Goðasteinn - 01.09.2013, Síða 148

146
Goðasteinn 2013
Karlakór Rangæinga undir stjórn Guðjóns Halldórs Óskarssonar, kvennakór-
inn ljósbrá undir stjórn Maríönnu Másdóttur, Samkór Rangæinga undir stjórn
Kristínar Sigfúsdóttur, Hringur kór eldriborgara undir stjórn Haraldar Júlíus-
sonar, barnakór Hvolsskóla undir stjórn ingibjargar Erlingsdóttur og kirkjukór-
ar í sóknum sveitarfélagins.
Gunnhildur Kristjánsdóttir og Christina M. Bengtson fóru af stað með þá
hugmynd að sauma Njálssögu í refil og lagði Rangárþing eystra hlutafélagið
Fjallasaum ehf. inn í verkefnið til styrktar. Þær Fjallasaumskonur fengu Krist-
ínu Rögnu Gunnarsdóttur, listakonu og bókmenntafræðing, til að teikna og
hanna myndirnar fyrir refilinn og hafa verið duglegar við að kynna verkefnið
m.a. á fundum kvenfélaga í sveitarfélaginu. Ákveðið var að aðsetur Njálurefils-
ins yrði í Sögusetrinu.
atvinnu- og ferðamál
Rangárþing eystra er vinsæll viðkomustaður íslenskra og erlendra ferða-
manna og eru áhugaverðir viðkomustaðir eins fjölbreyttir og þeir eru margir.
um 72% allra erlendra ferðamanna sem koma til Íslands leggja leið sína í gegn-
um sveitarfélagið. Siglt var í landeyjahöfn í mun lengri tíma en fyrri ár og
því hefur mikill straum-
ur fólks legið um Rang-
árþing eystra á leið til
Vestmannaeyja ásamt
þeim sem koma gagngert
til að heimsækja sveitar-
félagið. Það er metnaður
hjá Rangárþingi eystra að
bjóða upp á góða þjónustu
og afþreyingamöguleika
fyrir fólk á öllum aldri og
er víst að ferðaþjónustan
er ört vaxandi atvinnugrein í sveitarfélaginu. landeyjahöfn hefur líka opnað
möguleika fyrir íbúa í Rangárþingi eystra að sækja verslun og þjónustu til Vest-
mannaeyja. Ný gistiheimili og gististaðir voru tekin í notkun á árinu og byrjað
var að undirbúa fleiri. Það er því stöðug uppbygging innan ferðaþjónustunnar.
Áfram hefur verið unnið að bættu aðgengi ferðamanna að helstu áfanga-
stöðum í sveitarfélaginu, sú vinna er mjög kostnaðarsöm en styrkir hafa fengist
Útsýnispallurinn við Skógafoss