Goðasteinn - 01.09.2013, Page 167

165
Goðasteinn 2013
Eiður Magnússon
Eiður Magnússon fæddist í Árnagerði, Fljóts-
hlíðarhreppi, 1. maí 1929. Hann var sonur hjónanna
Magnúsar Steinssonar, bónda í Árnagerði, og Jónínu
Sigríðar Jensdóttur, húsfreyju. Eiður var fjórða barn
þeirra hjóna. Eldri systkin hans voru Sigrún, Hulda
Sólveig og Steinar, en yngri voru systurnar Guðrún
og Jenný. Alls voru því systkinin sex og er Guðrún
ein eftir lifandi. Eiður ólst upp í Árnagerði. Heimilið
var fátækt og margir munnar að fæða og þurftu börnin
því fljótlega að ganga til starfa á heimilinu til að létta
undir með foreldrum sínum. En samt gafst tími til leika og samgangur var mik-
ill milli bæja í þá tíð. Systkinin í Árnagerði og systkinin á Breiðabólstað voru
jafnaldra og lágu mörg spor barnanna milli bæjanna og þótt efnin væru ekki
mikil í Árnagerði var börnum ávallt vel tekið þar og einhverju gaukað að þeim.
Magnús var góður smiður og útbjó leikföng sem bæði hans börn og börn af
öðrum bæjum fengu að njóta. til þess var tekið að hann smíðaði skauta úr járni
og þegar börnin hófu skólagöngu útbjó hann þeim skólatöskur úr krossviði.
Þegar Eiður var á 14. ári missti hann föður sinn. Það var mikið högg en móður
hans tókst með hjálp eldri barnanna að halda heimilinu og eins naut hún hjálpar
nágranna og skyldmenna, m.a. Guðna bróður síns í teigi. Eiður þurfti að leita
sér atvinnu þegar að lokinni fermingu. Hann var vetrarmaður á torfastöðum og
var eina vetrarvertíð í Vestmannaeyjum og vann við beitningar. Snemma tók
hann meira próf bifreiðastjóra og vann við akstur m.a. hjá Steindóri þar sem
hann ók farþegum suður á Keflavíkurflugvöll en lengst starfaði hann sem bíl-
stjóri við fólks- og vöruflutninga hjá Kaupfélagi Rangæinga. Það gat verið erfið
vinna. Bíllinn var gjarnan svokallaður hálfkassabíll sem flutti farþega en var
með stórt farangursrými fyrir alls kyns vörur bæði fyrir Kaupfélagið og bænd-
ur. Bílstjórinn þurfti sjálfur að hlaða á bílinn og til þess þurfti krafta sem Eiður
bjó ríkulega yfir. Eins þurfti að beita mikilli útsjónarsemi við að hlaða bílinn
þannig að flutningurinn sæti rétt bæði miðað við þyngd og eins miðað við hvar
ætti að afferma því að aka þurfti vörum heim til viðskiptavinanna. Erfitt gat
það verið ef vara sem átti að fara á fyrsta bæinn hafði lent neðst svo að afferma
þyrfti bílinn þegar á þann bæ kom. Vegakerfið var á þessum árum ekki gott og
vetrarferðir gátu verið mestu svaðilfarir. Sumarið 1958 réðst til sumarvinnu
við símavörslu á afgreiðslu áætlunarbíla í Reykjavík ung stúlka ættuð austan af
fjörðum. Þetta var Hjördís Halldórsdóttir frá Sævarenda í Fáskrúðsfirði og tóku
þau fljótt hvort eftir öðru Eiður og hún og felldu hugi saman. Þau hófu búskap
í litla-Kollabæ vorið 1959 og gengu í hjónaband 30. janúar 1960. Árið 1962