Úrval - 01.04.1977, Page 69

NÖBELSVERÐLA UNAHAFINN GAJDUSEK
67
Nobelsverðlaun í lœknisfrceði voru fyrst veitt
árið 1901. Litið er á þessi verðlaun sem
einhvern mesta heiður sem vísindamanni
getur hlotnast og því er alltaf horft með
sérstakri athygli til verðlaunahafanna hvert ár.
Nobelsverðlaunin í læknisfrceði árið 1976 voru
veitt tveim mönnum fyrir vinnu þeirra á sviði
veirufræði, þeim dr. Baruch Blumberg og dr.
Carleton Gajdusek, og för afhending verð-
launanna fram í desember. Báðir þessir menn
hafa komið til Islands og synt rannsóknum hér
á landi mikinn áhuga. Páll Á. Pálsson yfir-
dýralæknir skrifaði eftirfarandi grein um dr.
Carleton Gajudesek í Préttabréf um heil-
brigðismál.
RIÐUSJÚKDÓMURINN Á
NÝJU-GUINEU.
í afskekktum dölum og fjallahlíð-
um austantil á Nýju-Guineu hefur
frá því sögur hófust búið ættflokkur
sem nefndur er Fore-ættflokkurinn
vegna máls þess sem fólkið talar.
Þetta fólk hefur fram á síðustu
áratugi lifað mjög frumstæðu lífi,
steinaldarmenning verið þar ríkjandi.
Vegna staðhátta hefur ættflokkur
þessi lifað öldum saman án verulegr-
ar blóðblöndunar við aðra ættflokka
landsins.
Ekki hafði Fore-fólkið nein sam-
skipti við hvíta menn fyrr en um
síðustu aldamót og þá helst fulltnía
stjórnarinnar í Ástralíu og ástralska
trúboða. Nokkru eftir að samskipti
Fore-flokksins við hvíta menn hófust
fór að bera á alvarlegum og mjög
sérkennilegum taugasjúkdómi innan
hans. Læknar sem til voru kvaddir
könnuðust ekki við að hafa séð