Læknaneminn - 01.04.2016, Page 109

Fr
óð
le
ik
ur
Sk
em
m
tie
fn
i o
g
pi
stl
ar
109
Á árshátíð Félags læknanema hefur
tækifærið gjarnan verið gripið og þeir
kennarar heiðraðir sem þykja hafa skarað
fram úr. Þetta er gert með árlegum
kennslu- og deildarlæknaverðlaunum
auk þess sem sérstökum velunnurum
læknanema eru veitt heiðursverðlaun,
gjarnan eftir áratuga starf í þágu
læknanema og læknanáms á Íslandi.
Í ár þótti einnig ástæða til að verðlauna
einn læknanema en þetta er í fyrsta
skipti sem það er gert. Verðlaunin voru
veitt á árshátíð Félags læknanema þann
13. mars síðast liðinn.
Sigrún Helga Lund hlaut kennslu-
verðlaun Félags læknanema árið 2016.
Sigrún tók við kúrsinum í tölfræði
við læknadeild árið 2014. Hún hefur
umturnað kennslu í tölfræði við deildina
með því leggja áherslu á praktíska
tölfræði, forritun í R og með því að deila
sinni óþrjótandi orku og áhuga. Eftir
tölfræðikúrsinn hefur Sigrún svo haldið
úti nokkurs konar tölfræðiráðgjöf fyrir
læknanema í BS verkefnum. Þetta er
ekki bara ómetanlegt fyrir verkefnin
heldur hefur þetta virkað sem nokkurs
konar framlenging á tölfræðikúrsinum
og vakið enn meiri áhuga hjá
læknanemum. Það er því ljóst að Sigrún
er vel að þessum verðlaunum komin.
Guðmundur Þorgeirsson fær heiðurs-
verð laun Félags læknanema árið 2016.
Guð mundur hefur í áraraðir sinnt
kennslu læknanema af miklum krafti,
þekk ingu og áhuga, einkum sem pró-
fess or í lyflæknisfræði. Sem kennari,
rann sakandi, forseti lækna deildar og
klíník er hefur hann verið fyrirmynd
lækna nema og lækna. Djúpur skiln-
ingur og víðtæk þekking hefur gert
hann að einum eftir minnilegasta
kennara deildarinnar. Sá sem hefur
hefur fengið kennslu Guðmundar um
brjóstverki mun til dæmis seint gleyma
þeirri kennslu. Núna þegar Guðmundur
er að ljúka sínum tíma sem prófessor
vill Félag læknanema heiðra hann fyrir
hans mikla starf í þágu læknanema og
læknanáms á Íslandi.
Í ár var ákveðið að veita sérstök
læknanemaverðlaun Félags læknanema.
Heimasíða félagsins hefur verið í ólagi
undanfarin misseri og illa hefur gengið
að fá upprunalega heimasíðusmiði til að
gera síðuna nothæfa. Einn læknanemi,
Árni Johnsen, ákvað að taka málið í
sínar hendur. Það er mikið lán fyrir
læknanema að eiga svona eðalmann
innan sinna raða og því vill Félag
læknanema gefur honum sérstök
læknanemaverðlaun.
Sindri Aron Viktorsson fær deildar-
læknaverðlaun Félags læknanema árið
2016. Umtalað er hversu kennsluglaður
hann er og nýtir hann hverja lausa
stund til kennslu. Hann er laus við
hroka, þolinmóður og beitir hvetjandi
gagnrýni í kennslu sinni. Þá sýnir
hann mikið frumkvæði og hefur kallað
sérstaklega í læknanema þegar eitthvað
áhugavert er um að vera. Einnig hefur
hann haldið sérstaka kennslu fyrir
nemendur, til dæmis í hnýtingum og
saumaskap. Þess vegna er hann vel að
þessum titli kominn.
Kennslu­
verðlaunin
2016Sigrún Helga Lund ásamt gjaldkera og formanni
Félags læknanema.
Guðmundur Þorgeirsson ásamt gjaldkera og formanni
Félags læknanema.
Árni Johnsen ásamt gjaldkera og formanni
Félags læknanema.
Sindri Aron Viktorsson ásamt gjaldkera og formanni
Félags læknanema.