Goðasteinn - 01.03.1970, Blaðsíða 80

allgóðan rekspöl, því að ýmis greni-, furu- og lerkiafbrigði hafa
gefizt hér vel og eru líklcg til að geta haldið velli.
Slíkir skógar cru höfuðnauðsyn til að efla annan gróður, því
að fátt skortir okkur meira en skjólið, sem skógarnir veita. Þarf
að vinna miklu markvissar að því að klæða landið trjágróðri cn
hingað til hefur verið gert. Væri skynsamlegt í því efni að taka
fyrir allstór stykki á hentugum stöðum til trjáræktar fremur cn
að dreifa skógræktinni mjög.
Það einkennilega sjónarmið hefur komið fram, að skógrækt á
íslandi sé óréttlætanleg og beri að telja náttúruspjöll. Þetta er
þeim mun furðulegra, þar sem vitað er að hér uxu skógar á lág-
lendi og langt upp til fjalla á fyrri öldum. Þá, sem hafa þessi
annarlegu sjónarmið, má hughreysta með því, að hversu vel, sem
unnið verður að landgræðslu og skógrækt, munu alltaf verða eft-
ir miklar víðáttur gróðurvana auðna. Okkur er þess vegna óhætt
að hcfjast handa og vinna vel að því að klæða landið okkar
hlýrri búningi og auðga þannig gróðurríki þess.
Útlendingar, sem koma hingað til að leita hreinnar og óspilltr-
ar náttúru, kunna vel að meta þessa viðleitni okkar. Það skildi
ég bezt, eftir að hafa fylgt erlendum ferðamannahópi um Mý-
vatns- og Möðrudalsöræfi og því næst niður á Fljótsdalshérað og
inn í skjólsæl og gróðurþrungin rjóður í Hallormsstaðarskógi. í
allri ferðinni ríkti meðal farþeganna mikil hrifning yfir því sem
fyrir augu bar, en hvergi var gleðin svo sönn og innileg sem í
skóginum gróskumikla.
78
Goðasteinn