Goðasteinn - 01.09.2013, Síða 109

107
Goðasteinn 2013
Kveðja til vinar
Vina snauð og frændum fjærri
felli eg tár á kalda storð
í hug þó geymist minning mærri
má ei þar um tala orð
ásýnd hreina blysið bjarta
byrgja fjöllin háu því
þó skal ímynd skær sú skarta
til skapadægurs hjarta í.
Eg óska af hjartans innsta rómi
alt hið besta veitist þér
ítur fagri fjalla blómi
þig farsæld háa tengi sér
unaðsljóðin uppheims sala
ómi svanatungan fín
blómin fögru og dísir dala
þér dilli rótt við brjóstin sín.
Hólar dalir fossar fríðir
fögur á og lindin tær
hvammur runnur reynir víðir
og reifuð fjólum brekkan skær
unaðs geislum ávalt strái
árdagssól á lífsbraut þín
alt þér brosi og blíðu tjái
og bjóði þér yndishótin sín.
ilmur vorsins angan blíður
andi sælu í hjarta þitt
aftanblærinn frelsis fríður
þér fangið hreina bjóði sitt
fjallið háa hug þinn hressi
himins til sem gnæfir hér
hvert náttúru blað þig blessi
og blómsveig hnýti að höfði þér.
um þó framar öllu beiði
eins og getur hjartað mitt
heilög drottins hönd þig leiði
hvert einasta sporið þitt
Jesú Kristi kraftur fríður
kærleiks faðm þér breiði mót
og huggarinn andinn helgi blíður
hjartans vermi dýpstu rót.
Þráin
Væri eg fugl eg fljúga skyldi
um fjalla heiðblá salatjöld
endurvekja ást eg vildi
:,: um yndis fagurt vetrar kvöld :,:
mig vefja fast að vænum hlyni
er veitir yndi fjör og þrótt
ef þann mætti eiga að vini
er um eg hugsa dag og nótt.
Væri eg fjóla í fögrum lundi
fagran skrýdd í sumarkjól
vakin rótt af værum blundi
:,: við árdagsins bjarta sól :,:
ítur sveinn og gengi um grundu
gripi blóm í lófa sinn
helst eg vildi um hádags stundu
hraustan skreyta barminn þinn.
Ef af blómi ilman fyndir
anga blítt við vitin þín
aldrei gleyma mér þú myndir
:,: mjúk þó fölni ásýnd mín :,:
ef hjá þér mætti eg halur þreyja
hlýtt þá vermdist hjartað mitt
og síðast fengi sofna og deyja
sætt við fagra brjóstið þitt.
Helga Pálsdóttir