Úrval - 01.04.1977, Page 82

80
fréttum af veitingu Nobelsverðlaun-
anna í október.
DVÖL BLUMBERGS Á ÍSLANDI
1974.
24. júlí 1974 fékk ég upphring-
ingu frá Blackpool í Englandi en þar
var að ljúka alþjóðlegu þingi
ónæmisfræðinga. Guðmundur Pét-
ursson, forstöðumaður Tilrauna-
stöðvar Háskólans á Keldum, var í
símanum og gaf mér þegar samband
við amerískan lækni sem hafði hug á
að koma við á íslandi strax daginn
eftir og eiga hér viðdvöl á leið heim
til Bandaríkjanna. Þetta var dr.
Blumberg, stundum nefndur í
ÚRVAL
góðum hópi á ráðstefnugildum: Dr.
Ástralíu-antigen.
Hann kom kl. rúmlega þrjú
daginn eftir til Keflavíkurflugvallar.
Við tókum tveir á móti honum, ég og
Sigurður Guðmundsson líffræðing-
ur, starfsmaður Blóðbankans. Veður
var hagstætt og ákváðum við þegar að
leggja lykkju á leið okkar til
Reykjavíkur með hinn góða gest. Frá
flugvellinum var farið til Keflavíkur
og bærinn skoðaður stutta stund og
þar með gefið gott sýnishorn af
verklegum íslenskum sjávarbæ.
Keypt var nesti og síðan ekið suður
Reykjanes og að Reykjanesvita. Dr.
Blumberg hreifst mjög af því
nýstárlega landslagi sem hann hafði
svo skyndiiega verið leiddur inn í og
undrun og hrifning hans varð enn
meiri þegar við fórum með hann um
nálæg jarðhitasvæði og hann fékk
nokkra hugmynd um orku þá sem
býr í iðrum jarðar á íslandi. Haldið
var til Grindavíkur og voru bær,
bátar og höfnin þar annað skýrt
dæmi fyrir gestinn um lífsgrundvöll
landsmanna sem ekki var hægt að sjá
í þeirri gróðursnauðu auðn sem ekið
hafði verið um. Á leið til Reykjavíkur
var ekið að Kleifarvatni og átti það
auðvelt með að heilla hinn góða gest
og okkur heimamenn með fegurð
sinni og umhverfi. Gufuholur og
pípursýndu prýðilega virkni. Það var
fagur svipur yfir Reykjavík og
nágrannabæjum þegar ekið var til
Hótels Loftleiða að lokinni vel-
heppnaðri kynningarferð.