Goðasteinn - 01.09.2013, Page 158

156
Goðasteinn 2013
Þjónustumiðstöð
Starfsemi Þjónustumiðstöðvar Rangárþings ytra hefur verið með hefðbundnu
sniði á yfirstandandi ári og snertir að meira eða minna leyti flesta málaflokka
sveitarfélagsins. Hæst ber þó umsjón og þáttaka í nýframkvæmdum og viðhaldi
á fasteignum, götum, holræsum og vatnsveitum í eigu sveitarfélagsins en sumt
af eignunum er að hluta í sameign með Ásahreppi. Helstu nýframkvæmdir árs-
ins eru endurnýjun á búnings- og baðaðstöðu Íþróttamiðstöðvarinnar á Hellu
sem og breytingar á aðkomusvæðinu. Breytingar og lagfæringar á elsta hluta
grunnskólans Hellu og bygging nýs anddyris sem fyrirhugað er á haustdögum
ásamt ýmsum minni verkefnum fyrir aðrar stofnanir og íbúðir í eigu sveit-
arfélaganna.
yfir sumarmánuðina var að venju starfræktur vinnuskóli fyrir unglinga 14-
15 ára og við hann störfuðu 32 unglingar undir stjórn sex vaskra flokkstjóra.
Einnig unnu fimm ungir menn undir tvítugu við stjórnun sláttuvéla og aðra
vélavinnu er tengist sumarverkefnum Þjónustumiðstöðvar.
afréttarmál
Þau merku tímamót urðu þegar bæði fjallkóngur landmannaafréttar og fjall-
kóngur Rangárvallaafréttar fóru sína fimmtugustu ferð á fjall. Fjallferðir eru
mjög vinsælar og hefur aukin þátttaka útlendinga í ferðunum gefið góða raun.
Það hefur tíðkast um árabil á landmannaafrétti að taka erlenda ferðamenn með
í ferðina en það fyrirkomulag var einnig tekið upp á Rangárvallaafrétti haustið
2013 og reyndist vel. Alls komu 19 ferðamenn á báða afréttina í ár, þar af fimm
sem voru að koma í annað sinn.
Á haustdögum kom út mynddiskurinn Laufaleitir, upprekstur og smölun
sauðfjár á Rangárvallaafrétti, sem Guðmundur Árnason frá Hellu gaf út. Í
myndinni er fyrirkomulagi við leitir gerð góð skil en kvikmyndað var haustið
2012. Farið er yfir sögu smölunar og rakið hvernig skipulagi er háttað við leit-
irnar.
Rangárþing ytra hefur gert skriflega samninga við KFR og ungmennafélög-
in, Garp og Heklu um starf með börnum og ungmennum. Með samningunum
er tryggt að boðið sé upp á fjölbreytt íþóttastarf þar sem flestir geti fundið
eithvað við sitt hæfi.