Jólapósturinn - 01.12.1948, Page 11

Níels Dungal:
Sitt af hverju frá Ameríku
T^INS og allir vita, er Ameríka land
^ þægindanna, þar sem rafmagnsvélar
vinna eldhúsverkin, þar sem stigarnir
bera mann sjálfir upp og þar sem til
stendur að láta gangstéttirnar hreyfast,
svo að maður geti tekið stól með sér
út á götuna, sezt í hann og látið ber-
ast þangað sem maður vill.
I Ameríku er félag, sem kennt er við
Gídeon, sem hefir gert sér að skyldu
að gefa biblíu á hvert einasta hótelher-
bergi í landinu, og þau eru mörg! Þeg-
ar maður opnar þessa biblíu, rekur mað-
ur strax augun í, hve vel hún er úr
garði gerð til að auka á þægindi hótel-
gestsins. Framan við hana er nefnil.
stórt registur yfir allt, sem að einum
manni getur amað og við öllu er ráð
eða a.m.k. hughreysting í biblíunni. Ef
businessinn gengur illa, á maður að
fletta upp í þessum kapítula og þessu
versi á þessari blaðsíðu, ef maður er
veikur eða þunglyndur, á öðrum til-
teknum stöðum o. s. frv. Og sem dæmi
um hve langt þægindin geta gengið,
heyrði ég sögu af manni, sem kom upp
á hótel og fór að blaða í biblíunni, ekki
af því að neitt sérstakt amaði að hon-
um, en honum fannst nú vissara samt
að fara yfir allt registrið og sjá hvort
hann fyndi nú ekkert, sem við sig gæti
átt. Jú, þarna var ein fyrirsögn: ,,Ef
þú ert einmana." Hann var greinilega
einmana í ókunnugri borg, svo að hann
flettir upp og les. Þegar hann er búinn
með kaflann, sér hann að eitthvað er
skrifað á spássíuna, þar sem kaflinn
endar. Og þar les hann: ,,Ef þér eruð
enn einmana, þrátt fyrir lesninguna,
skuluð þér hringja í 2366 og spyrja
eftir Mary.“
Þetta var nú víst ekki meiningin hjá
þeim, sem borguðu biblíurnar, því að
þeir herrar eru býsna strangir í sið-
unum.
Texas.
í Texas er einn af stærstu ríkishá-
skólum Bandaríkjanna, í Austin. Stjórn
Texasríkis hefir gripið svo mjög inn
í stjórn háskólans, aðallega í gegnum
embættaveitingar, að þegar hún fór ný-
lega fram á það, að allir prófessor-
arnir við háskólann undirskrifuðu yfir-
lýsingu um það, að akademisku frelsi
væri vel borgið, fengust aðeins 115 til
að skrifa undir, en 253 neituðu.
Texas er, þrátt fyrir allan sinn auð
og stærð, það ríkið sem minnst hefir
lagt til menningarmála í landinu.
En Texas er, þrátt fyrir þetta, stærsta
og eitthvert merkasta ríkið í Banda-
ríkjunum. Og þótt margt sé stórt í
Ameríku, þá er allt stærst í Texas, a.
m.k. þegar Texasbúi segir frá. Þar á
maður einn svo stóra jörð, að það er
hægt að sigla 65 kilómetra á einu fljóti,
án þess að fara út yfir landamæri hans.
Og þeir þar suður frá segja, að enginn
sé talinn maður með mönnum, sem hafi
hlið sitt skemmra en átján mílur frá
forstofudyrunum.