldi hún á Elliheimilinu Grund í Reykjavik
og lézt þar 31. júlí 1960.
Sr. Jakob var dæmdur úr leik um aldur fram, starfstími hans
náði aðeins til 43 ára aldurs. Ekki munu liggja ritstörf eftir hann
nema blaðagreinar nokkrar bæði í Breiðablikum, Vestur-ísl. trú'
málariti, og í Skinfaxa. En hann hafði unnið það afrek, sem lengi
mætti halda nafni hans á lofti, að „flytja nútímahraðann inn í
líf landa sinna.“
Hvers konar minnismerki reisa íslendingar þeim manni? Ung-
menna- og samvinnufélög mættu vera minnug verka hans. Er ekki
kominn tími til að tengja nafn hans einhverju lífrænu verkefni,
sem láti það ekki falla í gleymsku.
Goðasteinn
63;